Свет
Поради невреме 160.000 објекти во Мичиген без струја
Речиси 160.000 станбени и деловни згради ширум Мичиген останаа денеска без електрична енергија поради град и невреме кое ги оштети далеководите.
Новинската агенција „АП“ наведе дека без струја останале околу 33.000 приватни и 125.000 правни лица, потрошувачи на електрична енергија во Мичиген.
Во поголем дел од американската сојузна држава, на сила е предупредување за бура.
Метеорологот од Националната метеоролошка служба, Брајан Мид, изјави дека поради ледениот дожд јужно од Гранд Рапидс се формирал мраз со дебелина од шест милиметри.
Невремето кое го зафати централниот дел на САД донесе снег, дожд, град и силни ветрови.
Бурата во неколку сојузни држави однесе четири животи и предизвика пореметувања во воздушниот сообраќај.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кулеба: Повеќе од половина од енергетскиот систем на Украина е оштетен во нападите на руските сили
Повеќе од половина од енергетскиот систем на Украина е оштетен во нападите на руските сили, изјави министерот за надворешни работи на Украина Дмитро Кулеба.
Во интервју за Форин Полиси, тој рече дека Украинците најмногу страдаат од руските ракетни напади и дека руските балистички ракети се „вистинско зло“.
Наведувајќи дека руските сили користат балистички ракети главно за напади врз енергетскиот систем на Украина, Кулеба оцени дека која било друга земја, доколку претрпи таква штета на енергетските капацитети, ќе изгледа многу полошо од Украина.
Свет
Полицијата во САД уби ученик пред училиште во Висконсин по пријава за пукање
Американската полиција убила ученик пред средно училиште во Висконсин, откако добила дојава дека таму има вооружено лице, изјави Џош Кол, обвинител на таа американска држава.
Полицијата на Фејсбук соопшти дека нема повеќе осомничени и дека нема повредени „освен наводниот напаѓач“, пренесува Асошиејтед прес.
Кол одбил да одговори на прашањата на новинарите дали ученикот пукал и се обидел да влезе во училиштето.
Свет
При уривање на автопат во јужна Кина загинаа 36 лица
Бројот на загинати во уривањето на дел од автопатот во јужната кинеска провинција Гуангдонг се искачи на 36, соопштија локалните власти.
Несреќата се случи вчера наутро, а по уривањето на делницата долга 17,9 метри, 23 возила паднале во провалија, јавува агенцијата Синхуа.
Претходно беше соопштено дека загинале 24 лица, а 30 се повредени.