Свет
Конечна одлука на британскиот суд: Смртно болното бебе не може да замине на лекување во Италија, веќе е доцна за сѐ
Британскиот суд ја отфрли последната жалба на родителите на малиот 23-месечен Алфи Еванс и ја потврди претходната одлука дека ова сериозно болно бебе не може да замине на лекување во друга болница.
Ова значи дека родителите не можат да го одведат Алфи во Италија и покрај тоа што оваа земја му даде државјанство на детето и понуди медицински авион кој би го префрлил во педијатриската болница „Бамбино Гесу“ во Рим, која е поврзана со Ватикан. Самиот папата Франциско се вклучи во случајот со болното англиско момче и сугерираше дека тоа може да продолжи да се лекува во наведената болница.
Судскиот совет ја потврди одлуката на Врховниот суд, кој реши дека британската болница во која престојувал Алфи има право да го прекине третманот и да го исклучи детето од апаратите за одржување во живот бидејќи, според утврденото, продолжувањето на лекувањето би бил залуден, безмилосен и нечовечки чин за смртно болното дете кое само дополнително би се мачело.
Во меѓувреме, родителите Том Еванс (21) и Кејт Џејмс (20), кои се во Ливерпул каде што се наоѓа болницата во која е сместен нивниот син, тврдат дека Алфи и натаму се бори за живот и му е потребна итна интервенција.
Наместо на лекување во Рим, судот вчера одлучи дека родителите можат да го одведат Алфи дома или во болница за таму да умре со природна смрт. Судијата го опиша Алфи како борец и извонредно мало момче, но истакна дека заклучокот на лекарите е дека дегенеративната невролошка болест речиси целосно го уништила неговиот мозок и дека детето практично веќе не гледа, не слуша и не чувствува ништо.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Додик: Според демократските принципи, резолуцијата за Сребреница пропадна
Претседателот на Република Српска Милорад Додик изјави дека, што се однесува до демократскиот свет и она што нè учат, резолуцијата за Сребреница денеска не доби мнозинство во Генералното собрание на ОН и таа пропадна.
„На гласањето видовме дека за резолуцијата гласаа 84 земји, што не е ниту огромно мнозинство“, нагласи Додик.
Повтори дека Владата на Република Српска го покренала прашањето за мирно одвојување од Федерацијата Босна и Херцеговина, бидејќи, како што истакна, нема причина после ова да останат и да живеат заедно во Босна и Херцеговина.
Регион
Вучиќ: Резолуцијата ќе донесе поделби не само во нашиот регион туку и во ОН
Српскиот претседател Александар Вучиќ на Генералното собрание на ОН во Њујорк изјави дека усвоената резолуција за Сребреница ќе предизвика поделби не само во регионот, туку и во Обединетите нации.
„Никогаш не се случило во Генералното собрание на ОН гласањето за прашањето за геноцидот да не се изгласа едногласно, ова се случува за прв пат затоа што некои луѓе сакаа да ја искористат својата голема политичка моќ и да ја политизираат оваа важна тема и тоа го направија. не е важно колку долго предупредувавме дека целиот процес треба да биде транспарентен и инклузивен, но тие не не послушаа“, рече Вучиќ.
Тој посочи дека за резолуцијата гласале 84 земји, додека останатите присутни не гласале за резолуцијата и дека таков чин нема да успее во ниту еден национален парламент.
„Ова е единственото место во светот каде што е усвоен ваков документ. Луѓето од некои земји ја истакнаа важноста на амандманот како нивен значаен придонес, но тоа беше само значаен придонес за поголема конфузија. Тие го направија тоа само за да го спасат образот“, рече Вучиќ.
Свет
Алжир и Оман беа воздржани за време на гласањето за резолуцијата за Сребреница
Алжир и Оман беа воздржани за резолуцијата за Сребреница, а по гласањето на седницата на Генералното собрание на ОН, претставникот на Алжир рече дека земјата е убедена дека политичките актери во Босна и Херцеговина и во регионот воопшто би морале да ги надминат нивните спорови и несогласувања и дека тоа може да се постигне преку мирен соживот, помирување, дијалог и меѓусебно почитување.
„Се воздржавме од гласањето. Жалиме што нацрт-резолуцијата не беше усвоена со консензус со цел да им се оддаде почит на жртвите. Прво, Алжир ја повторува својата доследна поддршка за почитување на сите повелби на ОН за меѓународното право, вклучувајќи го меѓународното хуманитарно право и меѓународното право за човекови права Откако Алжир пристапи кон Конвенцијата за спречување и казнување на криминалот на геноцидот, Алжир силно го осудува секој геноцид, сите злосторства против човештвото, вклучувајќи го и геноцидот во Сребреница во 1995 година. интегритетот на Босна и Херцеговина.
Претставникот на Оман рече дека земјата го поддржува залагањето сторителите на злосторствата да одговараат во согласност со меѓународното право.