Македонија
ЕК ќе го објави извештајот за напредокот на Македонија, власта очекува чиста препорака

Европската комисија ќе го објави извештајот за напредокот на Македонија. Властите очекуваат земјата да добие безусловна препорака за членство во Европската Унија.
„Македонија навистина заслужува кристално чиста препорака и верувам дека ќе ја добиеме. Важна ни е нарацијата или зборовите во таа препорака затоа што тоа за нас е или охрабрување или обесхрабрување, но не само за нас, важно е и за граѓаните. Важно е за сите вклучени во реформските процеси. По оваа препорака, Македонија продолжува со реформите“, рече вчера премиерот Зоран Заев.
И навистина, додаде тој, ако биде потврдено тоа што е сработено и добиеме кристално чиста препорака, тоа ќе биде дополнителна мотивација да продолжиме понатаму со реформите.
Вчера исто така вицепремиерот задолжен за европски прашања, Бујар Османи, му го предаде на евроамбасадорот Самуел Жбогар финалниот фактографски извештај за реализација и имплементација на реформите од планот 3-6-9.
„Реализиравме над 90 отсто од предвидените реформи во планот 3-6-9 и 100 отсто од неговата суштина. Планот ја постигна својата цел и ја врати земјата на евро-атлантскиот пат“, истакна Османи при предавањето на извештајот на евроамбасадорот Жбогар.
Тој додаде дека во согласност со испорачаните резултати очекува убави вести денеска од Брисел за Македонија при претставувањето на извештајот на Европската комисија за земјава.
Планот 3-6-9 беше усвоен во јули минатата година по изгласувањето на новата Влада, чија цел беше одмрзнување на реформскиот процес во Република Македонија и враќање на државата на евро-атлантскиот пат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
За три дена, 109 повредени од Кочани доставиле барања и предлози на телефонската линија на Владата

109 граѓани за три дена од пуштање на телефонската линија за повредените лица и нивните семејства, која е во директна комуникација со Канцеларијата на Ппретседателот на Владата, ја искористиле можноста и доставиле свои барања и предлози, соопштија од Владата.
Од таму велат дека тоа покажува дека оваа телефонска линија дава резултат и дека Владата е отворена за секаква сугестија и идеја.
„Како Влада преку низа на мерки помагаме за помош на повредените и нивните семејства. Ова е заедничка борба и нема да отстапиме од неа, бидејќи секој граѓанин има право на соодветна здравствена заштита и медицинска нега, токму поради тоа како Влада донесовме одлука за рехабилитација во Пониква на повредените лица кои се во стабилна здравствена состојба, но им е потребна дополнителна медицинска услуга. Тим на лекари од 10 јуни до 20 август во рехабилитацискиот центар Пониква на сите лица ќе им пружат дополнителна медицинска грижа, но и психолошка поддршка“, велат од Владата.
Од таму ги повикуваат и ги охрабруваат сите повредени лица кои се засегнати да се јават на телефонскиот број 070/355-526 и да ги изразат своите барања и потреби.
Македонија
Сончево време, попладне локален дожд

Времето денеска ќе биде сончево со мала до умерена облачност. Попладне ќе има услови за локален развој на нестабилна облачност со пороен дожд и грмежи. Ќе дува слаб ветер од променлив правец. Минималната температура ќе биде во интервал од 12 до 20, а максималната ќе достигне од 26 до 35 степени.
Во Скопје, сончево со мала до умерена облачност. Ќе дува слаб ветер од северен правец. Минималната температура ќе се спушти до 17, а максималната ќе достигне до 34 степени.
Од денеска следува период на стабилно и сончево време со мала до умерена локална облачност. Дневните температури ќе бидат без значителни промени.
Македонија
Мурал од балкански рис исцртан на фасадата на Театар Комедија

Со мурал од балкански рис и мала прослава, Македонското еколошко друштво вчера го прослави Светскиот ден на рисот.
„Конечно најдовме дом за муралот, најдовме и артист кој го нацрта, и најдовме човек кој има визија и кој е отворен за соработка, а тоа е директорот на Театар Комедија – Дарко Спасов. Целта ни е со овој мурал да ја подигнеме јавната свест, не само на рурално туку и на урбано ниво. Кога работите ќе згуснат ни треба секаква поддршка, од секоја популација“, изјави раководителот на Програмата за закрепнување на балканскиот рис, Диме Меловски.
Тој се заблагодари на поддршката од Театар Комедија и директорот Дарко Спасов.
„Велат исти птици во исто јато летаат“, вели директорот Спасов, кој го изрази своето задоволство од соработката со Македонското еколошко друштво.
Освен муралот на фасадата на Театар Комедија, пред објектот поставена е и инфо табла со основните податоци за рисот, како и QR код кој води до новата интернет страница посветена на балканскиот рис: balkanlynx.com.
По поздравните обраќања, присутните членови и соработници на МЕД, се упатија кон Бистро Комедија каде што во неформална атмосфера имаа прилика да поразговараат за досегашните постигнувања, но и да разменат идеи и предлози за идни активности.