Свет
Уапсена сопругата на мексиканскиот крал на дрогата, Ел Менчо
Владата на Мексико објави дека ја уапсила сопругата на кралот на дрогата, Немeсио Осегера, попознат како Ел Менчо.
Таа била уапсена под обвинение за перење пари за моќниот наркокартел на Ел Менчо, обвинет за пренесување хероин во САД. Осегера е најпознатиот наркобос во Мексико, по Ел Чапо, кој минатата година беше екстрадиран во САД.
Неговата сопруга, Росалинда Гарсија, била задржана во притвор во предградието Запопан, во западната мексиканска држава Хелиско. Според информациите на тамошните власти, нејзиното апсење било реализирано без ниту еден испукан куршум, откако судот го наредил истото поради обвинение за организиран криминал и перење пари.
Како што се соопштува, Гарсија наводно управувала со средствата на картелот во Хелиско. Властите го сметаат нејзиниот сопруг за најмоќниот наркобос во Мексико, со оглед на тоа што неговиот картел има конекции и работи во САД, Латинска Америка, Африка, Европа и Азија, објави „Ројтерс“.
Американските агенти во Чикаго во март го прогласија Ел Менчо за државен непријател број еден и го обвинија неговиот картел за користење екстремно насилство со цел да го прошири своето влијание во трговијата со хероин. Исто така, САД нудат пет милиони долари за информација која би довела до апсење на Ел Менчо.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Седум бебиња загинаа во голем пожар во болница во источниот дел на Њу Делхи
Седум бебиња загинаа во голем пожар во болница во источниот дел на Њу Делхи, а пет се спасени и префрлени во друга болница, соопштија денеска локалните власти.
Сопственикот на болницата за бебиња во која избувна пожарот во саботата е во бегство, соопшти полицијата.
Како што пренесе Тајмс оф Индија, пожарот е ставен под контрола, а истрагата за причините за несреќата е во тек.
Свет
Вирусот на птичји грип е пронајден во говедско месо во САД
Вирусот на птичји грип е пронајден во говедско месо во САД, но официјални лица изјавија дека месото потекнува од една болна млечна крава и дека не било дозволено да се најде во продавниците во земјата, соопшти американското Министерство за земјоделство.
Надлежните прецизираат дека говедското месо останува погодно за консумирање.
Министерството соопшти дека вирусот бил откриен за време на тестирањето на 96 млечни крави кои биле извадени од производната линија бидејќи федералните инспектори забележале знаци на болеста при рутински прегледи на трупови во погоните за преработка на месо. Птичји грип е пронајден само кај една од овие крави.
Птичјиот грип е пронајден во стадата млечни говеда во девет држави, откриен е во млеко и предизвика уништување на милиони кокошки и мисирки. Сепак, неговото откритие во говедско месо е новост за епидемијата што започна во 2022 година.
Регион
Состојбата на словачкиот премиер Фицо се подобрува
Лекарскиот тим, што се грижи за словачкиот премиер Роберт Фицо, по минатонеделниот атентат денеска потврди дека неговата состојба е субјективно подобрена, соопшти прес-службата на словачката Влада.
Фицо се лекува во болницата „Рузвелт“ во Банска Бистрица.
Тој беше застрелан минатата среда од 71-годишниот писател Јурај Цинтула, кој веднаш беше приведен од полицијата.