Свет
Извршниот директор на „Епл“ вели дека тој го предупредил Трамп дека тарифите се погрешен пристап во трговијата со Кина
Главниот извршен директор на „Епл”, Тим Кук, изјави дека го критикувал пристапот на Доналд Трамп во трговијата со Кина на неодамнешниот состанок во Белата куќа, притоа повикувајќи го претседателот да се осврне на правниот статус на имигрантите познати како Сонувачи.
Во интервјуто за телевизијата „Блумберг“, Кук рече дека неговата порака до Трамп се фокусирала на важноста на трговијата и како соработката меѓу две земји може да ја зголеми економијата многу повеќе отколку нациите што дејствуваат сами.
Кук се сретнал со Трамп во Овалната канцеларија кон крајот на април, во услови на трговска војна меѓу САД и Кина. Администрацијата на Трамп усвои 25 процентни тарифи за производи во вредност од најмалку 50 милијарди долари кои доаѓаат од Кина, што предизвика лавина реакции, но и клима за одмазда од страна на Кина. Во интервјуто со Дејвид Рубенстајн, Кук потврди дека претходните трговски политики кон Кина биле погрешни, но додаде дека потегот на Трамп е исто така контроверзен.
„Вистина е, несомнено, дека не сите имаат предност од тоа – во која било земја – и ние мораме да работиме на тоа”, рече Кук. „Но, почувствував дека тарифите не се вистинскиот пристап за таа земја, и му предочив неколку анализи за да покажам зошто”.
Иако „Епл“ произведува најголем дел од своите производи во Кина и ги наведува САД и Кина меѓу трите најголеми пазари, „Купертино“, технолошката компанија со седиште во Калифорнија, досега не била сериозно погодена од тензиите во трговијата. Иако производите како ајфон и ајпед се дизајнирани во САД, тие се изработуваат во кинески фабрики управувани од „Хон хаи пресижн индастри ко.“ и „Пегатрон Корп“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
300 милиони луѓе го гледале интервјуто на Вучиќ за кинеската телевизија
300 милиони луѓе го гледале интервјуто на српскиот претседател Александар Вучиќ за кинески CCTV.
Вучиќ во интервјуто посочи дека Србија може и треба да научи, како што наведе, „илјада работи од своите кинески пријатели“.
– Правиме големи подготовки за ЕКСПО. Кога управувате со земја имате високи цели. Секогаш мора да ги ставате новите цели на прво место. Ако сакаме да го постигнеме тоа, најдобар можен партнер за тоа отсекогаш била, и секогаш ќе биде, Народна Република Кина. Тука е и претседателот Кси, бидејќи тој секогаш го држи зборот. Го гледам како обичен, скромен човек, кога ќе вети нешто, го исполнува. Не можам да ви кажам дали имаме големи работи во железничкиот сектор, целокупната инфраструктура или индустрискиот сектор, економијата, туризмот, културата, но секако има илјадници работи што можеме и мораме да ги научиме од нашите кинески пријатели – рече Вучиќ во интервјуто за кинеската телевизија.
Свет
Едно лице е тешко повредено во експлозија во зграда во Турција
Едно лице е тешко повредено во експлозија во станбена зграда во турскиот град Текирдаг, во северозападна Турција.
Засега не е познато што ја предизвикало експлозијата во станот на последниот кат од петкатницата, а како што неофицијално дознава телевизијата ТРТ, најверојатно е дека експлодирала плинска боца.
Од силината на експлозијата оштетени се ѕидовите во станот, а искршени се прозорците.
Регион
Данка денес ќе правеше две години: тажната судбина на девојчето за кое плачеше цел регион
Малата Данка Илиќ, денеска, 6 мај, ќе наполнеше две години.
Пред точно 40 дена исчезна Данка.
Тогаш за прв пат се активираше системот „Најди ме“ и започна потрагата. Покрај полицијата се вклучија и луѓе, па веќе првата вечер по девојчето трагаа повеќе од 100 луѓе. По неа трагаа жителите на Бањско поле, соседи, пријатели, противпожарна единица, како и припадници на Планинарската спасувачка служба и полицијата. Кучиња трагачи беа на пат, беспилотни летала летаа над теренот, вклучени беа хеликоптери, а теренот беше дури и прегледан со термални камери.
Мештаните тој ден рекоа дека околу куќата на Илиќ имало неколку дупки длабоки меѓу еден и два метри и дека се наполниле со подземна вода. Сите беа загрижени дека девојчето залутало и паднало со едно од нив.
Единиците на полицијата во раните утрински часови го пребараа теренот, а потрагата се уште беше отежната поради силниот дожд.
Неколку дена подоцна беше откриено дека Данка Илиќ е убиена. Осомничени за делото се Срѓан Јанковиќ (50) од село Лука и Дејан Драгијевиќ (50) од Злот, работници на Бор „Водовод“ кои се уште не ја откриваат локацијата на која го пренеле телото на девојчето од дивината. Во притвор е и таткото на Драгијевиќ, Радослав (73), осомничен дека му помагал на синот да го премести телото на девојчето. Под истрага бил и најмладиот Драгијевиќ – Далибор (40). Но, тој почина на 7 април во притвор на полицијата на Бор.