Актуелниот американски претседател Доналд Трамп, исто така, даде изјава во врска со мировните преговори меѓу Русија и Украина.

„Време е едноставно да го завршиме тоа. Ќе го завршиме“, рече Трамп.

Тој додаде дека сака што поскоро да одржи средба со рускиот претседател Владимир Путин – штом успеат да ја договорат.

Трамп вчера изјави дека значителен напредок во разговорите е малку веројатен сè додека тој и Путин не се сретнат лице в лице.

Да потсетиме дека американскиот претседател е на последниот ден од посетата на Блискиот Исток, а денес зборуваше на настанот на Советот за деловна соработка во Обединетите Арапски Емирати.

Хрватска расте, но не се развива, изјави хрватскиот претседател Зоран Милановиќ, кој на почетокот на оваа година доби уште еден петгодишен претседателски мандат, со најавата дека повеќе нема да се кандидира на избори за која било позиција.

На Деновите на комуникациите во Ровињ, кои започнаа вчера попладне, Милановиќ зборуваше за глобалните предизвици, политичката средина и важноста на комуникациите, особено во времето на технолошкиот напредок, тврдејќи дека Хрватска останала на одредено ниво во последните 30 години, без оглед на различните промени.

„Хрватска остана во рамките на истата парадигма, истите две партии, слични конфликти на идеологии, истите приказни и обвинувања едни против други“, рече Милановиќ на отворањето на Денот на комуникациите.

Тој додаде дека Хрватска „со сите нови алатки, со вештачка интелигенција, сè уште стои во место, скалите се исти, целите се слични, а БДП расте“.

Во такви околности, според претседателот, Хрватска мора да се праша каде е како мала земја во денешна Европа. „Едноставно, Хрватска расте во значителна мера, но не се развива на вистински начин. Ние сме даватели на услуги, а оваа услуга што ја обезбедува Хрватска и од која живее релативно пристојно, е нешто многу лабилно и не е нешто што гарантира континуитет и неповредливост“, рече Милановиќ, пренесува Танјуг.

Зборувајќи за положбата на Хрватите во Европа, Милановиќ вели дека нација како Хрватска, Унгарија, Германија, Австрија и речиси сите европски земји е првенствено ориентирана кон себе, а во нејзината основа е себичноста, а не злобата.

„Сите го прават тоа, некои зборуваат малку премногу за тоа, како (унгарскиот премиер Виктор Орбан), но во основа сите се однесуваат така“, рече Милановиќ.

Тој додаде дека во таква Европа, Хрватска се бори за својот простор, за својата безбедност и за својата одбрана. „Во такви околности, се обидуваме да привлечеме внимание кон себе, притоа внимавајќи никому премногу да не му замеруваме и да добиеме нешто за себе, односно да сме заштитени од надворешни влијанија и од силата на потенцијалните непријатели“, рече Милановиќ. Милановиќ, исто така, рече дека повеќе нема да се кандидира за никаква политичка функција.

„Како што времето минува, и во мојата епизода времето минува. Повеќе нема да бидам кандидат за претседател или за било што во политиката. Полека сумирам некои работи. Сфаќам дека е убаво да се биде во стадото, но во стадото и смрди“, заклучи Милановиќ, објави Хина.

Трилатерален состанок на високо ниво меѓу делегациите од Турција, САД и Украина започна во петокот во Истанбул под водство на турскиот министер за надворешни работи Хакан Фидан.

САД ги претставуваат државниот секретар Марко Рубио, амбасадорот во Турција Том Барак и специјалниот претставник за Украина, генерал Кит Келог.

Во делегацијата на Украина се вклучени Андриј Јермак, шеф на претседателската канцеларија, министерот за одбрана Рустем Умеров и министерот за надворешни работи Андриј Сибиха.

📍High-level US-Ukraine-Türkiye talks begin under Turkish foreign minister's leadership

Türkiye’s Foreign Minister Hakan Fidan, National Intelligence Organization (MIT) head Ibrahim Kalin, Ukraine’s Presidential Chief of Staff Andriy Yermak and Deputy Foreign Minister Andriy… pic.twitter.com/roz02DGFkB

— Anadolu English (@anadoluagency) May 16, 2025

Трилатералниот дијалог е фокусиран на мирот меѓу Украина и Русија, објави Анадолија.

Украинската делегација во Истанбул се сретна со претставници на САД, Велика Британија, Германија и Франција

Утрово во Истанбул, украинскиот советник за национална безбедност Андриј Јермак, министерот за надворешни работи Андриј Сибиха и министерот за одбрана Рустем Умеров се сретнаа со советници за национална безбедност од Велика Британија, САД, Германија и Франција.