Македонија
Мицотакис: „Илинденска Македонија“ е „ерга омнес“ на иредeнтизмот

„Илинденска Македонија“ е најлошото можно решение за спорот со името, изјави во интервју за грчката телевизија „Скај“, лидерот на главната опозициска партија во Грција „Нова Демократија“, Киријакос Мицотакис.
– „Илинденска Македонија“ е „ерга омнес“ на иредентизмот, смета Мицотакис.
Тој додаде дека уставната ревизија е од витално значење и дека решението ќе биде можно само кога истото ќе им служи на националните интереси на Грција.
– Уште од самиот почеток ставивме национална рамка за сеопфатно пакет решение со промена на Уставот и целосно елиминирање на иредентизмот. Јавно ќе ги соопштам моите ставови кога ќе го видам конкретниот предлог , како што направив кога премиерот ми јави дека преговараат за „Илинденска Македонија“, изјави Мицотакис.
Во однос на внатрешно политичките состојби во Грција, тој навести дека доколку победи на следните парламентарни избори ќе се стреми кон создавање на широка коалиција, но ги исклучи од плановите владејачката „СИРИЗА“ и „Независните Грци“.
Мицотакис за време на интервјуто се осврна и на неодамнешниот напад врз градоначалникот на Солун, Јанис Бутарис.
„Насилството мора да биде осудено безразлика дали доаѓа од лево или од десно“, изјави Мицотакис кој сепак ја искритикува работата на Бутарис, велејќи дека тој не е успешен како градоначалник, бидејќи за доброто или лошото управување се суди според квалитетот на секојдневниот живот.
Е.Т.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Ѓорѓиевски и Тошковски на пешачење во Градски парк: секој чекор е здравје

Градскиот парк денеска беше изборот на градоначалникот на Кисела Вода и кандидат за градоначалник на Скопје, Орце Ѓорѓиевски, и министерот за внатрешни работи, Панче Тошковски. Двајцата утрото го започнаа со пешачење низ алеите на паркот, во спортска опрема и ведро расположение.
„Најубаво е денот да започне со утринско пешачење низ Градскиот парк, свеж воздух, мир и позитивна енергија. Секој чекор е здравје, секој здив е нова сила. Започни го денот со природа, а денот ќе ти врати со радост“, напиша Ѓорѓиевски во својата објава на социјалните мрежи.
Македонија
За влез и излез од државава на граничните премини се чека до 15 минути

Сообраќајот на државните патишта се одвива непречено, по суви коловози.
Интензитетот на сообраќајот на патиштата надвор од градските средини е зголемен. Поради летните одмори, се бележи зголемена фреквенција на возила, на ГП Табановце времето на чекање за влез и излез е околу 10-15 минути.
На останатите гранични премини од македонска страна нема подолги задржувања при влез или излез од државата.
Македонија
Свежо утро, а преку ден до 33 степени

Времето денеска ќе биде сончево со мала до умерена локална облачност. Ќе дува слаб до умерен, а вдолж Повардарието повремено засилен северен ветер.
Минималната температура ќе биде во интервал од 9 до 19, а максималната ќе достигне од 25 до 33 степени.
Во Скопје, сончево со умерена облачност. Ќе дува слаб до умерен северен ветер. Минималната температура ќе се спушти до 16, а максималната ќе достигне до 30 степени.
До средината на следната седмица ќе преовладува претежно стабилно време со дневни температури малку под просекот за овој период од годината. Потоа времето ќе биде сончево и потопло со пораст на дневната температура.