Свет
САД се извинија откако аеродромските служби во Детроит принудиле канадски министер да го тргне турбанот
Официјални лица од администрацијата на Трамп објавија извинување откако обезбедувањето на аеродромот во Детроит побарало од канадскиот министер за иновации, наука и економски развој, Навдип Бејнс, да го тргне својот турбан, изјави министерот за „Ла прес“, пренесува „Гардијан“.
Бејнс се враќал во Торонто по средбите со државните лидери на Мичиген во април 2017 година и веќе ги поминал редовните безбедносни проверки, но бидејќи носел турбан, агент од безбедносната служба му рекол дека ќе мора да помине дополнителни проверки. САД ја изменија својата политика за патувања во 2007 година, дозволувајќи им на Сиките да ги задржат турбаните додека минуваат низ безбедносна проверка.
„Агентот ми рече да го тргнам турбанот. Го прашав зошто да го правам тоа кога детекторот за метал функционира правилно. Тоа беше непријатно искуство “, рече министерот.
Бејнс одбил да го тргне турбанот.
„Верував дека тоа е упад во мојот приватен живот “, рече тој. Агентот на крајот попуштил.
Бејнс вели дека кога патува, ретко го открива својот идентитет како министер на владата за подобро да ги разбере патувачките искуства – и фрустрациите – на луѓето кои немаат привилегии. Но кога и на втората безбедносна точка наишол на истиот проблем и било побарано од него да се идентификува, Бејнс неволну му го дал на агентот својот дипломатски пасош. Тоа биле миговите што следеле најмногу го вознемириле канадскиот министер.
„Останав без зборови … На чекор пред да се качам во авионот инсистираа да го тргнам турбанот. Но, откако го дознаа мојот дипломатски статус, ми рекоа дека сè е во ред. Тоа не е задоволителен одговор”.
Канадската министерка за надворешни работи, Кристија Фриленд, изразила разочарување кон нејзините колеги од САД поради инцидентоит, по што потсекретарите на САД за домашна безбедноснт и за транспортни се извинија за инцидентот.
Канада има повеќе министри од Сиките од која било друга земја во светот. На изборите во 2015 година, 20 Сики беа избрани за пратеници, а четворица – Бенс, Харџит Саџан, Амарџит Сохи и Бардиш Чагер – беа назначени за федерални министри.
„За жал, вакви инциденти се случуваат од време на време, особено на малцинствата. Но, тоа никогаш не треба да стане норма. Ќе продолжам да ја промовирам различноста и инклузијата низ целата земја како што направи нашата влада откако ја презедовме власта. Токму затоа се кандидирв за функцијата”, рече Бенс во изјавата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Министерот за национална безбедност на Израел: Прифаќањето на примирјето од Хамас е трик
Израелскиот министер за национална безбедност Итамар Бен-Гвир денеска го оцени прифаќањето на примирјето од страна на Хамас како трик, јавуваат израелските медиуми.
„Има само еден одговор на триковите и игрите на Хамас – итна наредба да се освои Рафах, да се зголеми воениот притисок и да се продолжи со рушење на Хамас додека не биде целосно поразен“, изјави Бен-Гвир, цитиран од „Тајмс оф Израел“.
Во исто време, „Канал 12“ ги пренесува ставовите на израелските власти кои велат дека израелскиот преговарачки тим штотуку го добил одговорот на Хамас од посредниците.
Во извештајот се вели дека Израел сега внимателно го проценува одговорот на Хамас и ќе даде официјални коментари подоцна оваа вечер.
Во него се вели дека израелските власти веќе велат дека ова не е истиот предлог за договорот што Израел и Египет го договорија пред 10 дена, што оттогаш служеше како основа за индиректни преговори“, се вели во ТВ прилогот.
„Скај њуз“ пишува дека Израел тврди оти Хамас прифатил „помека“ верзија на договорот за прекин на огнот предложен од Египет, што е неприфатливо за израелските власти. Странските медиуми јавуваат и дека израелските власти тврдат дека најавата на Хамас се чини дека е измама со цел Израел да се претстави како страна која не е подготвена да го прифати договорот.
Овие нови клаузули, меѓу другото, се однесуваат на кардиналните прашања дали, како и кога ќе заврши војната и какви гаранции се нудат во овој поглед.
Според извештајот, Хамас во последните денови ги заостри своите барања и бара војната да заврши во првата, 40-дневна фаза од договорот, наместо во втората или третата фаза.
Израел, од своја страна, постојано го отфрла завршувањето на војната како дел од договорот за заложници, инсистирајќи наместо тоа дека ќе ги продолжи борбите откако ќе се спроведе договорот, во согласност со неговите двојни воени цели: враќање на заложниците и уништување на Хамас.
Хамас, според претходните извештаи, објави дека го прифатил договорот за прекин на огнот предложен од Египет и Катар со цел да се стави крај на седуммесечната војна со Израел во Газа, а израелските медиуми цитираа официјални лица дека израелскиот преговарачки тим го добил одговорот од посредниците.
Регион
(Видео) „Мажот ја навредувал и изневерувал“ – Обвинителството во Албанија со детали за мајката што скокна во река со своите деца
Обвинителството на Основниот суд од општа надлежност во Скадар во комуникација до медиумите изнесе повеќе детали за трагедијата во семејството Арази во албанскиот град Скадар, каде досега се пронајдени телата на две деца, додека потрагата по телото на мајката и третото дете продолжува.
„До оваа фаза се утврдени сомнежи врз основа на докази дека државјанин Е.А., како последица на континуирано психичко насилство врз неговата сопруга, манифестирано во форма на континуирани навреди и прељуба, тешко нарушувајќи го нејзиното достоинство, го предизвикал самоубиството на А.А., за која се сомнева дека во тешка психичка состојба, се фрлила во реката заедно со трите малолетни деца“, се вели во соопштението на Обвинителството.
Алма Арази (39) со трите деца скокна во студената река.
Телото на најстарото девојче било пронајдено вчера во реката, додека телото на второто денеска.
Во потрагата учествува и рибарот кој вчера пронашол едно од девојчињата и кој рекол дека потрагата е многу комплицирана.
По страшната трагедија, нејзиниот сопруг е уапсен и обвинет за семејно насилство и предизвикување самоубиство.
Новинарот на „Еуроњуз Албанија“ рече дека за време на сведочењето дадено во полиција, 39-годишниот сопруг Ергис Арази се појавил многу ладен за време на испрашувањето, не покажал никакви емоции и ги отфрлил обвинувањата дека ја малтретирал сопругата или другите деца.
Тој рече дека парот бил во стабилна економска ситуација, претходно живеел во Италија и Германија, а неодамна се преселил во Скадар.
Арази, откако неговото семејство било пријавено за исчезнато, два дена подоцна бил виден во кафуле со пријателите и наводно воопшто не бил вознемирен, наведува „Voxnews.al“, повикувајќи се на изјавите на неговите пријатели.
Како што рекоа, тој бил сосема мирен.
Семејството на Ергис тврди дека тој никогаш не би им наштетил. Тие тврдат дека парот имал проблеми меѓу себе, но дека Ергис Арази не бил насилник.
„Ги обожаваше децата. Тој никогаш не би им наштетил. Работеше цел ден во сервис за мобилни телефони за да ги испрати во приватно училиште. Можеби имал проблеми со сопругата, но таа никогаш не требало да им го прави тоа на децата. Тоа нема да и го простиме“, рекле тие.
Свет
Хамас: Се согласивме на прекин на огнот
Хамас објави соопштение дека го прифаќа египетско-катарскиот предлог за прекин на огнот.
Во соопштението се наведува дека нејзиниот врховен лидер Исмаил Ханије ја пренел веста во телефонски разговор со катарскиот премиер и египетскиот министер за разузнавање.
Двете земји посредуваат во повеќемесечните разговори меѓу Израел и Хамас. Сè уште нема коментари од Израел.
Претходно денеска Израел најави офанзива насочена кон Рафах, најјужниот град Газа. Повеќе од милион жители се засолниле во градот поради судирите во другите делови на Појасот Газа.
Предлогот не е објавен во јавноста, но првата фаза, наводно, бара 33 живи заложници: жени, деца, стари лица и болни да бидат ослободени за време на 40-дневното примирје, во замена за стотици палестински затвореници.