Македонија
ВМРО-ДПМНЕ: Постои сомнеж дека фирмите на Заеви преку РЕК „Битола“ земаат пари од државниот буџет
Од опозициската ВМРО-ДПМНЕ обвинуваат дека Владата на чело со Заев и, како што велат, криминалниот картел, ја приватизирала државата.
„Заев, кој тврдеше дека неговите фирми немаат ништо заедничко со ископот на јаглен, сега ретерира дека имале механизација, но ја продале. Сепак, Заев бега од одговори и не кажува што бараат камионите со струмички регистарски таблички за кои постои сомнеж дека се на Вице Заев со налепници на „СВ – инвест“ во РЕК „Битола“.
Заев се вплетка во сопствените изговори и бега од одговори на клучни прашања. Заев бега од одговори како што бега од одговори како фирмите на кланот Заеви го купија струмичкиот конфекциски гигант „Герас Цунев“ со над 1.800 м2 деловен простор за цена од 20.000 евра. Неодамна кланот Заеви влезе и во милионскиот бизнис со марихуана.
Заев треба да одговори колку е зголемен семејниот имот откако тој е премиер и во колку милионски бизниси влегуваат неговите блиски? Дали позицијата на Заев се користи за зголемување на семејното богатство?
Додека кланот Заев влегува во милионски бизниси, граѓаните се соочуваат со лош стандард, намалување на просечната плата над 800 денари, држава со јавен долг над 5 милијарди, уплашена бизнис-заедница и лоши економски показатели.
Државата тоне, а Заев менаџира со државните ресурси само за потребите на картелот. Заев не работи за граѓаните, Заев работи за интересот на својот клан. Државата и граѓаните заслужуваат подобро. Оваа ненародна власт мора да си замине“, порачуваат од ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Премиерот од Форино ако до сега не знае дека сам треба да си го уреди сопствениот двор, таа лекција ни денес нема да ја научи“, велат од Град Скопје
На денешната прес-конференција во Влада, ВД премиерот Талат Џафери избегнува одговорност и манипулира со некакви процедури само за него познати, лажејќи дека сопственост и надлежност на Град Скопје и ЈП „Паркови и зеленило“ било да се грижи за зеленилото во Влада, реагираат од Град Скопје.
„Талат Џафери ако до сега не знае дека сам треба да си го уреди сопствениот двор, таа лекција ни денес нема да ја научи сигурно. Од ВД премиерот од Форино, што кога излегува од дома до Влада ги гаси попатно сите семафори и прави хаос низ градот, не е ни очекувано дека би требало да знае што е негова обврска, тој само знае какви бенефиции може да искористува.
ЈП „Паркови и зеленило“ ги одржува градските булевари и паркови површини кои се надлежност на претпријатието согласно Закон, а ако сака ВД премиерот Талат од Форино да ги ангажира да работат во Влада за истото треба да си склучи Договор, исто како и секоја друга институција во Македонија“, се наведува во реакцијата на Град Скопје.
Техничкиот премиер Талат Џафери по денешниот отчет за сработеното во првите 100 дена од Владата што ја предводи, даде објаснување за порасната трева околу Владата за што имаше многу реакции од граѓаните. Одговарајќи на новинарско прашање за тревата, Џафери објасни дека тоа е обврска на Град Скопје, па од таму и изборниот резултат на партијата што ја предводи градоначалничката на Скопје, Данела Арсовска.
Скопје
Посебен режим на сообраќај в недела во Скопје
СВР Скопје ги известува граѓаните на Скопје дека на 12.05.2024 (недела) од 08.30 часот до 10.30 часот, поради одржување на улична трка, од страна на Единицата за безбедност на патниот сообраќај при СВР Скопје ќе бидат преземени мерки за посебен режим на сообраќај и тоа по сообраќајниците по кои ќе се движат натпреварувачите, кои имаат стартна позиција на бул.„Илинден“–локација Фонтана, ќе се движат по бул.„Илинден“ до крстосница со ул.„Никола Парапунов“, потоа до крстосница со бул.„Партизански одреди“, десно (кон населба Ѓорче Петров) до мостот Влајко, каде што вртат полукружно и назад по истиот коловоз до крстосницата со ул.„Љубљанска“, каде вртат полукружно и по истиот коловоз се враќаат назад на ул.„Никола Парапунов“ и по бул.„Илинден“ до целта на локација Фонтана на бул.„Илинден“.
СВР Скопје апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.
Македонија
Пеевски до Мицкоски: Од вас се очекува правилно да го исполните договорот, Бугарија направи голема работа
Нема да дозволиме Бугарија да се користи за внатрешнополитички цели во Северна Македонија, наведува претседателот на ДПС од Бугарија, Дељан Пеевски.
„Зборовите на лидерот на партија со тврдења од нашата соседна земја дека ќе чека поразумен премиер се апсолутно недозволиви и неприфатливи. Нема оправдување Северна Македонија да се оттргне од свјот евро-атлантски пат“, вели Пеевски и му се обраќа на претседателот на македонската партија ВМРО-ДПМНЕ, Христијан Мицкоски:
„Сакам да му се обратам на господинот Миткоски: нема да има бугарски премиер што ќе оди спротивно на интересите на Бугарија. Од вас се очекува правилно да го исполните договорот потпишан со Бугарија. Ве потсетуваме дека Бугарија како држава направи многу со поддршката за Северна Македонија, чие место треба да биде членка на ЕУ“, вели Пеевски.