Свет
Ердоган: Турција и Русија имаат слични ставови за Сирија

Турскиот претседател Реџепт Таип Ердоган рече дека неговата земја и Русија имаат исти гледишта за многуте проблеми во Сирија и заедничката борба против тероризмот ќе продолжи.
„Разговаравме за Сирија, вклучувајќи и некои од регионалните теми. И покрај неколкуте прекршувања на прекинот на огнот, постигнавме голем успех. Иако не и целосно, во голема мера го спречивме нападот врз цивилите“, рече Ердоган на заедничката прес-конференција со рускиот колега Владимир Путин.
„Се надевам дека ќе продолжиме да работиме заедно на стабилноста во Сирија и ќе ја продолжиме нашата соработка во борбата против тероризмот. На многу теми во Сирија имаме ист став со Русија. Му дадов информации на Путин за операцијата во Африн и тој истакна дека територијалниот интегритет на Сирија е важен“, рече турскиот претседател.
Владимир Путин ја опиша средбата со Ердоган како значајна.
„Сакам да истакнам дека интеракцијата помеѓу Русија и Турција се развива. Политичкиот карактер е интензивен“, рече Путин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Нов аларм во Грац: само неколку часа по масакрот во училиштето, пристигнаа заканувачки повици

Во вторникот наутро, Грац беше шокиран од веста за масакрот во училиштето, каде што напаѓачот убил 10 лица, а потоа извршил самоубиство, а само неколку часа подоцна имаше нов аларм.
Како што пишува „Кронен“, само неколку часа по масовното убиство во училиштето, имитаторите го искористиле пукањето како изговор за да упатат закани.
Имено, друга гимназија во Грац добила заканувачки повик во вторникот вечерта, изјави Франц Руф, генерален директор за јавна безбедност.
Закана била испратена и до централната станица во Грац во вторникот попладне, пишува „Кронен“ и додава дека истрагите за овие закани се во тек.
Свет
Руски амбасадор: Обновувањето на односите меѓу САД и Русија го забавува „длабоката држава“ во Америка

Разговорот меѓу САД и Русија за решавање на прашањата во нивните билатерални односи ќе биде преместен од Истанбул во Москва, изјави денес за ТАСС новиот руски амбасадор во Вашингтон.
„Сè уште има долг пат за обновување на руско-американските односи“, рече амбасадорот Александар Дарчиев.
Според него, зближувањето со Москва го забавуваат таканаречената „длабока држава“ во САД и антируските „јастреби“ во Конгресот.
„Можам да потврдам дека во блиска иднина во Москва ќе се одржат нови разговори на делегации“, рече Дарчиев.
Војната во Украина предизвика најголеми тензии во односите меѓу Москва и Западот од Студената војна. Искусни дипломати од Москва и Вашингтон изјавија за Ројтерс во 2024 година дека не можат да се сетат дека односите некогаш биле полоши.
Администрацијата на претседателот Доналд Трамп го смета украинскиот конфликт за посредничка „proxy“ војна меѓу САД и Русија. Трамп постојано предупредуваше на ризикот од ескалација на конфликтот во светска војна.
Свет
ЕУ го додаде Монако на листата на земји со висок ризик за перење пари

Европската комисија денес објави дека го додаде Монако на листата на земји со „висок ризик“ во однос на перењето пари, како и дека ги отстрани Обединетите Арапски Емирати од листата.
Европската комисија се согласи со „сивата листа“ на Работната група за финансиски дејствија (FATF), меѓународно тело задолжено за евалуација на активностите на земјите во борбата против перењето пари.
Монако е на нивната листа од 2024 година.