Регион
Во Албанија регистрирани 23 парцели со дрога
Албанската полиција соопшти дека оваа година во земјата се регистрирани 23 парцели заседени со дрога. Евидентирањето на парцелите е извршено во текот на мај со хеликоптери на албанското МВР со поддршка на италијанската полиција.
Директорот на Управата за јавен ред и мир и јавна безбедност, Ѓовалин Лека, изјави дека во споредба со минатата година бројот на засадените парцели е многу помал, односно дури 53 парцели помалку. Албанската полиција во соработка со италијанската полиција во првите пет месеца од годинава откри и заплени големи количини дрога од типот канабис сативас. Најголемата количина дрога запленета оваа година е на 2 мај кога беа откриени 2,4 тони дрога вредна над 2о милиони евра во акцијата која беше реализирана во Јадранското Море во близина на италијанското крајбрежје.
Вкупната количина што била откриена и запленета во периодот јануари – мај годинава е 5 тони, без да се земат предвид помалите количини дрога фатени во земјата, како и на граничните премини кон Црна Гора и Грција, изјави претставникот на албанското МВР.
Албанските медиуми нагласуваат дека и покрај тоа што во земјата има намалување на бројот на засадени парцели со дрога, како и намалување на шверцот со дрогата од типот канабис сатавас, меѓународниот фактор бара од официјална Тирана и понатаму зголемени активности околу стопирање на производството и шверцот со дрога во Албанија. Во бројните реагирања на странските дипломати, меѓу условите кои се зададени на албанската влада за почеток на преговорите е и борбата против производството и шверцот со дрога.
К.М.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Под сомнение за планирање терористички напад уапсено е малолетно девојче од Црна Гора
Во Австрија е уапсено четиринаесетгодишно девојче од Црна Гора, кое, според австриските медиуми планирало терористички напад на Јакоминиплац во Грац, а истражителите од Државната служба за државна безбедност и борба против екстремизмот во Штаерска успеале да спречат тоа.
При претресот на куќата, како што пишува истиот медиум истражителите заплениле секира и нож.
Информациите за планираниот напад дојдоа од Европска безбедносна управа. На овој начин, локалните истражители од Државниот завод за државна безбедност и борба против екстремизмот (ЛСЕ) на Штаерска им влегле во трага на првично непознатите лица.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.
Регион
Убиство и самоубиство во Бјеловар, Хрватска
Во Бјеловар, Хрватска во семејна куќа се пронајдени две починати и едно тешко повредено лице, кое е префрлено во болница. Најверојатно се работи за насилна смрт, а според неофицијални информации, мажот ја убил мајката на неговата жена, а се обидел да ја убие и сопругата која е тешко повредена.
Напаѓачот, според првичните инфрормации се самоубил.
Хрватската полиција засега не ги потврдува неофицијалните информации дека се работи за убиство и самоубиство.
Полицијата дојавата ја добила околу 10 часот, а на местото се врши увид.