Македонија
Сугарески: Претстои силна градежна офанзива на патиштата во државата
Министерот за транспорт и врски, Горан Сугарески, заедно со градоначалникот на општина Прилеп, Илија Јованоски, денеска изврши увид во реконструкција на регионалниот пат Прилеп-Прилепско Езеро.
Како што информираат од Министерството, патниот правец е во должина од 8 километри, а реконструкцијата ќе чини 20 милиони денари, од кои 10 милиони се обезбедени од буџетот на ЈП за државни патишта, а другите средства се обезбедени од Општина Прилеп. Сугарески рече дека овој пат бил барање на жителите на Прилеп бидејќи, како што додаде, станува збор за патна делница која во минатото била целосно уништена и небезбедна за сообраќај.
Министерот исто така нагласи дека преку програмата за инвестиционо одржување на патиштата со „Македонијапат“ во тек се реконструкции на десетина регионални патишта.
„За оваа година преку оваа програма планирана е реконструкција на 29 регионални патишта со вкупна инвестиција од 467 милиони денари, средства што веќе се обезбедени од буџетот на Јаното претпријатие за државни патишта. Ова е дел од инвестицониот циклус што го најавивме со премиерот Заев, така што во следниот период ќе имаме силна градежна офанзива на патиштата во државата“, изјави министерот за транспорт и врски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Нормализиран сообраќајот на патниот правец Битола – Демир Хисар
Во 19.35 часот сообраќајот на патниот правец Р1305 Битола – Демир Хисар е нормализиран, извести АМСМ.
Од 18:50 часот поради случена сообраќајна незгода, беше во прекин сообраќајот на Р1305 Битола – Демир Хисар, во двата правци.
Македонија
Поради несреќа, прекин на сообраќајот на патниот правец Битола – Демир Хисар
Од 18:50 часот поради случена сообраќајна незгода, во прекин е сообраќајот на Р1305 Битола – Демир Хисар, во двата правци, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
Македонија
Централниот одбор на ЛДП ќе ги разгледува настапот и резултатите на изборите
Либерално-демократската партија извести дека вечерва ќе се одржи седница на Централниот одбор.
„Како одговорна партија, ЛДП, веднаш по конечното завршување на парламентарните избори ќе го разгледува предлог извештајот за подготовките, настапот и резултатите на Либерално-демкратската партија за претседателските и за парламентарните избори 2024 година.
Анализата за натамошното дејствување ќе ја прават членовите и партиското раководство во сите општински организации во наредниот период.
За извештајот, анализата и сите одлуки, јавноста ќе биде навремено и транспарентно информирана“, соопшти партијата.