Забава
Научниците откриле нов ензим што јаде пластика

Научниците случајно развиле ензим што може да го јаде пластичниот отпад кој може да се искористи во борбата против еден од најлошите проблеми со загадувањето во светот, објави Си-ен-ен.
Истражувачите од британскиот Универзитет во Портсмут и Националната лабораторија за обновлива енергија на САД (NREL) ја откриле структурата на природниот ензим што се наоѓа во центарот за рециклирање отпад пред неколку години во Јапонија.
Тие велат дека ензимот Ideonella sakaiensis 201-F6 е способен да јаде полиетилен терефталат, кој беше патентиран како пластика во 40-тите и се користи во милиони тони пластични шишиња.
Целта на научниците била да ја проучат неговата структура, но тие случајно дизајнирале ензим што е уште подобар за разложување на ПЕТ-пластиката.
„Ние се надевавме дека ќе ја одредиме неговата структура за да помогнеме во протеинскиот инженеринг, но завршивме чекор подалеку и случајно изградивме ензим со подобрени перформанси при разложување на овие пластики“, рече водечкиот истражувач на NREL, Грег Бекам.
Откритието би можело да резултира со решение за рециклирање за милиони тони пластични шишиња направени од ПЕТ, кое моментно трае стотици години во животната средина, објави Универзитетот во Портсмут на својата веб-страница.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Безос ја продаде својата вила во Вашингтон: го собори рекордот за најскап имот

Џеф Безос, сопственик на Blue Origin и основач на Amazon, стана побогат за 63 милиони долари. Тој ја продаде својата луксузна вила во Хантс Поинт, Вашингтон, соборувајќи државен рекорд.
Продажбата на палатата на Безос стана најскапиот станбен имот во историјата на државата Вашингтон. Како што пишува Washingtonian, рекордот го држела медитеранска вила во која престојувале повеќе од 12 шведски амбасадори, со 17,3 милиони долари.
Безос ја купи гореспоменатата вила во 2019 година по разводот со новинарката Мекензи Скот. За тоа платил 37,5 милиони долари, што значи дека од продажбата остварил профит од над 25 милиони долари. Вилата се простира на повеќе од 3 хектари и има три спални соби, четири бањи, лифт, тераса на покривот и стаклен мост што ја поврзува со гостинската куќа.
Забава
(Фото/Видео) Џенифер Лопез блескаше во розевиот комбинезон во боксот на Ферари

Џенифер Лопез со нови фотографии на Инстаграм предизвика лавина реакции. Пејачката присуствуваше на трката за ГН на Формула 1 во Саудиска Арабија, а обожавателите беа особено импресионирани од нејзината облека.
Лопез за оваа пригода избра тесен розов комбинезон од латекс, кој ја истакна нејзината фигура. „Донесуваме малку сјај во Ф1“, напиша таа покрај фотографиите кои за само неколку часа им се допаднаа на речиси 800.000 луѓе.
„Латина Барби“, „Како да си ја измислила розовата боја“, „Ф1 Барби“, „Еве ја мојата Барби кралица“, „Никој не може да ти парира“, „Изгледаш апсолутно прекрасно“, „Оваа жена е спектакуларна“, „Веќе победи во трката“, „Ние ја сакаме Џеј Ло Барби“, „Опседната сум со овој изглед“, „Ова е совршенство“, се само дел од коментарите.
Забава
(Видео) Снимка од настап на Лејди Гага стана вирална, микрофонот и се расипа среде песна: „Барем знаете дека пеам во живо!“

Лејди Гага доживеа незгода за време на нејзиниот настап на вториот викенд на фестивалот Коачела. Среде изведување на песната Абракадабра, на пејачката и се расипа микрофонот, но таа продолжи да пее.
Некој од публиката објави видео од незгодата на Икс. На видеото Гага им се обрати на присутните коментирајќи го инцидентот. „Простете ми што накратко ми се расипа микрофонот… Барем знаете дека пеам во живо!“, се пошегува таа.