Свет
Сведоштво на момче од Дума: „Нè намамија со колачиња во болницата и нè полеаја со вода“
Момчето што се појави на снимките по наводниот хемиски напад во сирискиот град Дума открива што се крие зад снимката, пренесува „Раша тудеј“. Тој за рускиот медиум навел дека во болницата го намамиле со колачи, а потоа го полеале со вода.
Нападот се случи пред две недели по што Западот, од една страна, и Русија и Сирија од друга, си ја префрлаат вината едни на други. Како што наведува „Раша тудеј“, паниката, вресоците и преплашените деца се видени на снимката, што наводно настанале по нападот од 7 април. Снимката од тогаш кружи во медиумите, но и на социјалните мрежи.
На снимките се наоѓа момчето кого спасувачите го полеваат со вода. Во продолжение се наведува дека не е јасно кои се тие, дали се лекари, активисти или припадници на „Белите шлемови“.
Единаесетгодишниот Хасан Дијаб се наоѓал во подрум со својата мајка.
„Некој викаше дека мораме да одиме во болницата, па отидовме таму. Влеговме и некои луѓе ме зграбија и почнаа да ме полеваат со вода“, рекол за РТ, при што се наведува и дека момчето немало никакви симптоми од труење со гас.
Според сознанијата, момчето го нашол татко му, кој не знаел ништо за наводниот хемиски напад.
„Отидов во болницата, се качив на катот и ги најдов сопругата и децата. На децата им дале колачиња во болницата“, рекол таткото.
Неодамна за Би-би-си даде изјава и девојчето, кое исто така се појавува на снимката.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Вучиќ хит во Кина: 300 милиони луѓе го гледале интервјуто на претседателот на Србија за кинеската телевизија
300 милиони луѓе го гледале интервјуто на српскиот претседател Александар Вучиќ за кинески CCTV.
Вучиќ во интервјуто посочи дека Србија може и треба да научи, како што наведе, „илјада работи од своите кинески пријатели“.
– Правиме големи подготовки за ЕКСПО. Кога управувате со земја имате високи цели. Секогаш мора да ги ставате новите цели на прво место. Ако сакаме да го постигнеме тоа, најдобар можен партнер за тоа отсекогаш била, и секогаш ќе биде, Народна Република Кина. Тука е и претседателот Кси, бидејќи тој секогаш го држи зборот. Го гледам како обичен, скромен човек, кога ќе вети нешто, го исполнува. Не можам да ви кажам дали имаме големи работи во железничкиот сектор, целокупната инфраструктура или индустрискиот сектор, економијата, туризмот, културата, но секако има илјадници работи што можеме и мораме да ги научиме од нашите кинески пријатели – рече Вучиќ во интервјуто за кинеската телевизија.
Свет
Едно лице е тешко повредено во експлозија во зграда во Турција
Едно лице е тешко повредено во експлозија во станбена зграда во турскиот град Текирдаг, во северозападна Турција.
Засега не е познато што ја предизвикало експлозијата во станот на последниот кат од петкатницата, а како што неофицијално дознава телевизијата ТРТ, најверојатно е дека експлодирала плинска боца.
Од силината на експлозијата оштетени се ѕидовите во станот, а искршени се прозорците.
Регион
Данка денес ќе правеше две години: тажната судбина на девојчето за кое плачеше цел регион
Малата Данка Илиќ, денеска, 6 мај, ќе наполнеше две години.
Пред точно 40 дена исчезна Данка.
Тогаш за прв пат се активираше системот „Најди ме“ и започна потрагата. Покрај полицијата се вклучија и луѓе, па веќе првата вечер по девојчето трагаа повеќе од 100 луѓе. По неа трагаа жителите на Бањско поле, соседи, пријатели, противпожарна единица, како и припадници на Планинарската спасувачка служба и полицијата. Кучиња трагачи беа на пат, беспилотни летала летаа над теренот, вклучени беа хеликоптери, а теренот беше дури и прегледан со термални камери.
Мештаните тој ден рекоа дека околу куќата на Илиќ имало неколку дупки длабоки меѓу еден и два метри и дека се наполниле со подземна вода. Сите беа загрижени дека девојчето залутало и паднало со едно од нив.
Единиците на полицијата во раните утрински часови го пребараа теренот, а потрагата се уште беше отежната поради силниот дожд.
Неколку дена подоцна беше откриено дека Данка Илиќ е убиена. Осомничени за делото се Срѓан Јанковиќ (50) од село Лука и Дејан Драгијевиќ (50) од Злот, работници на Бор „Водовод“ кои се уште не ја откриваат локацијата на која го пренеле телото на девојчето од дивината. Во притвор е и таткото на Драгијевиќ, Радослав (73), осомничен дека му помагал на синот да го премести телото на девојчето. Под истрага бил и најмладиот Драгијевиќ – Далибор (40). Но, тој почина на 7 април во притвор на полицијата на Бор.