Свет
Соросовиот Институт „Отворено општество“ ги прекинува сите операции во Унгарија по нападите и притисокот од Орбан
Меѓународната мрежа за доделување грантови на глобалистичкиот милијардер Џорџ Сорос ја затвора својата канцеларија во Унгарија и ќе се пресели во Германија како реакција на владината акција против невладините организации финансирани од странски држави, пренесува „Брејтбарт Лондон“.
„Соочени со сè порепресивното политичко и законско опкружување во Унгарија, Фондацијата ‘Отворено општество’ ги пренесува своите меѓународни операции и персонал од Будимпешта во германскиот главен град Берлин“, потврди мрежата во вторникот.
Одлуката за затворање на операциите во Унгарија доаѓа во време кога премиерот Виктор Орбан се подготвува да наметне понатамошни ограничувања на невладините организации преку пакетот-закони „Стоп, Сорос“, како што се вели во соопштението.
Напаѓајќи ги предлозите според кои ќе се даночи приходот на странските НВО и ќе се намалат т.н. на граѓанското општество за промовирање на нелегалната имиграција, претседателот на „Отворено општество“, Патрик Гаспард, ја обвини Будимпешта за користење тактика без преседан во историјата на Европската Унија за да ја попречи работата на групата.
Освен поплаките поради претераните барања за транспарентност во финансирањето од странство, групатата изрази особен гнев поради мерките во пакетот што се повикува на интересите на националната безбедност, како што се правилата со кои од невладините организации што работат со барателите на азил се бара да бидат лиценцирани од владата.
„Фондацијата ќе продолжи со сите достапни правни можности за одбрана на основните права што се загрозени со овие закони“, се вели во нивната изјава ветувајќи дека ќе ја продолжат работата на организацијата во Унгарија преку финансирање од Берлин.
Кога вестите за можното заминување на Фондацијата од Будимпешта се појавија минатиот месец, Орбан изјави за јавното радио:
„Мислам дека ќе ме разберете ако не се расплачам поради нивната одлука да го затворат седиштето во нашиот главен град. Борбата против Сорос, неговата либерална идеологија и против неговите иницијативи за мигранти ќе продолжи секаде каде што се темелите на нејзиното основање“, изјави тој за „МР1“.
Посочувајќи на неодамнешните состаноци во Брисел меѓу финансиерот со унгарско потекло и високи претставници на ЕУ, унгарската владата соопшти дека е кристално јасно оти Сорос останува посветен на поткопување на политиката вклучувајќи ја и неговата цел да ја поплави Европа со мигранти од третиот свет, иако убедливата победа на Фидеш претходно годинава ѝ даде огромен мандат на партијата да ги прекине плановите да се направи нацијата мултикултурна.
Најавувајќи го крајот на ерата на либералната демократија во инаугуративниот говор минатиот викенд, Орбан вети дека ќе научи од грешките на Западот во градењето христијанска демократија од 21 век, која ги гарантира човечкото достоинство, слободата и безбедноста и ги штити еднаквите права на мажите и жените и моделот на традиционалното семејство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Маријани: Користејќи ги примерите на Додик и Ле Пен, ЕУ ја демонстрира смртта на демократијата
Користејќи ги примерите на Мари Ле Пен и Милорад Додик, кои беа политички осудени, Европската унија ја демонстрира „смртта“ на демократијата, вели Тијери Маријани, пратеник во Европскиот парламент од Франција.
„Од Париз до Република Српска, ЕУ ја оркестрира „смртта“ на демократијата. Истите методи, истата немилосрдност – рече Маријани во видео обраќањето објавено на платформата Икс, пренесува РТРС.
Тој ја праша претседателката на Европската комисија, Урсула фон дер Лајен, дали има некакви коментари, а потоа изјави:
„ЕУ повеќе не се плаши од авторитаризам, туку го прифаќа“.
Свет
Студент во Британија и Кина со години силувал жени: се појавија уште 23 жртви
Уште 23 жени се појавија во полиција со обвиненија против серискиот силувач Женхао Зу, кинески докторант кој минатиот месец беше прогласен за виновен во Лондон за дрогирање и силување на 10 жени на два континента, јавува Би-Би-Си.
На крајот од судењето, полицијата соопшти дека има видео докази, снимени од самиот Зу, кои укажуваат дека може да има уште 50 жртви и дека се обидуваат да ги најдат тие жени. Но, сега детективите велат дека веруваат дека бројот на неговите напади е значително поголем. Зу бил обвинет и за дрогирање на жртвите и снимање на нападите, а приватните работи на жените што ги силувал ги чувал во кутија.
Двете жени кои минатиот месец дојдоа во полиција со новите наводи исто така разговараа за Светскиот сервис на Би-Би-Си. Една од нив рече дека Зу ја силувал во нејзиниот роден град во Кина, откако тој и ставил нешто во пијалокот, таа била свесна, но не можела да се движи или да зборува. Друга рече дека Зу ја дрогирал во Лондон и дека се разбудила и видела како се снима како сексуално ја напаѓа.
Би-Би-Си разговараше и со две жени чиешто сведочење помогна да се осуди Зу, кој ќе биде осуден во јуни. „Да зборував порано, можеби немаше да има толку многу жртви по мене“, вели една од нив. Таа и другите жени велат дека се борат со вината што знаеле дека Зу нападнал толку многу жени.
Една од жените кои ги изнесе новите обвинувања изјави за Би-Би-Си дека Зу ја нападнал во Лондон во 2021 година, но таа се осмелила да контактира со полицијата дури по неговото судење минатиот месец. „Не знаев дека е нешто што може да се пријави“, рече таа. Вели дека првпат го запознала Зу додека излегувала со други кинески студенти на ноќно излегување во Лондон. Сите се додадоа на WeChat, популарна апликација за пораки.
Недолго потоа, заеднички пријател ја поканил девојката на пијачка во луксузното студентско сместување на Зу во Блумсбери. На масата имаше две шишиња алкохол, вели таа, двете веќе отворени и полупразни. Почнала да пие од едното шише со пријателка, но вели дека Зу пиел само од другото.
Жртвата вели дека нејзината пријателка нормално добро поднесува алкохол, но овој пат многу брзо се опила и заспала на подот. Алкохолот брзо почнал да влијае и на неа, вели таа. „Обично, кога пиете премногу, се чувствувате добро одредено време. Но, таа вечер веднаш почнав да се чувствувам многу грозно и поспано“, се сеќава таа.
Таа рече дека оу ја уверил дека не и е безбедно да се качи сама со такси дома во таква состојба и и предложил да дремне во неговата соба. Таа се согласила, знаејќи дека нејзината пријателка се уште е во станот.
Следно што се сеќава, се разбудила и Зу ги соблекувал панталоните. „Веднаш го запрев“, вели таа, а токму тогаш ја забележала светлината од мобилниот над нејзината глава и со ужас сфатила дека ја снима.
Девојката опишува како се обидела да ја напушти неговата спална соба, но тој агресивно ја повлекол назад внатре.
Дури и кога се заканувала дека ќе вика и ќе повика помош, тој ја пуштил да си оди, а Зу потоа и рекол да не прави голема работа и да не оди во полиција.
„Сега останува на истражниот тим професионално да ги анализира доказите и приказните на овие поединечни жртви за да видиме дали можеме да идентификуваме кој бил жртва, кога и каде, а потоа да го изведеме Зу пред лицето на правдата за целосниот обем на неговите злосторства“, рече Саутворт.
Свет
(Видео) Силни бранови го погодија Сиднеј: „Никогаш не сум видел такво нешто“
Брегот на Сиднеј беше погоден од силни бранови, што доведе до поплави во станбени згради и оштетување на инфраструктурата, соопштија денеска официјални лица.
Во јужниот дел на Сиднеј, неколку куќи беа евакуирани околу полноќ, откако брановите навлегоа во крајбрежната област, изјави портпаролот на службата за вонредни ситуации на Нов Јужен Велс, Ендрју Едмундс, пренесе АП.
Massive swells smash windows at Sydney's Bondi Beach https://t.co/9qoVVGoVLO
— BBC News (World) (@BBCWorld) April 2, 2025
На плажата Бонди, бранови високи 5,5 метри оштетија згради покрај брегот.
Во еден од комплексите со базен, теретана и ресторан, искршени се прозорци и стаклени врати.
„Ова е застрашувачко. Јас сум член веќе 50 години и никогаш не сум видел нешто слично. Силата на водата беше неверојатна”, изјави генералниот директор на клубот Боб Тејт, додавајќи дека се оштетени околу 15 стаклени панели на палубата на базенот, како и подот и ѕидните тела.
На плажата Кронула, бранови високи четири метри ја оштетија пешачката патека и електричната инфраструктура, изјави спасителот Стив Винер.
Властите предупредија на континуирани опасни временски услови, вклучително и тешка ерозија на крајбрежјето и можна дополнителна штета од регионот Илавара јужно од Сиднеј до регионот Хантер на север.
Уапсени три лица од Кривопаланечко поради извршено кривично дело убиство
Вчера во 18.25 часот, полициски службеници од ОВР Крива Паланка ги лишиле од слобода 24-годишниот З.Ф., 19-годишниот С.Ф. и 44-годишниот С.Ф....
„Кој се плаши од анкетна комисија во Собранието со меѓународно надгледување“, прашува ДУИ
„Демократската унија за интеграција прашува – кој се плаши од формирање на анкетна комисија во Собранието со учество на сите...
Од денеска нова авионска линија Скопје – Париз („Орли“)
Од денеска Скопје и официјално директно се поврзува со Париз преку новата авиолинија Скопје – Париз. Утрово, на Меѓународниот аеродором...
Водостоите на сите реки во земјата се доста високи и таа тенденција се очекува да продолжи и во текот на денот
Според утринските податоци од хидролошките станици низ земјава, водостоите на сите реки низ земјава се доста високи и таа тенденција...
Поплавени куќи, магацини и индустриски објекти во Студеничани, Батинци, Пинтија и во Горно Лисиче
РЦУК – Скопје, известува дека поради врнежите од дожд, во текот на доцните попладневни и вечерните часови, дојдено е до...
Арсовска: Ѓеоргиевски, освен со фотографирање, со друго не може да се пофали, со превенција се спречуваат поплави, не со глумење спасител
„Се излеала реката во Батинци, општина Студеничани, бидејќи општинските власти не ги чистат каналите, активност која како нивна надлежност превентивно...
Сообраќајот на магистралниот пат Крива Паланка – Деве Баир нормализиран
Сообраќајот на магистралниот пат Крива Паланка – Деве Баир, кој беше во прекин поради сообраќајна незгода, е нормалзиран, извести АМСМ....
Град Скопје: Одржувањето на одводните канали и коритото на Маркова Река е во директна надлежност на општина Студеничани и Министерството за животна средина
„Согласно актуелните акти на Министерството за животна средина и просторно планирање, и актуелниот ГУП донесен во време на Коце Трајановски...
Ѓорѓиевски во Студеничани по поплавата од излеаната Маркова Река: Механизацијата е на терен и нема опасност за населението
По добивањето на информацијата за излевањето на Маркова Река во соседната општина Студеничани, градоначалникот на Општина Кисела Вода, Орце Ѓорѓиевски,...
Се излеа Маркова Река кај Батинци
Маркова Река се излеа денес по обилните врнежи од дожд. Во селото Батинци, водата е надојдена, излевајќи се на неколку...
Оставката на Папазов помина на владина седница
Владата ја прифати оставката на градоначалникот на Кочани, Љупчо Папазов. Советот на општината ќе треба да назначи в.д. градоначалник на...
„Вреди“: Посакуваме Бектеши да ја докаже невиноста, не сакаме ниту еден Албанец да биде одговорен за Кочани
Коалицијата „Вреди“ посакува ексминистерот за економија од редовите на ДУИ, Крешник Бектеши да ја докаже својата невиност во случајот со...
Обезбедувачот на Мицкоски за 50.000 евра оддавал службени тајни, приведен е
За 50.000 евра откривал полициски службени тајни од истрага. Припадникот на обезбедувањето на премиерот Христијан Мицкоски е во притвор. Од...
Кочани доби ново амбулантно возило – донација од компании
Донирано е амбулантно возило за општата болница во Кочани од страна на приватни компании. Амбулантното возило е донација на „Аутомотив...
По трагедијата во Кочани целосно се забранува употребата на пиротехниката во затворен простор
Трагедијата во дискотеката „Пулс“ во Кочани го менува Законот за прекршоците против јавниот ред и мир. Пратениците со 87 гласа „за“, без...
Нема повеќе седење дома и земање плати, потребна ни е ефикасна администрација, порача Мицкоски
„Јавната администрација не е само механизам за спроведување на законите и политиките, таа е лицето на државата, одраз на нејзината...
Трендафилов подготвен тој и сите функционери една година да земаат плата 500 евра, но уште утре минималната да се зголеми на истиот износ
Претседателот на Сојузот на синдикатите на Македонија (ССМ), Слободан Трендафилов, е подготвен една година тој и сите избрани и именувани...
(Видео) Талески: Мицкоски не може да не знае, втор обезбедувач од неговиот круг фатен во контакт со подземјето
Оваа Влада и ДПМНЕ се очигледно сериозно вмешани во криминал, а лица од најголема доверба на премиерот во континуитет се...
(Видео) Масовни кремирањa, сè мириса на смрт во Мјанмар: преживеаните во очај, луѓето клекнати на улица и плачат
Сè послаби се надежите во Мјанмар дека ќе се пронајдат живи луѓе по разорниот земјотрес од 7,7 степени според Рихтеровата...
Во Козле, во „8 Септември“ или во странство ќе одат на рехабилитација пациентите со потешки повреди, кои следната недела ќе почнат да се враќаат
Во текот на оваа недела од лекување во странство најавено е дека ќе се враќаат пациентите што се целосно закрепнати,...
