Регион
Несогласувања за изборот на косовскиот претседател за преговарач на средбите со Србија
![](https://makfax.com.mk/wp-content/uploads/2018/02/01-Hasim-Taci.jpg)
Се уште не е познат главниот преговарач за дијалогот со Србија и покрај тоа што в понеделник Собранието треба да ја усвои Платформата, која веќе е усвоена од Владата, пишува косовскиот весник „Зери“.
Приштинаските медиуми пренесуваат дека има бројни несогласувања на некои партии за платформата, но и дали претседателот на Косово, Хашим Тачи треба да биде носител на преговорите.
„И покрај фактот што со платформата се претспоставува дека главен преговарач треба да биде претседателот на Косово, сепак партиите кои се против делови на платформата, се и против одредување на претседателот на државата за главен преговарач“ пишува „Зери“.
Против одлуката, Тачи да биде преговарач со Србија, се Движењето „Самоопределување“ и Социјалдемократската партија.
Со оглед дека станува збор за финална платформа која е многу битна за Косово во преговорите, опозицијата бара проширување на платформата а со тоа и нов начин на избор на главен преговарач.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
11-годишно момче со велосипед падна од три метри висина на Калемегдан во Белград
![](https://makfax.com.mk/wp-content/uploads/2021/02/velosiped.jpg)
Единаесетгодишното момче вчера вечерта паднало од тврдината Калемегдан во Белград и се здобило со тешки телесни повреди. Како што пренесуваат српските медиуми, момчето возело велосипед во паркот Калемегдан и паднало од висина од три метри.
Белградската Итна помош соопшти дека со повреди момчето било пренесено во Ургентниот центар каде е задржано на лекување.
Регион
Додик: БИХ е последната колонија во Европа
![](https://makfax.com.mk/wp-content/uploads/2024/04/dodik-1.jpg)
Претседателот на Република Српска, Милорад Додик, изјави дека во Босна и Херцеговина постои криза која трае веќе 26 години, во која правата им беа дадени на Србите, а потоа одземени во корист на муслиманите, како и дека Босна и Херцеговина е последната колонија во Европа.
„БиХ е последната колонија во Европа каде што луѓето кои дојдоа однадвор го презедоа раководството, кое никој не го избра на избори. Ние, локалните политичари, само одиме на избори, победуваме или губиме, но оние кои не се од БиХ Тие всушност играат водечка улога“, рече Додик во интервју за Џерусалим пост.
Тој посочи дека дури и Хрватите не се задоволни од ситуацијата во БиХ, но дека муслиманите не сакаат дијалог, туку ги обвинуваат Србите дека повикуваат на конфликт, што не е точно.
Регион
Татко во алкохолизирана состојба ја избол ќерката во Призрен: лекарите се борат за нејзиниот живот
![](https://makfax.com.mk/wp-content/uploads/2024/06/бо.jpg)
Синоќа, нешто по полноќ, во Призрен е уапсен татко, кој во алкохолизирана состојба со нож ја нападнал својата ќерка (21) и ѝ нанел повреди опасни за животот.
Регионалниот полициски центар во Призрен потврди дека А. Ш. (44) со нож ја нападнал ќерката Е. Ш. по расправија под дејство на алкохол нанесувајќи ѝ повреди на грбот.
Таа е во критична состојба и лекарите во болницата во Призрен се борат за нејзиниот живот.
Случајот е карактеризиран како обид за убиство.
Како што истакнаа, таткото бил во алкохолизирана состојба и по наредба на надлежен обвинител, одредена му е мерка притвор до 48 часа.