Македонија
Двајцата антикорупционери не поднесуваат оставки, од ДКСК демантираат дека се на одмор
Службите во Антикорупциската комисија редовно ги ажурираат податоците за акетните листови за имотната состојба на сите избрани и именувани функционери, велат од ДКСК по информацијата дека вработените во администрацијата се на колективен одмор откако претседателот и четворица од членовите на Комисијата си поднесоа оставки.
– Одделението секој ден ги ажурира податоците, Секретаријатот како стручна служба ги врши административните и техничките работи на ДКСК, велат од Комисијата.
Од ДКСК претходно известија дека со оглед на тоа што на 19 март 2018 година од страна на Собранието е донесена одлука за разрешување членови на ДКСК, со која се разрешени од функцијата пет членови на ДКСК, во претстојниот период нема можност да одлучува и решава по однос на доставените барања и пријави од странките, во согласност со начинот на работа на ДКСК утврден во член 51 од Законот за спречување на корупцијата. Секретаријатот, како што соопштија, ќе ја прима и администрира целокупната документација што ќе пристига на адреса на ДКСК.
Од Комисијата додаваат дека сè уште има само двајца членови, а од Собранието потврдуваат дека тие сè уште не ги депонирале своите оставки. Претседателот на Антикорупциската комисија, Игор Тантуровски, како и членовите на комисијата Горан Миленков, Жаклина Дамчевска, Сејди Халили, Фадие Алиу поднесоа оставки пред повеќе од еден месец откако изби скандалот дека членови на комисијата лажирале сметки за патни трошоци и изнајмувале станови по нереални цели, што покажа внатрешната ревизија на УЈП.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Министерот Тошковски претседаваше со конститутивната седница на Управувачкиот комитет за координација и управување со системот за управување со кризи
Министерот за внатрешни работи Панче Тошковски денес како претседавач на Управувачкиот комитет за координација и управување со системот за управување со кризи, присуствуваше на конститутивната седница на комитетот која се одржа во просториите на Центарот за управување со кризи.
На седницата присуствуваа и министерот за надворешни работи и надворешна трговија Тимчо Муцунски, министерот за одбрана Владо Мисајловски, министерот за здравство Арбен Таравари и министерот за земјоделство, шумарство и водостопанство Цветан Трипуновски.
На средбата, директорот на ЦУК Стојанче Ангелов информираше за мигрантската кризна состојба на јужната и северната граница, кризната состојба во КПУ „Идризово“, како и за бројот на пожари на отворен простор и ресурсите за нивно гаснење.
„Продолжуваме посветено да работиме на надминување на овие предизвици, обезбедување брза и ефикасна реакција во кризните ситуации, се со цел поголема безбедност за нашите граѓани“, потенцираше министерот Тошковски.
Македонија
Средба Муцунски –Лудва: изразен интерес за искористување на потенцијалот за натамошно развивање на економската соработка меѓу двете земји
Министерот за надворешни работи и надворешна трговија Тимчо Муцунски, денес оствари средба со амбасадорот на Чешката Република, Јарослав Лудва.
На средбата беше истакнато взаемно задоволство од одбележувањето на 30-години од воспоставувањето на дипломатските односи меѓу двете земји, кои се карактеризираат со развиена соработка во многу сфери и отворен и продлабочен дијалог по сите клучни прашања за двете земји.
Министерот Муцунски се заблагодари за силната чешка поддршка за процесот за интеграција на нашата земја во ЕУ, особено нагласена и преку Вишеградската и Групата на пријатели на проширувањето, како и преку т.н. Славков формат. Притоа, ја потенцира цврстата определба на новата влада за забрзување на евроинтеграцискиот процес и спроведување на клучните реформи.
Министерот изрази интерес за искористување на потенцијалот за натамошно развивање на економската соработка меѓу двете земји во повеќе области, меѓи кои и во енергетскиот сектор и земјоделството. Притоа, изразувајќи задоволство од порастот на трговската размена во изминатите години, Муцунски ја нагласи важноста од натамошен фокус на унапредувањето на бизнис релациите, што ќе биде меѓу приоритетите на Министерството во следниот период.
Македонија
Зголемена фреквенција на возила на „Табановце“ и „Богородица“, се чека околу 30 минути
Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. Нa ГП Табановце и Богородица има зголемена фреквенција на возила за излез од Мaкедонија, време на чекање околу 30 минути. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.