Македонија
Еколошките здруженија до Заев: Владата на дело да ја покаже заложбата за заштита на Охридскиот Регион

Владата во извештајот за напредокот во спроведувањето на препораките од УНЕСКО целосно ја игнорира препораката за мораториум на сите крајбрежни и урбани трансформации во Охридскиот Регион, реагираат еколошките здруженија.
Оттаму потсетуваат дека препораката за прогласување мораториум била во групата итни мерки препорачани од Реактивната мониторинг-мисија на УНЕСКО и Комитетот за светско наследство на УНЕСКО, кои Владата требаше да ги спроведе до 1 февруари годинава.
„Владата не само што не ја исполни оваа препорака, туку на својата 53. седница одржана на 6 фавруари годинава усвои информации што се однесуваат на активности во Охридскиот Регион, а кои предвидуваат крајбрежни трансформации на Охридското Езеро“, реагираат од еколошкото здружение „Фронт 21/42“, граѓанската иницијатива „Охрид СОС“ и Центарот за истражување и информирање за животната средина „Екосвест“.
Овие здруженија денеска од премиерот Заев побараа итно воведување мораториум на сите крајбрежни и урбани трансформации во Охридскиот Регион. Во дописот здруженијата укажуваат и на активности на терен, кои веќе значат непочитување на препораката од УНЕСКО како продолжување на изградбата на спорниот хотел во Лагадин, тампонирање, уништување на трската и поставување бетонска основа во строго заштитениот крајбрежен појас.
„Бараме од Владата во најбрз можен рок, не подоцна од 30 дена, да прогласи мораториум за сите крајбрежни и урбани трансформации на територијата на светското природно и културно наследство – Охридскиот Регион. Очекуваме Владата да ги напушти одамна застарените концепти за развој, кои јасно покажаа дека завршуваат со деструкција токму на вредностите што се основа за одржлив економски развој, односно недвосмислена определба за заштита на нашето најголемо национално природно богатство, во согласност со современите економски и еколошки стандарди“, стои во дописот.
Здруженијата потсетуваат и на скорешниот извештај за напредокот на Македонија од Европската комисија, во кој се бара централната власт да ги почитува обврските за заштита на природата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Почувствуван земјотрес во Македонија

Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот факултет во Скопје, попладнево во 16 часот и 14 минути регистрираше земјотрес чиј епицентар потекнува од епицентралното подрачје Тетово-Гостивар, 39 км западно од Скопје, со Рихтерова локална магнитуда, ML2.7.
Според досегашните податоци со кои располага опсерваторијата, земјотресот е почувствуван во Тетово, Гостивар и блиската околина со интензитет од III степени според Европската макросеизмичка скала.
Македонија
МНР: Амбасадата во Прага е во координација со семејството на Чифлиганец за пренeсување на телото во Македонија

Министерството за надворешни работи и надворешна трговија информира дека на 2 август 2025 година, до македонската амбасада во Прага била доставена информација за тешка сообраќајна несреќа во која бил повреден македонскиот државјанин Душко Чифлиганец. Тој управувал мотор кога дошло до незгодата, по што со тешки повреди бил пренесен во болница.
На 3 август, семејството го известило дипломатско-конзуларното претставништво дека Чифлиганец им подлегнал на повредите.
Како што соопштија од МНР, Амбасадата во Прага е во континуирана комуникација со семејството со цел завршување на сите неопходни формалности и организација за пренос на телото во Македонија.
Македонија
Изгаснат пожарот кај Липково, гори на две локации

До 12 часот активни се два пожари на отворен простор, еден пожар е под контрола, а еден е изгаснат.
Активните пожари се наоѓаат во село Богомила во општина Чашка, каде гори мешана шума, како и во село Грешница во општина Македонски Брод, во деградирана нискостеблеста шума, соопшти ЦУК.
Пожарот кој е под контрола е во село Стровија во општина Долнени, зад местото викано Гајдарец-Клепало, во нискостеблеста шума.
Пожарот што е изгаснат се наоѓа во село Слупчане во општина Липково, каде горела ниска вегетација.