Економија
Под висок напон – прототипот Audi e-tron во Фарадеев кафез
Производната верзија на прототипот Audi e-tron ја најавува новата ера за брендот со четирите прстени: компанијата се трансформира од класичен производител на автомобили во снабдувач на системи за мобилност, кој на своите клиенти им нуди приспособени решенија за полнење, без разлика дали се дома или во движење. Производната верзија на прототипот Audi e-tron е првиот автомобил на пазарот што може да се полни на станиците за полнење со моќност до 150 kW. За помалку од 30 минути електричниот SUV е подготвен да тргне на следната дестинација од своето патување. Неговата голема литиум-јонска батерија обезбедува опсег од повеќе од 400 километри.
Танцувачки светла од пулсирачките струјни напони
Во Фарадеевиот кафез на високонапонската тест-платформа на Siemens, тим на електричари и инженери во најголемиот производствен погон за расклопни уреди во светот ги истражува импулсните напони до три милиони волти. Изградена во 1958 година параболичната сала располага со генератор на импулсни напони со големина на куќа. И прототипот Audi e-tron е во центарот на случувањето. Светлечки блесоци над покривот на автомобилот целосно ја осветлуваат салата висока 25 метри. Овој експеримент симболизира нешто што луѓето сонувале илјадници години: да се фати молњата и да се искористи нејзината енергија. Дури и денес не може да се користи молња за полнење електричен автомобил, но инженерите дојдоа чекор понапред до реализација на визијата за молскавично брзо полнење на возилата. Производната верзија на прототипот Audi e-tron е првиот автомобил на пазарот што може да се полни до 150 kW.
Полнење на батериите преку високонапонски станици со моќност до 150 kW
На станиците за полнење со голема моќност што го користат европскиот стандард за комбинирано полнење (CCS) прототипот на Audi e-tron е подготвен да тргне кон следната дестинација од своето патување за помалку од 30 минути, што претставува клучна карактеристика зад овој софистициран систем за термичко управување за литиум-јонската батерија. Лоциран во подот на возилото, тој складира 95 kWh енергија за да обезбеди опсег од над 400 километри. SUV-пропорциите на ова возило го прават одлично во секојдневната употреба.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Димитриеска Кочоска: Да обезбедиме влез на поголем број учесници на Берзата, ќе работиме на развој на секундарниот пазар
Министерството за финансии и Македонската берза во наредниот период активно ќе работат на развој на секундарниот пазар за тргување со хартии од вредност со цел да се зголеми бројот на учесници и тие да го најдат својот интерес во тоа. Ова го порача министерката за финансии Гордана Димитриеска Кочоска на денешната 23. Годишна конференција на Македонската берза, што се одржува во Охрид.
„Берзата е место на кое се сретнуваат инвеститорите, место каде што се движи капиталот и затоа е многу важно да се создадат услови за влез на што поголем број учесници. Да го најдат интересот и правните и физичките лица, кои можат да вложуваат средства во алтернативни извори на финансирање коишто се нудат на Берзата, покрај она што е традиција кај нас, а го нуди банкарскиот сектор. Во таа насока, во наредниот период, заедно со Македонската берза, поактивно ќе дејствуваме, меѓу другото, и во развој на секундарното тргување на хартиите од вредност кое има повеќекратни придобивки. Имено, за примарниот издавач ќе има придобивка бидејќи ќе се зголеми интересот за инструментите што се ликвидни. За Македонската берза придобивката ќе биде зголемување на обемот на тргување, додека за имателот на хартиите од вредност предноста е во тоа што ќе поседува ликвиден инструмент којшто ќе може да го продаде во секое време, односно да го материјализира“, истакна министерката за финансии и додаде дека Берзата ќе се користи како примарен пазар за обврзници кои Министерството за финансии планира да ги издава во наредниот период.
Според министерката, соработката со Берзата е исклучително важна затоа што клучно за зголемување на интересот за тргување со хартии од вредност што ги издава Министерството за финансии е имателите на тие хартии од вредност да бидат сигурни дека можат во секое време да ги материјализираат на секундарниот пазар и на тој начин да обезбедат ликвидни парични средства.
Најави дека се работи на донесување Одлука за 23-тата емисија на обврзници за денационализација во вредност од 1,5 милиони евра, којашто ќе ја зголеми понудата на хартии од вредност со кои ќе се тргува на секундарниот пазар на Македонската берза. Инаку, вкупната вредност на претходно издадените 22 емисии на обврзници за денационализација изнесува 397 милиони евра.
Поздравувајќи ги позитивните резултати од работењето на Македонската берза во првата половина од оваа година, рече дека Министерството за финансии ќе продолжи со унапредување на регулативата со цел да се обезбеди дополнителен развој на пазарот на капитал.
Економија
Владата ги ограничува профитните маржи, Мицкоски oбјави дека одлуката е помината на седница
Одлуката на Министерството за економија за маржите е веќе помината на владина седница, ќе имаме вакви акции, кои ќе траат еден месец, еден и пол месец, два месеца, во кои бруто-профитот ќе биде ограничен до ниво до 10 проценти за да не ни се случуваат удари по стандардот на граѓаните, ова го изјави премиерот Христијан Мицкоски од Штип одговарајќи на новинарско прашање во врска со одлуката за замрзнување на маржите.
Деновиве, и министерот за економија, Дурмиши, објави дека наместо замрзнување на цените, ќе се ограничуваат профитните бруто-маржи на големо и мало.
„Има таму стотици продукти што ќе бидат опфатени и така континуирано ќе носиме мерки со кои ќе се обидеме да го подобриме стандардот на граѓаните и да ја олесниме живејачката, која и така е тешка“, одговори денеска Мицкоски.
Тој беше дециден дека одлуката за ограничувањето на маржите е помината на владина седница, а се очекува да ја објасни и министерот за економија на прес-конференција.
Инаку, според најавите, со мерката ограничена маржа до 10 отсто ќе бидат опфатени 100-ина производи, а планот според најавите е ваква мерка да има и во наредниот период, особено за време на празници.
Економија
Годишен раст од 9,1 отсто на вкупните депозити и од 7,5 отсто на вкупната кредитна поддршка во август
Анализирано на годишно ниво, вкупните депозити се зголемени за 9,1%, што се должи на зголемените депозити на двата сектора, со доминантен придонес на секторот домаќинства, извести Народна банка.
На годишна основа, вкупните кредити бележат раст од 7,5% како резултат на зголеменото кредитирање на двата сектора, коешто е поизразено кај кредитите на корпоративниот сектор.
Најновото соопштение за монетарните движења е достапно на линкот.