Македонија
(Видео) Пазарџиите во знак на протест повторно го блокираа булеварот кај Бит-пазар
Пазарџии денеска втор ден по ред го блокираа булеварот Крсте Мисирков во знак на протест против одлуката на општина Чаир и Градот Скопје да ги дислоцираат трговците со цвеќиња зад поликлиниката „Бит-пазар“.
Тие го блокираа сообраќајот во еден правец, од Чаир кон Центар. Велат дека се незадоволни од одлуката на градските власти да ги пренесат кај поликлиниката, затоа што, според нив, таму нема место за сите. Повеќето од нив, како што рекоа, стравуваат дека ќе останат без работа. Сакаат што побрзо да се реши целиот случај бидејќи, како што велат, многу семејства егзистираат од тезгите на пазарот. Најавија дека ќе има мирни протести сè додека не се најде соодветно решение. На местото каде што се протестира е забележано присуство на полицијата.
„Нема каде да одиме, ако не не остават овде нема што да правиме. Сите луѓе што се тука избркани имаат семејства кои треба да ги прехранат. Има луѓе кои се повеќе од 35 години тука, се бориме за ова место бидејќи јадеме леб од тука. Сакаат да нè избркаат па после да најдат решение, тоа не оди така. Прво треба да најдат решение, па после да не сместат. Тука сме 400 луѓе и нема тезги за сите“, вели Кемал Ибраими сопственик на неколку тезги.
„Изведувачите треба да имаат нормативен акт, да знаеме колку дена ќе трае целата реконструкција, имаме голема загуба, кој ќе ни ја надомести, вака не оди. Нè преместија зошто таму треба да се гради, веќе 4 дена сме тука. Ни ветија дека ќе се вратиме на местата каде што бевме, но после градењето кое заврши за 18 месеци. Овде сме кратко време, можеби уште месец или два, потоа треба да најдеме решение каде ќе одиме. Тука не може да се работи, нема услови за работа, нема вода ниту канализација, на паркинг сме, а плаќаме 20 илјади денари по тезга“, велат продавачите на цвеќиња чии тезги се префрлени позади поликлиниката на паркинг кој е во сопственост на џамијата.

Општина Чаир и Град Скопје вчера во меѓусебна координација започнаа со дислокација на трговците што се занимаваат со продажба на цвеќиња по должината на булеварот Крсте Мисирков. Продавачите се дислоцирани зад поликлиниката „Бит-пазар“, каде што никна нов цветен пазар, со цел, како што соопшти Општината, да се иницира решение за хаосот што се предизвикува на булеварот и справување со ситуацијата со јавните површини во општината.

Од Градот Скопје, пак, информираа дека за сите трговци на нелегално поставените тезги на овој потег обезбедиле простор на новата локација под одредени поволни услови.
На местото каде што до вчера се продаваа цвеќиња, планирано е да се изгради такси-станица.
Виктор Јованов
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Вчера констатирани 1065 сообраќајни прекршоци, 716 за брзо возење
Во текот на вчерашниот ден како резултат на редовните сообраќајни контроли што ги реализираат полициските службеници од сите сектори за внатрешни работи на патиштата низ земјава, од вкупно 1065 издадени платни налози, 716 прекршоци се однесуваат на возачи кои не ја почитувале пропишаната брзина на движење, извести МВР.
„Понатаму, според статистичкиот преглед од полициските активности, евидентирани се 50 прекршоци за неправилно паркирање, 82 мерки се изречени за возачи што управувале возило без возачка дозвола, 14 санкции за возач почетник, како и 16 санкции за возење под дејство на алкохол.
Од друга страна пак, согласно одредбите од Законот за безбедност на сообраќајот на патиштата санкционирани биле осум возачи на мотоцикли за неносење заштитен шлем, а санкционирани се и двајца пешаци. Исто така санкционирани се 44 учесници во сообраќајот кои што не користеле сигурносен појас. Согласно Законот за возила, 23 возила биле отстранети од сообраќај заради тоа што биле нерегистрирани, а едно возило заради техничка неисправност. Санкциониран е и еден возач поради неисполнување на пропишаните услови во однос на затемнувањето на стаклата на возилата (фолии)“, соопшти МВР.
Македонија
СДСМ: Мицкоски е во шок од изборниот резултат, а ВМРО-ДПМНЕ е во паника дека СДСМ ќе освои повеќе општини отколку тие во 2017
„ВМРО-ДПМНЕ не може да се помири со фактот дека СДСМ останува најсилна опозициска партија и дека е на пат да освои повеќе општини од ВМРО-ДПМНЕ во 2017 година“, велат од СДСМ.
„Мицкоски е во шок од изборниот резултат, колку и да се обидува триумфалистички да ја труе јавноста со соопштенија. Факт е дека изгубија 140.000 гласови, факт е дека доколку утре би имало парламентарни избори би освоиле 7 пратеници помалку и дека пропаднаа сите планови за пасокизација на СДСМ на која толку многу работеа.
Граѓаните јасно го поразија и неговиот коалициски партнер ЗНАМ, кој требаше да биде тројанскиот коњ за делење на СДСМ. Овој план пропадна и ЗНАМ е на пат на исчезнување.
Затоа Мицкоски и ВМРО-ДПМНЕ мораат да пуштаат секојдневни соопштенија за лажно да ги мотивираат своите гласачи, но реалноста е сосема поинаква. СДСМ продолжува со својата кампања во 17 општини. Ги повикуваме граѓаните да излезат масовно на гласање, да ги поддржат нашите чесни и докажани кандидати кои искрено и посветено ќе работат за граѓаните“, соопшти СДСМ.
Македонија
Камион излета од патот кај клучката Хиподром, сообраќајот во прекин
Товарно моторно возило денеска во 9 часот излета од патот Скопје – Куманово, кај клучката Хиподром (обиколница Скопје) кон Куманово, извести АМСМ.
Собраќајот е во прекин.

