Македонија
ВМРО-ДПМНЕ: Специјалците во МВР за појадок добиваат сув леб, мармалад и путер
Специјалците се соочуваат со очајни услови за живеење и работа, изјави денеска портпаролот на ВМРО-ДПМНЕ, Димче Арсовски, на прес-конференција.
„Нивниот појадок е составен од сув леб, мармалад и путер. Потенцирам, најелитните специјални единици во Република Македонија се хранат со леб, мармалад и путер. Ниту една друга специјална единица во светот не се храни на овој начин. На луѓето што 24/7 треба да се грижат за безбедноста на нашата држава им се сервира сиромашна нискокалорична храна. Условите со кои се соочуваат припадниците на специјалната единица се катастрофални во секој поглед. Во просториите во кои се сместени припадниците на Единицата за брзо распоредување нема топла вода за туширање, иако специјалците се таму и дење и ноќе, а смените често им траат и повеќе од 12 часа“, рече Арсовски.
Тој обвини дека според нивните информации, припадниците на единицата требало и сами да си ги набават плакетите, што потоа формално ќе им бидат поделени. Арсовски тврди дека на над 1.500 припадници на специјалните единици, од поголем број станици не им се исплатени парите за прекувремена работа говорејќи за луѓе што имале одработено 150 часа месечно, со што им следува една просечна плата.
„Имено, во согласност со Законот за работните односи, работникот што има одработено подолго од полното работно време и кој нема отсуствувано од работа повеќе од 21 ден во текот на годината кај истиот работодавец, покрај платата, треба да му биде исплатен и бонус во висина од една просечна плата. ВМРО-ДПМНЕ потенцира дека овој деградирачки однос кон припадниците на специјалните единици мора да престане. Припадниците на специјалните единици заслужуваат подобар третман. Државата не смее да се однесува со своите заштитници како што тоа го прави овој криминален картел на власт“, изјави Арсовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Очекувам тесна соработка за европската иднина на земјата“, евроамбасадорот Гир за изборната победа на Силјановска-Давкова
Амбасадорот на Европската Унија во нашата земја Дејвид Гир, утрово на Х и ја честиташе победата на Гордана Силјановска-Давкова на вчерашните претседателски избори.
„Честитки до Гордана Силјановска-Давкова за нејзиниот избор за претседателка на Северна Македонија. Очекувам тесна соработка со неа за европската иднина на земјата“, напиша Гир.
Според последните резултати објавени на сајтот на ДИК, кандидатката на ВМРО-ДПМНЕ Гордана Силјановска – Давкова освоила 560.170 гласови (65,14%), а нејзиниот противкандидат Сево Пендаровски од СДСМ 251.541 (29,25%).
Македонија
Орбан со честитки за изборната победа на ВМРО-ДПМНЕ и на Сиљановска-Давкова
Унгарскиот премиер Виктор Орбан упати честитки за изборната победа на ВМРО-ДПМНЕ на парламентарните избори и победата на нивната кандидатка Гордана Сиљановска-Давкова во вториот круг од претседателските избори, додавајќи дека се радува на идната заедничка соработка.
„Им честитаме на ВМРО-ДПМНЕ, Христијан Мицкоски и Гордана Сиљановски-Давкова за заслужената и историска победа на денешните претседателски и парламентарни избори во Северна Македонија. Со нетрпение очекувам да работиме заедно за да дадеме нов поттик на процесот на пристапување на Северна Македонија до ЕУ!“, напиша Орбан на социјалната мрежа Х.
Македонија
Одбележување на 9 Мај, Денот на победата над фашизмот и Денот на Европа
По повод Денот на победата над фашизмот и Денот на Европа, денеска Владата на Република Северна Македонија свечено ќе ги одбележи овие два значајни празника.
Во 11:00 часот, владина делегација предводена од Ристо Пенов, министер за локална самоуправа и Викторија Аврамовска Мадиќ, заменик – министер за правда, ќе положат свежо цвеќе на Партизанските гробишта Бутел, Скопје.
Во 12:00 часот, владина делегација предводена од Талат Џафери, претседател на Владата на Република Северна Македонија, Ристо Пенов, министер за локална самоуправа и Викторија Аврамовска Мадиќ, заменик – министер за правда, ќе положат свежо цвеќе пред Споменикот „Ослободители на Скопје“ на платото пред Владата на Република Северна Македонија.