Македонија
Бачев: СДСМ и ВМРО-ДПМНЕ ги ограбија работниците во изминативе 27 години
Претседателот на „Единствена Македонија“, Јанко Бачев, на работниците им го го честита 1 Мај – Меѓународниот ден на трудот.
„Во името на Единстена Македонија и во свое лично име дозволете ми најпрво да Ви го честитам 1 Мај и истовремено да ја споделам тажната слика со работниците кои во изминатите 27 години се ограбени, понижени и најсурово опљачкани од партијата ‘погреб за Македонија’ составена од ВМРО-ДПМНЕ и СДСМ“, вели Бачев.
Како што истакнува претседателот на „Единствена Македонија“ најпрво СДСМ во криминалната приватизација го ограбила работничкиот имот од околу 5 милијарди тогашни германски марки кој го создавале 45 години наназад сите работни луѓе во социјализмот.
„Дополнително, транзициските бандити украдоа уште 2 милијарди германски марки од шверцот со нафта за време на ембаргото на Обединетите нации спрема Сојузна Република Југославија. Овој грабеж на работниците е документиран во Секторот за организиран криминал при Управата за безбедност и контраразузнавање во рамките на Оперативната акција ‘Трансформација’ и Оперативнта акција ‘Монета’, меѓутоа, повеќе од две децении останува закочен во фиоките на тајната полиција“, истакнува Бачев.
Тој се осврна и на владеењето на ВМРО-ДПМНЕ во постприватизацискиот период, каде како што вели, од работниците биле украдени околу 5 милијарди евра.
„Единствената разлика меѓу СДСМ и ВМРО-ДПМНЕ е во тоа што едните краделе од работниците во германски марки, а другите во евра. И не случајно бандитите од ВМРО-ДПМНЕ и СДСМ кога ја напуштаат власта заминуваат како најголеми капиталисти врз грбот на работниците без никаква одговорност за грабежот“, нагласува претседателот на „Единствена Македонија“.
Тој истакнува дека работниците заслужуваат подобро, но смета дека Македонија треба уште еднаш да го изоди патот од 1991 година.
„Единствена Македонија не дава празни ветувања. Единствена Македонија ќе расчисти со приватизациските и постприватизациските бандити кои ги опљачкаа работниците, храбро, решително и во интерес на работниците, украденото ќе се одземе и ќе се врати на народот“, тврди Бачев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Села: Не е во ред тоа што се потенцира ДУИ, коалицијата е Европски фронт, од 9 партии
Зијадин Села од Алијанса за Албанците во интервју за Трилинг по изборите и изборните резултати и случувања, вели дека се работи за изборен инжинеринг и закрупнување на неколку политички сили. Според Села, не е во ред тоа што се потенцира ДУИ, коалицијата е Европски фронт, од 9 партии.
„Тука се најглавните албански партии. А дали сме подготвени за во опозиција, по демократските правила, тоа не го кажувааат политичките чинители, тоа го кажува народот, кој гласаше на 8 мај за Европскиот фронт да презема одговорности и да биде дел од власта“, вели Села.
Тој смета дека „погрешна е дефиницијата за коалицирање победник со победник, треба да е мандатар со победник. Победникот од македонската страна е дефиниран со Устав. Демографската реалност е за да има стабилност и да одиме напред, треба да се испочитува волјата на втората етничка заедница која е 30%, наспроти 54% кои се Македонците, според последниот попис“.
Додава дека Владата треба „да се изјасни во врска со обидот за изборен инженеринг. Според Пржинскиот договор, на техничкиот премиер е да обезбеди фер и демократски избори. Тие не се надвор од одлуките кои се носат во ДИК и Управен суд. Техничката влада е договор на најголемите политички партии“.
За тоа како Европскиот фронт ќе се однесува како опозиција во Собранието, Села вели „треба да се почитува желбата на граѓаните, не на Мицкоски. Ние ќе се однесуваме сразмерно на тоа како ќе биде решено. Не сакам да коментирам желби. Од ДИК се уште не се објавени мандатите, кој колку има. Се уште Мицкоски не е мандатар“.
Македонија
Денес малку сонце, па облачно, попладне нестабилно со пороен дожд и грмежи
Времето денес ќе биде сончево и топло со мала до умерена облачност. Ќе дува слаб до умерен ветер од јужен правец. Попладне наместа, особено во северните делови ќе биде нестабилно со пороен дожд и грмежи, а ќе има и услови за краткотрајно невреме со силен ветер и изолирана појава на град.
Во Скопје сончево и топло со мала до умерена облачност. Попладне во делови од котлината ќе биде нестабилно со пороен дожд и грмежи, а ќе има и услови за краткотрајно невреме. Минималната температура ќе се спушти до 10, а максималната ќе достигне до 27 степени.
Македонија
Здружението на судии загрижено за изјавите за Управниот суд: со нив се врши притисок врз судиите и судиското одлучуваљње
Здружението на судии во врска со реакцијата на Управниот суд на РСМ, ја искажува својата загриженост за изјавите на поединци со кои, како што се истакнува во соопштението, директно или индиректно се врши притисок врз судиите и судиското постапување и одлучување.
Како што велат, припадноста кон одредена политичка партија и можноста за идно владеење односно учество во извршната власт, не смее да се користи за коментирање, заканување или влијание врз судиското одлучување.
Оценуваат дека таквите изјави се штетни пред се за политичките субјекти кои ги пласираат во јавноста, а истовремено може да се разберат и како обид да се поткопа непристрасноста и интегритетот на судиите.
„Во однос на неоснованите обвинувања кои беа упатени на адреса на Претседателот на Управниот суд на РСМ, како Здружение на судии даваме целосна поддршка на колегите од именуваниот суд и напоменуваме дека секој избран судија е независен во своето одлучување и таа независност му е Уставно загарантирана. Па во тој правец и при најмал сомнеж за евентуален обид за притисок или влијание врз неговата работа, без разлика од кого доаѓа, е должен да ги извести надлежните судиски инстанци. Воедно, сите останати општествени чинители, а особено претставниците на политичките партии се должни да ја почитуваат загарантираната судиска независност што е во духот и на демократскиот развој и Европскиот просперитет на земјата“, потенцираат од ова здружение.