Македонија
Без струја делови на Сарај, Аеродром, Карпош, Петровец…
Од „ЕВН Македонија“ АД има известување дека денеска без електрична енергија ќе останат: во периодот од 8 до 13 часот корисниците од селото Љубанци, летувалиштеТО „Љубанци“, мелницата „Љубанци“, ХПП Љубанци“, дел од корисниците од селото Мирковци, како и корисниците од викенд-населба Побожје и селата Побожје, Кучевиште, Бродец, Танушевци и Брест (општина Чучер Сандево).
Во периодот од 8.30 до 15 часот без струја ќе бидат корисниците од селата Глумово, Шишево, Долна и Горна Матка, како и стопанските објекти „Адријус“ ДООЕЛ, „Виа комерц“ и „Бис оил“ (општина Сарај), во периодот од 9 до 10 часот дел од корисниците од улицата 23 Октомври (општина Аеродром), од 9 до 15 часот струја ќе немаат корисниците од улицата Волгоградска бр. 7, 8 и 12 (општина Карпош), во периодот од 9.10 до 12 часот корисниците од селото Коњари, а краткотраен прекин од 30 минути ќе имаат корисниците од селата Дивље, Сушица, Чифлик и Живиње, општина Петровец.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски: Укинувањето на акредитацијата за студии за медицински науки на Универзитетот во Струга е поради тоа што е спротивно на законите и не ги исполнува критериумите и условите
Тоа е укинување на претходно издаденото решение, бидејќи е спротивно на законите и не ги исполнува критериумите и условите, вели премиерот Христијан Мицкоски одговарајќи на новинарско прашање дали се стега обрачот околу ДУИ, бидејќи владата донесе одлука за поништување на акредитација за студии за медицински науки на Универзитетот во Струга, како и укинување економските директори на Клиниките.
Мицкоски истакна дека истата комисија која претходно издала согласност, истата таа комисија ја поништила издадената согласност.
„Ако длабоко навлезете во таа постапка, ќе видите дека практично комисијата која што претходно издала согласност, истата таа комисија ја поништува издадената согласност. Така што на Министерството не му преостануваше ништо друго освен да постапи по тие насоки. И затоа претходната согласност за организирање на таков тип на студии на Универзитетот претпоставувам зборувате во Струга е практично поништена таа согласност, и сега таму тие немаат право да организираат таков тип на високо образовна настава“, изјави премиерот Мицкоски.
Македонија
Муцунски – Клаин: изразено задоволство што политиката на проширување на Унијата со земјите од Западен Балкан ќе биде меѓу приоритетните цели
Министерот за надворешни работи и надворешна трговија, Тимчо Муцунски оствари средба со амбасадорот на Унгарија, Андраш Клаин.
Муцунски упати честитки за преземањето на претседавањето со Советот на ЕУ од страна на Унгарија, изразувајќи задоволство што политиката на проширување на Унијата со земјите од Западен Балкан ќе биде меѓу приоритетните цели. Беше изразено заемно очекување за напредок на земјава на евроинтегративниот пат за време на унгарското претседавање, како и заложба за соработка меѓу двете земји во таа насока.
На средбата, министерот Муцунски истакна дека во годината кога со Унгарија одбележуваме значаен јубилеј – 30 години од воспоставувањето на дипломатските односи ќе продолжат заложбите за зајакнување на соработката и партнерството.
Двете страни, се осврнаа и на соработката во рамки на НАТО, нагласувајќи го заемниот придонес за зачувувањето на целокупната трансатлантска стабилност. Соговорниците разменија мислења и за регионалните случувања, како и за актуелните надворешно – политички теми.
Македонија
Мицкоски за изборот на Филипче: Не се мешаме во внатрепартиските работи на СДСМ
Премиерот на Владата и претседател на ВМРО-ДПМНЕ, Христијан Мицкоски денеска одговарајќи на новинарско прашање како го коментира изборот на Венко Филипче за претседател на СДСМ, рече дека нема да се меша во внатрепартиските работи на СДСМ, бидејќи тоа е работа на органите и членството на партијата.
„Па видете тоа е работа на СДСМ на членството на СДСМ. Ние рековме дека нема да се мешаме, не сакаме тоа да им го правиме на другите, што не сакаме нам другите да ни го прават. На Филипче му посакувам успешна работа, да бидат конструктивна опозиција, да работата во интерес на граѓаните и татковината“, рече Мицкоски и додаде:
„Јас и во моето експозе во Парламентот кажав дека секогаш станува збор за интересите на Македонија и македонските граѓани, подавам рака а така ќе биде и во иднина. Членството на СДСМ одлучило така, нас не ни преостанува ништо друго освен таа одлука да ја почитуваме, бидејќи немаме право и не сакаме да се мешаме во внатрешните работи на другите политички партии“.