Забава
На Американец му се закануваат 12 години затвор поради кражба во износ од 40 долари
На маж од САД му се закануваат 12 години затвор за кражба од 40 долари. Кертис Лоусон на 26 декември 2016 година дошол во продавница на „Волмарт“, во Тенеси, на југот од Америка. Со него имал сметка во вредност од 39,57 долари од претходно пазарење во текот на месецот, но работите за него тргнале во непосакувана насока.
Имено, Американецот во кошницата ги имал истите производи што ги купил и претходно – детергент за миење садови, паста за заби и женски фармерки. Тој сакал да ги врати со прикажување на сметката и назад да добие 39,57 долари. Меѓутоа, Лоусон всушност се обидел да ги измами продавачите дека враќа веќе купени производи, што не ги ни купил, пренесува британски „Гардијан“.
Неговата измама била регистрирана благодарение на надзорните камери, па тој веднаш бил фатен и пријавен по што признал сè.
Потоа бил приведен во полиција и ставен во затвор со кауција поставена на 2 500 долари, а поради ваквиот обид за кражба може да се соочи со затворска казна од 12 години. Лоусон веќе ѝ е познат на полицијата за сообраќајни прекршоци, консумирање опијати и кражби.
Во Тенеси, како и во многу други сојузни американски држави, кражбата под 1 000 долари се карактеризира како прекршок, но во последниве години окружното обвинителство ги гони измамниците како Лоусон под статут легално дефиниран како „незаконско и свесно влегување во објект без согласност на сопственикот и вршење кражба“.
Интересно, Лоусон бил уапсен пред четири години за крадење градници од други продавници на „Волмарт“ и тогаш му бил забранет пристапот во сите продавници од овој трговски синџир, што значи дека по тоа немал дозвола да стапне во кое било вакво продажно место. Во моментов, Американецот сé уште чека сослушување и пресуда.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Мајка ѝ е кралица нa „Ноќта на вештерките“, но и Лени Клум воодушеви со својот костим
На годинешната забава на Хајди Клум за „Ноќта на вештерките“ во Њујорк, во центарот на вниманието беше нејзината ќерка Лени Клум, која со креативниот костим го привлече вниманието на сите.
Дваесет и едногодишната манекенка се претстави како ликот Камил Крим од детската книга „Необичниот случај со пругите“. и го обои целото тело во шарени пруги – еден од највпечатливите костими на вечерта.
Хајди Клум се појави како Медуза, нејзиниот сопруг Том Каулиц како сребрен витез, а неговиот брат близнак Бил Каулиц како Сејлор Мун. На забавата присуствуваа и останатите деца на Клум од бракот со Сил.
Забава
Љубов до 5 ноември: неколку хороскопски знаци ќе блеснат во романса
Астролозите предвидуваат дека до 5 ноември четири хороскопски знаци ќе уживаат во љубовна хармонија, благодарение на Венера во знакот на Вага – планетата на љубовта, убавината и рамнотежата.
Вага – Ѕвезда на сезоната: привлекува љубов, пари и успех. Зафатените Ваги ја продлабочуваат врската, а слободните можат да доживеат неочекувана романтична средба.
Овен – Венера носи нова љубов или обновување на старата. Можно е заеднички живот или веридба.
Близнаци – Период на емоции, страст и инспирација. Романтиката се меша со креативноста, но треба да внимаваат да не идеализираат нови луѓе.
Водолија – Конечно мир и длабока поврзаност. Привлекуваат искрени и интелигентни партнери, а некои можат да ја пронајдат својата сродна душа.
Забава
Никогаш не е доцна за љубов, вели новиот партнер на Џенифер Анистон
Новиот партнер на Џенифер Анистон, Џим Кертис, изјави дека никогаш не е доцна да се најде љубов, пренесе „Пипл“.
На прашање како да се пронајде љубов по 40-тата година, Кертис одговорил дека тоа се прави исто како и на 22 или 32 години – но со повеќе самодоверба, искуство и автентичност.
„Прво сакајте се себеси и знајте дека сте во совршени години“, рекол тој, додавајќи дека „животот не завршува на 42“.
Кертис и Анистон првпат биле видени заедно во јули, а потоа и на премиерата на новата сезона на серијата The Morning Show и на заедничка вечера со актерот Џејсон Бејтман и неговата сопруга. Според извор за „Пипл“, „тие повремено излегуваат и уживаат во дружењето“.

