Регион
Роднините на шесттемина протерани ѓуленисти ја тужат косовската Влада
Роднините на шесттемина протерани турски државјани од Косово, кои официјална Анкара ги смета за следбеници на движењето ФАТО, кое го предводи верскиот лидер во егзил Фетулах Ѓулен, ја тужат косовската Влада. Во кривичната пријава до Обвинителството се наведува дека ја тужат Владата во Приштина поради непочитување на правата на протераните. Според нив, депортацијата е реализирана спротивно на законите на Косово.
„Информиран сум дека роднините на протераните ѓуленисти ја тужат владата за непочитување на нивните права што тие ги имаат врз основа на законите на Косово.Ние веќе почнавме внатрешна истрага на обемниот материјал на Агенцијата за разузнавање на Косово, што не е материјал за јавноста.Нагласувам дека сериозно сме ангажирани со оваа тема, изјави премиерот Рамуш Харадинај по седница на владата.
Турските државјани кои беа дел од професорите во турските колеџи кои функционираат во Косово беа протерани минатиот месец.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Додик: БИХ е последната колонија во Европа
Претседателот на Република Српска, Милорад Додик, изјави дека во Босна и Херцеговина постои криза која трае веќе 26 години, во која правата им беа дадени на Србите, а потоа одземени во корист на муслиманите, како и дека Босна и Херцеговина е последната колонија во Европа.
„БиХ е последната колонија во Европа каде што луѓето кои дојдоа однадвор го презедоа раководството, кое никој не го избра на избори. Ние, локалните политичари, само одиме на избори, победуваме или губиме, но оние кои не се од БиХ Тие всушност играат водечка улога“, рече Додик во интервју за Џерусалим пост.
Тој посочи дека дури и Хрватите не се задоволни од ситуацијата во БиХ, но дека муслиманите не сакаат дијалог, туку ги обвинуваат Србите дека повикуваат на конфликт, што не е точно.
Регион
Татко во алкохолизирана состојба ја избол ќерката во Призрен: лекарите се борат за нејзиниот живот
Синоќа, нешто по полноќ, во Призрен е уапсен татко, кој во алкохолизирана состојба со нож ја нападнал својата ќерка (21) и ѝ нанел повреди опасни за животот.
Регионалниот полициски центар во Призрен потврди дека А. Ш. (44) со нож ја нападнал ќерката Е. Ш. по расправија под дејство на алкохол нанесувајќи ѝ повреди на грбот.
Таа е во критична состојба и лекарите во болницата во Призрен се борат за нејзиниот живот.
Случајот е карактеризиран како обид за убиство.
Како што истакнаа, таткото бил во алкохолизирана состојба и по наредба на надлежен обвинител, одредена му е мерка притвор до 48 часа.
Регион
82-годишен маж од Чешка со камера снимал деца без облека на Истра
82-годишен Чех снимал деца без облека во туристички објект во Истра, а го забележал обезбедувач кој повикал полиција, јавуваат локални медиуми.
Полициски службеници ја завршија кривичната истрага за 82-годишен чешки државјанин и утврдија сомнение дека сторил кривично дело искористување деца за порнографија.
Чешкиот државјанин е осомничен дека на 12 јуни околу 13 часот и 50 минути во туристички објект на територијата на ПУ на Истра снимал деца без облека, што го забележало обезбедувањето и повикало полиција. Мажот е приведен во полициска станица. По наредба на надлежниот суд извршен е претрес на камерата и пронајдени снимки со инкриминирачка содржина.
Осомничениот вчера попладнето бил приведен во притвор на ПУ на Истра, информира полицијата.