Регион
Членови на црногорски криминален клан уапсени во Париз со кокаин во вредност од 2,5 милиони евра
Црногорски државјани, наводно членови на нарко-клан, биле уапсени во Франција со 69 килограми кокаин во вредност од околу 2,5 милиони евра, дознава подгоричкиот весник „Вијести“.
Според информации објавени во францускиот дневен весник „Ле поинт“, петмина црногорски државјани биле уапсени во акција на париската полиција, вклучувајќи и една жена. Како што е соопштено, четворица од уапсените биле од Котор, а нивниот курир кој ја пренесувал дрогата од Шпанија до Франција по потекло бил од Подгорица.
Неофицијалните информации до кои дошол весникот „Вијести“ укажуваат на тоа дека уапсените биле членови на Кавачкиот криминален клан, а три лица кои биле дел од потесното раководство на кланот успеале да побегнат.
Француски „Ле поинт“ објави дека организирата криминална група од Црна Гора со месеци била под истрага од страна на Централната канцеларија за борба против организираниот криминал (OCLCО) и Националната единица за борба против разбојништво и шверц (BNRBT), под сомнение за шверц на оружје. Француските инспектори во најстрога тајност ги следат активностите на црногорската криминална група, која често оперира на подрачјето на Париз, Шпанија и Балканот.
Повикувајќи се на извори од истрагата, францускиот весник пишува дека лицето што ја пренесувало дрогата било пресретнато од страна на инспектори од OCLCО на 9 мај годинава, при што тие веќе имале сознанија дека од Шпанија ќе се врати со автомобил полн дрога.
Полициските возила направиле барикада во Париз и го сопреле возилото во кое биле пронајдени 69 пакувања кокаин.
„Службите буквално го расклопиле неговиот автомобил. По неколку часа, скриени во подот, биле пронајдени 69 вакумирани пакувања кои содржеле бел прашок. По проверката, полицијата добила потврда дека станува збор за 69 килограми чист кокаин“, пишува „Ле поинт“. Вредноста на запленетата дрога се проценува на 2,5 милиони евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес со јачина од 4,7 степени во Хрватска, почувствуван и во БиХ
Земјотрес со јачина од 4,7 степени според Рихтеровата скала утрово во 05:38 часот е регистриран во Хрватска, објави Европскиот медитерански сеизмолошки центар (ЕМСЦ).
Според информациите од Европскиот медитерански сеизмолошки центар, земјотресот бил на 92 километри јужно од главниот град Загреб и на 14 километри од границата со Босна и Херцеговина, кај Тржачка Раштела.
Земјотресот бил на длабочина од 10 километри.
Земјотресот најмногу бил почувствуван во централна Хрватска и во дел од Босна и Херцеговина со интензитет од V-VI степени според Европската макросеизмичка скала.
Засега нема извештаи за повредени лица или за предизвикана материјална штета.
Регион
На таткото на момчето убиец од Србија му е продолжен притворот за уште 60 дена, има сомнение дека може да го повтори делото
Вишиот суд во Белград му го продолжи притворот за уште 60 дена на Владимир Кечмановиќ, таткото на момчето кое на 3 мај уби девет негови врсници и чувар во ОУ „Владислав Рибникар“.
На Владимир Кецмановиќ му е продолжен притворот поради сомнение дека доколку биде пуштен на слобода за краток временски период ќе го повтори кривичното дело, како и поради тоа што постои основано сомнение дека сторил кривично дело за кое е пропишана затворска казна над десет години, а начинот на извршување и сериозноста на последиците од кривичното дело доведоа до вознемиреност кај јавноста што може да го загрози непреченото и правично водење на кривичната постапка, соопштија од тој суд.
Во обвинението за тешко кривично дело против општата безбедност се товари Владимир К., а за сторено кривично дело недозволено изработување, држење, носење и тргување со оружје и распрскувачки материи, мајката на момчето Миљана К.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.