Свет
Израел се подготвува за војна со Иран, тврдат американски високи претставници
Тројца американски високи претставници тврдат дека неодамнешниот воздушен напад на воената база во сирискиот град Хама, во кој загинаа околу 20, а беа ранети 30 ирански борци, го извел Израел оценувајќи дека тоа е најновиот показател дека Израел и Иран се приближуваат до отворен судир.
Овие неименувани претставници сметаат и дека Израел сега се подготвува за воена акција и дека бара американска помош и поддршка, пренесува „Би-би-си њуз“.
„На листата со потенцијално најверојатни конфликти во светот, сега на самиот врв се наоѓа судирот меѓи Израел и Иран во Сирија“, вели еден висок американски претставник.
Американските претставници наведуваат дека израелските авиони „Ф-15“ ја погодиле воената база во Хама по што Иран испорачал оружје во базата, во која е сместена иранската 47. бригада, вклучително и ракети „земја-воздух“.
Како што пренесува „Би-би-си њуз“, Израел сè повеќе станува свесен за влијанието на Иран во Сирија. И сè додека Русија води воздушна војна за режимот на Асад во Сирија, Иран води копнена војна, тврдат овие американски претставници наведувајќи дека ирански борци има во секоја поголема руска и сириска база во земјата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.