Свет
Помпео: Набавката на руски ракетен систем од страна на Турција е загрижувачки потег
Државниот секретар на САД, Мајк Помпео, на турскиот министер за надворешни работи, Мевлут Чавушоглу, му пренел дека САД се загрижени во врска со одлуката на Анкара да набави руски ракетен систем S-400.
Како што се наведува, рускиот ракетен систем не е компатибилен со прописите на НАТО Алијансата.
„Секретарот ја нагласи загриженоста на САД, од можноста тие (Турција) да направат ваков потег“, изјави висок американски официјален претставник по средбата на Помпео и Чавушоглу, на маргините од состанокот на министрите за надворешни работи на земјите членки на НАТО, во Брисел.
Помпео побарал од Чавушоглу, Турција подетално да ја разгледа одлуката за набавка на оружје некомпатибилно со одредбите на НАТО.
Чавушоглу, по состанокот, за новинарите изјавил дека набавката на системот S-400 е завршена работа, но дека Турција е подготвена за набавка и на други одбранбени системи од своите НАТО сојузници.
Турција кон крајот на декември потпиша договор со Русија за набавка на ракетен систем S-400, во вредност од два и пол милијарди долари, со цел зајакнување на своите одбранбени способности поради заканите кои доаѓаат од Курдите и исламските екстремисти во земјата, но, исто така и поради конфликтот на границите со Сирија и Ирак.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Апокалипса во Кина: силно торнадо руши се’ пред себе, 5 загинати и многу повредени
Најмалку пет лица загинаа, а 33 се повредени во силно торнадо што денеска го погоди јужниот кинески град Гуангжу, јави кинескиот јавен сервис CGTN.
Сеизмолошкиот институт соопшти дека торнадото било на ниво 3, што е две нивоа под највисокото, а увидот за материјалната штета е во тек, објави државната новинска агенција Ксинхуа.
Метеоролошката станица во селото Лијангтиан во округот Бајин, на околу три километри од местото каде што потекнува торнадото, попладнево забележа максимален удар на ветер од 20,6 метри во секунда.
Претходно во текот на денот, градските власти издадоа предупредувања за можна појава на грмотевици, дожд, град и торнада во многу окрузи.
Ова доаѓа додека провинцијата Гуангдонг се бори со рекордни поплави предизвикани од обилните дождови, кои однесоа најмалку четири животи и раселени десетици илјади луѓе низ неколку градови.
Најмалку 10 лица се водат како исчезнати.
Свет
(Видео) Приведени 100 учесници на пропалестинските демонстрации на Универзитетот во Бостон
Полицијата денеска го растури студентскиот протест против израелската агресија во Појасот Газа на североисточниот универзитет во Бостон, а Универзитетот соопшти дека се уапсени околу 100 студенти.
Од универзитетот додаваат дека секој што имал универзитетска лична карта е ослободен и дека „ќе се соочи со дисциплинска постапка на универзитетот, но не и законска постапка“.
Во соопштението на универзитетот се нагласува дека активностите на демонстрантите се зголемени на ниво кое училиштето „не може да го толерира“, пренесува Бостон Хералд.
Les étudiants de l'Université Northeastern de Boston ont empêché les fourgons de police de quitter les locaux avec les étudiants arrêtés après avoir tenté de démanteler le camp de solidarité de Gaza. pic.twitter.com/bnJQQJ7YZU
— Marysieńka (@MarieMarysienka) April 27, 2024
Регион
Ужас во Загреб: пронајдено тело во автомобил во одводен канал
Граѓани попладнево во одводен канал во Загреб пронашле возило со тело на непознато лице, соопшти полицијата.
Повикот во полиција стигнал нешто по 13 часот.
Полицијата набрзо пристигнала на локацијата меѓу Антуновац и Тења и потврдила дека лицето во возилото починало, пишува Вечерњи лист.
Истрагата е во тек.