Свет
Три несреќи за три дена: Падна уште еден руски воен хеликоптер
Регистрирана е нова несреќа на руските воздухопловни сили. Како што пренесоа руските медиуми, транспортно-борбен хеликоптер „ка-29“ синоќа паднал во Балтичкото Море за време на ноќен лет. При инцидентот загинале двајца членови на екипажот. Според претставниците на Балтичката флота, несреќата се случила минатата ноќ и тоа при поволни временски услови. Во тек е пребарување на областа во која паднал хеликоптерот.
Колку за потсетување, руски борбен авион за обука на пилоти се урна вчера во регионот Вороњеж, при што никој не беше повреден бидејќи екипажот се катапултирал. За време на падот, околу 9:40 по локално време, во авионот биле инструктор и пилот од академијата.
Пред два дена падна и руски хеликоптер „ми-8“, а во тој инцидент загинаа шест лица. Хеликоптерот паднал во Хабаровск, на крајниот исток од Русија. При падот избил пожар во леталото. Рускиот истражен комитет соопшти дека хеликоптерот вршел пробен лет. Во врска со овој случај почна истрага, а официјални лица изјавија дека постојат три верзии за несреќата – временски услови, технички дефект или пилотска грешка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Седум бебиња загинаа во голем пожар во болница во источниот дел на Њу Делхи
Седум бебиња загинаа во голем пожар во болница во источниот дел на Њу Делхи, а пет се спасени и префрлени во друга болница, соопштија денеска локалните власти.
Сопственикот на болницата за бебиња во која избувна пожарот во саботата е во бегство, соопшти полицијата.
Како што пренесе Тајмс оф Индија, пожарот е ставен под контрола, а истрагата за причините за несреќата е во тек.
Свет
Вирусот на птичји грип е пронајден во говедско месо во САД
Вирусот на птичји грип е пронајден во говедско месо во САД, но официјални лица изјавија дека месото потекнува од една болна млечна крава и дека не било дозволено да се најде во продавниците во земјата, соопшти американското Министерство за земјоделство.
Надлежните прецизираат дека говедското месо останува погодно за консумирање.
Министерството соопшти дека вирусот бил откриен за време на тестирањето на 96 млечни крави кои биле извадени од производната линија бидејќи федералните инспектори забележале знаци на болеста при рутински прегледи на трупови во погоните за преработка на месо. Птичји грип е пронајден само кај една од овие крави.
Птичјиот грип е пронајден во стадата млечни говеда во девет држави, откриен е во млеко и предизвика уништување на милиони кокошки и мисирки. Сепак, неговото откритие во говедско месо е новост за епидемијата што започна во 2022 година.
Регион
Состојбата на словачкиот премиер Фицо се подобрува
Лекарскиот тим, што се грижи за словачкиот премиер Роберт Фицо, по минатонеделниот атентат денеска потврди дека неговата состојба е субјективно подобрена, соопшти прес-службата на словачката Влада.
Фицо се лекува во болницата „Рузвелт“ во Банска Бистрица.
Тој беше застрелан минатата среда од 71-годишниот писател Јурај Цинтула, кој веднаш беше приведен од полицијата.