Македонија
Димитров: Членството во ЕУ е важно колку и патот до таму
Консолидирањето на Европа е невозможно без стабилен, мирен и просперитетен Балкан, истакна денеска министерот за надворешни работи, Никола Димитров, за време на обраќањето на априлската сесија на Парламентарното собрание на Советот на Европа (ПССЕ), која се одржува во Стразбур.
Димитров посочи дека во време на глобални предизвици и кризи неопходно е земјите членки на организацијата да направат сеопфатни напори за имплементирање на преземените обврски од членството во Советот на Европа (СоЕ), со што директно придонесуваат кон зајакнување на демократската сигурност на Европа.
Во однос на напредокот во европските интеграции, Димитров рече дека најдобра потврда за направеното е чистата препорака во новиот извештај за напредокот на Европската комисија.
„Нaш предизвик е да постигнеме суштинска промена внатре. Нашата цел не е само да стигнеме до ЕУ-членство. Патот до таму е исто толку важен и треба да води кон изградба на општество во кое владее правото, функционираат институциите и се почитуваат човековите права“, порача Димитров.
При посетата на Советот на Европа, Димитров имаше одделни средби со Торбјорн Јагланд, генерален секретар на Советот на Европа, Микеле Николети, претседател на Парламентарното собрание, Гвидо Раимонди, претседател на Европскиот суд за човекови права, Дуња Мијатовиќ, комесар за човекови права на Советот на Европа, како и со членови на Парламентарното собрание на Советот на Европа.
Во рамките на разговорите тој ги претстави чекорите во надворешната политика на Владата, новата соседска политика, а се осврна и на активностите на Владата во поглед на реформите за унапредување на демократијата, човековите права и владеењето на правото. Го нагласи задоволството од соработката со телата и мониторинг-механизмите на СоЕ истакнувајќи дека нивните наоди, препораки и стандарди претставувааат значаен придонес кон исполнувањето на нашите стратешки цели за членство во НАТО и ЕУ.
Oд аспект на работата на СоЕ, ја повтори македонската позиција дека е неопходно постигнување висок степен на заедништво на континентот во насока на развојот на демократијата, заштитата на човековите права и владеењето на правото доколку сакаме да постигнеме заеднички прогрес во интерес на подобар и посигурен живот за идните генерации.
„Лекцијата што ја научивме од кризата дома, а која вреди да се сподели и пошироко, е дека не е пожелно да се замижува пред проблемите, туку тие треба гласно да се адресираат и активно да се работи на изнаоѓање решенија“, гласеше пораката на Димитров што претседателот на Парламентарното собрание ја прифати како релевантна и во однос на работата на СoE.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Денес студено утро, преку ден сончево со мала облачност
Времето денеска наутро ќе биде ведро и многу студено, а преку ден ќе биде сончево со мала локална облачност. Ќе дува слаб ветер претежно од северозападен правец. Минималната температура ќе биде во интервал од -11 до -2, а максималната ќе достигне од 5 до 12 степени Целзиусови.
И во Скопје студено време во утринските часови, а преку денот сончево со мала облачност и тивко. Минималната температура ќе се спушти до -6, а максималната ќе достигне до 8 степени.
Македонија
СДСМ избира ново раководство
Социјалдемократскиот сојуз на Македонија денес ќе го одржи 30. партиски Конгрес, на којшто ќе биде избрано новото партиско раководство.
Со тоа ќе стане извесно кој се’ ќе ги носи клучните одлуки во опозициската партија која в година повторно ќе треба да се соочи со гласачите на локалните избори
Социјалдемократите известија дека Конгресот ќе има отворен и работен дел, ќе се разговара за идните, нови политики на партијата и ќе биде избрано новото раководство, однсно членовите на највисиките тела во СДСМ – Централниот и Надзорниот одбор.
На почетокот, ќе има обраќање на Венко Филипче, кој пред пет месеци ја презема претседателската функција од неговиот претходник, Димитар Ковачевски по големиот пораз што го претрпе партијата на парламентарните и претседателските избори.
Македонија
Лашкоска: Обновувањето на шумскиот фонд е дел од приоритетите на локално и национално ниво
Заменик министерката за животна средина и просторно планирање, Ане Лашкоска, денес ја посети Гевгелија каде заедно со градоначалникот, Андон Сарамандов, се приклучија на акцијата за масовно пошумување и подигање на јавната свест „Да пуштиме корени во нашата Гевгелија“ во рамките на која на месноста Топлик, Гевгелија се засадуваа 6000 дрвни насади.
„Министерството за животна средина ги поддржува активностите за пошумување во државата бидејќи тие се значаен ресурс од повеќе аспекти – заштита на биодивезитетот, подобрување на квалитетот на воздухот, климатските промени, заштита од ерозија и свлечишта и се важен економски ресурс“ изјави Лашкоска на настанот потенцирајќи дека обновувањето на шумскиот фонд е дел од приоритетите на локално и национално ниво особено во услови кога сме соочени со многу високи летни температури и со сериозно опожарување на шумите на територијата на целата држава.
Таа упати честитки и благодарност до градоначалникот на Гевгелија, Андон Сарамандов и општина Гевгелија за одлично реализираната акција.
Во рамките на посетата на општина Гевгелија, заменик министерката Лашкоска и градоначлникот Сарамадов направија увид во реализацијата на проектот за намалување на загуби на вода со замена и инсталација на водомери заедно со инсталација и конфигурација на опрема со далечинско отчитување. Проектот го имплементира ЈКПД Комуналец Гевгелија, а е финансиски поддржан од страна на МЖСПП со средства во висина од 5 милиони денари.