Македонија
Пожарникарите синоќа по полноќ вторпат го гаселе пожарот во подрумите во Аеродром
![](https://makfax.com.mk/wp-content/uploads/2018/05/Pozar-na-Vladimir-kOMAROV.jpg)
Скопската противпожарна бригада синоќа по полноќ повторно се вратила да го гаси пожарот во подрумите во зградата број 10 на улицата Владимир Комаров, преименувана во 23 Октомври. Вчера попладне 20 пожарникари со 7 возила го изгасија пожарот во подрумите, но неколку часа откако си заминале станарите повторно ги повикале.
„Интервениравме повторно, но немаше оган. Имаше испарувања од големата температура што се развила за време на пожарот. Станарите сега се исплашени и реагираат на секоја појава на чад. Наша екипа излезе на терен и интервенираше и за испарувањата“, изјави за „Макфакс“ Ѕвонко Томевски, командант на скопската противпожарна бригада.
За повторената интервенција утрово извести Министерството за внатрешни работи.
Станарите во зградата број 10 ноќта ја поминаа без струја. Очекуваат денеска да се завршат проверките на оштетувањата и поправките за да може да се пушти струја во зградата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Падна дел од фасада на зграда во Аеродром
![](https://makfax.com.mk/wp-content/uploads/2024/07/dozd-aerodrom.jpg)
Центарот за управување со кризи извести дека на единствениот повикувачки број за итни случаи 112 добиена е пријава за штета, односно паднат дел од фасада на зграда на булеварот Јане Сандански во Аеродром.
Силниот ветер попладнево направи хаос во Скопје. Паднати се дрвја, има оштетени возила, откачени лимови, искинати кабли од бандери.
Во центарот на градот, на булеварот Свети Климент Охридски, дрво падна врз жена.
Македонија
Трипуновски: Ги потпишав сите заостанати договори и документи во Министерството
![](https://makfax.com.mk/wp-content/uploads/2024/07/tripunovski-c-1.jpg)
Министерот за земјоделство, шумарство и водостопанство Цветан Трипуновски денеска ги потпиша сите заостанати договори и документи кои предолго чекаа за потпис.
„Ги потпишав сите оние договори и документи кои долго стоеле по фиоките во кабинетите на Министерството за кои претходната гарнитура не нашла време или пак не сакала да ги потпише од причини само за нив јасни“, изјави Трипуновски.
Ова е само најава на тоа што следува и во која насока ќе се движи Министерството во иднина, со зголемен ангажман, побрза реакција и поголема грижа за македонските земјоделци, се наведува во соопштението на МЗШВ.
„Ја намалуваме бирократијата и ги забрзуваме процесите и постапките бидејќи македонските земјоделци треба да се посветат само на производството“, заврши Трипуновски.
Македонија
Тошковски-Лимани: забрзување на протокот на патници на граничните премини за време на сезоната на годишни одмори
![](https://makfax.com.mk/wp-content/uploads/2024/07/toskovski-limani1.jpg)
Денеска во МВР, министерот Панче Тошковски се сретна со министерот за социјална политика, демографија и млади Фатмир Лимани.
„Заедно ја анализиравме ситуацијата на граничните премини во насока на пронаоѓање решенија за забрзување на протокот на возила и патници на двете страни на границите во овој период на зголемена фреквенција на граничните премини заради годишните одмори кога огромен број од нашите иселеници се враќаат во татковината“, извести Тошковски.
„Ги разгледавме можностите за унапредување и промена на некои од процедурите на границите со цел забрзување на протокот на луѓе и намалување на времето на чекање и на двете страни на границата. Секако со министерот Лимани потенциравме посветеност за унапредување на соработката и координацијата помеѓу двете институции што ќе резултира со унапредување на безбедност на сите наши граѓани што е една од главните стратешки цели на новата Влада“, додава министерот за внатрешни работи.