Македонија
(Видео) Мицкоски: Предвремени избори мора да има
![](https://makfax.com.mk/wp-content/uploads/2018/06/34177519_10211946582804609_9102574973553213440_n.jpg)
Лидерот на ВМРО-ДПМНЕ, Христијан Мицкоски, на протестот пред Влада побара предвремени парламентарни избори заедно со претседателските, следната година. Тој порача дека 2 јуни е почеток на крајот на, како што рече, неславното владеење на СДСМ.
„Ајде да ги застанеме додека не е предоцна. Избори мора да има. Предвремени парламентрани избори заедно со претседателските. Ајде да формираме техничка влада на 100 дена пред изборите и да видиме дали народот се согласува со ова што го прави Зоран Заев и СДСМ“, рече Мицкоски.
Според него ова биле исторски мигови за Македонија и дека сега е потребна сила, одговорност и одлучност. Тој порача дека чашата е прелиена, дека вака не може и мора да има промена. Според него, актуелната влада сметала дека нема да има народ на митингот, а се служела со заплашувања и уцени, но според него, сите се тука.
„Мислеа дека нема да излезе народ. Ни се закануваа дека ќе нè бркаат од работа. Сакаа да се исплашите и да бегате. Народот македонски се исправа на нозе тогаш кога е најтешко и најпотребно“, рече Мицкоски.
Тој порача дека секоја власт која е подарена нема долго да трае. „Пораката е една и единствена: доста е. На една година откако Зоран Заев и неговите роднини ја преземаа власта дојде време да се собереме во вистински час. Ветувањата на Заев станаа вицови. За нив е исто дали е Словенија или Словачка. Тоа се неговите способности. Кога рече “No discussion for identity”, видовме дека тој одлучувал во свое име”, рече Мицкоски.
Тој истакна дека е оптимист сум затоа што, како што кажа, мојата земја и мојот народ е во прашање.
„Помина една година на терористички терор, економски неуспеси, лажни ветувања, година кога народот се соочува со вистината. Нема повисоки пензии, болниците пропаѓаат. Цените ги плаќаат со нивните животи. Студентите се разочарани. Замина животот во градовите и селата. Владата ги разочара младите. Имаме ситуација каде министерството за внатрешни работи апси и кога има политички монтирани случаи. Криминалците на слобода, патриотите во затвор”, вели Мицкоски. Во обраќањето, тој рече дека НАТО нема да ги намали хектарите марихуана на Заев.
Рече дека треба да се создаде систем каде квалитетите ќе имаат тежина, а не дали некој се знае со Заев или друг висок функционер. „Тоа го имаше и за време на ВМРО-ДПМНЕ, но мора да престане“, рече Мицкоски.
Истакна дека на Македонија ѝ треба реформиран СДСМ. „И таму има многу квалитетни луѓе кои не се согласуваат со политиките на владата, но прво мора да се порази Зоран Заев“, рече Мицкоски.
Во врска со прашањето за името, Мицкоски рече дека не може да гледа како некој си игра со интелигенцијата и трпеливоста на народот.
„Заев вели промената на Уставот не е промена на идентитетот, но тоа е нашата книга на родени. Заев ќе направи непоправлива штета од која нема назад. ВМРО-ДПМНЕ нема да поддржи промена на Уставот со цел промена на името“, истакна Мицкоски.
„Ќе нé заплашуваат гонат и притискаат, ќе ме критикуваат мене и оваа генерацija на партијата, но ќе им порачам ако некој мисли дека ќе се исплашиме се лаже. Не се плашиме кога Mакедонија е во прашање затоа што одиме по патот на вистината по патот на државата. Само 5 месеци сум претседател на ВМРО-ДПМНЕ и не барам за почеток да ми верувате на мене, барам да си верувате сами на себе“, порача Мицкоски.
Некои велат, додаде тој, се оградувам од старото раководство, некој, пак има сосема различна теорија. „Не барам да ми верувате целосно мене, туку на самите себе. Вие сте народот на Македонија. Патот нема да е краток и лесен, но ќе победиме ви ветувам“, рече Мицкоски.
Тој вети помал ДДВ, олеснителни даноци на компаниите, вложување во нов медицински кадар, вработување на 500 студенти секоја година, зголемување на платите во образованието, нови болници, подобра економија…
Виктор Јованов/Кристијан Ландов
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Која земја ќе ја претставува Мицкоски во Вашингтон, Северна Македонија или никогаш Северна само Македонија, прашува Филипче
![](https://makfax.com.mk/wp-content/uploads/2024/06/sdsm-venko-filipce-1.jpeg)
Христијан Мицкоски, кој за Вашингтон отиде со пола од неговите министри, гордо преку видео ни порача дека е на самитот на НАТО.
Човекот кој жолчно работеше против членството во Алијансата и целата своја политичка стратегија ја базираше на блокада на тој процес, денес без грам срам се однесува како ништо да не било, реагира лидерот на СДСМ, Венко Филипче на најавата на премиерот Христијан Мицкоски од Вашингтон дека со дел од министрите ќе учествува на самитот на НАТО по повод 75-годишнината од формирањето на Алијансата.
„Лицемерието на политиката на ВМРО-ДПМНЕ и Мицкоски достигнува неверојатни граници. Тој заборави да каже во видеото која земја ќе ја претставуваат со Тошкоски, Мисајловски и Муцунски во Вашингтон, Северна Македонија или како што им ги подгреваа очекувањата на граѓаните – никогаш Северна само Македонија?
Мицкоски да не заборава дека тоа што денес е на најважниот политички настан во светот, а не во некој од месните штабови на ВМРО-ДПМНЕ е благодарение на храбрите и државнички одлуки на СДСМ, кој тој ги бојкотираше.
Не е далеку денот кога и целосно ќе се накити со перјата во надворешната политика, исто како што тоа го прави со инвестициите кои помпезно ги најавува, а се плод на работата на СДСМ.
Јавноста знае дека СДСМ беше и ќе остане мотор на развојот. СДСМ е партијата која ги реализира визијата и стратегијата на државата, додека ВМРО-ДПМНЕ ќе остане опортунистичка партија која ќе кочи се што е во интерес на граѓаните заради тесно политички интерес“, пишува Филипче на социјалните мрежи.
Македонија
Фрчкоски со најава дека е подготвен да се повлече од амбасадорското место: МНР нема потреба да измеќарува
![](https://makfax.com.mk/wp-content/uploads/2017/07/Ljubomir-Danailov-Frckoski111.jpg)
Не е никаков проблем амбасадорот да се повлече од функцијата кога не е „погоден“ на идеологијата на новите власти. И тоа е спремен да го направи, се истакнува во реакцијата и демантот на амбасадорот Љубомир Данаилов Фрчкоски, на Постојана Мисија на Република Северна Македонија при ООН во Њујорк.
„Во медиумите низ Македонија деновиве се шират лаги за финансиското работење на Постојана мисија на Република Северна Македонија пеи ООН во Њујорк и за амбасадорот, професорот Љубомир Фрчкоски, со поднаслов „од извори на МНР“. Клучниот дел од тие лаги поранешниот министер, Бујар Османи, ги демантираше јавно нарекувајќи ги токму така „лаги“, а се однесуваа на добиените пари за сукцесија на објектот на поранешната СФРЈ во Њујорк.
Да потсетиме, конструкциите се однесуваа на тврдењата дека „амбасадорот со тогашниот Премиер прави матни зделки со тие пари и не ги внесува во буџетот каде законски припаѓаат“.
За тие тврдења кои сега, независно од аргументираниот демант од Бујар Османи, повторно се јавуваат, Мисијата ги објавува следните документи (јавни исправи) од Уплати на тие пари од сукцесијата во Буџетот во три наврати (Прилог 1,2,3) – со што целосно се демантираат тврдењата на МНР (да биде состојбата за службите таму потрагична, тие кои сега се нудат да “им учинат на новите власти“ овие документи на време ги имаат на увид и во поседство).
Службите во МНР не ѝ доставуваат на мисијата соодветни средства за лекарско осигурување на вработените во мисијата со што се крши законската обврска тоа безусловно да се обезбеди (на основа на погрешно направен тендер на вработена во мисијата која сега е во кабинетот на Министерот), а чие необезбедување повлекува кривична одговорност. Мисијата чува некои минимални средства на државната, своја сметка во случај МНР да не обезбеди средсва, а законската обврска принудува тие да ѝ се платат на здравствената компанија во САД. (Прилог 4 Состојба на банкарска сметка) И тоа е сè. И тоа е јасно и транспарентно“, се истакнува во напишаното од страна на Фрчкоски.
Во демантот се додава дека е срамна и мизерна забелешката на службите во МНР дека амбасадорот злоупотребил службена картичка за авионски карти кон Македонија.
„Амбасадорот имаше итна медицинска интервенција во Македонија и беше на погребот на својот починат брат – ненадејни настани кои го примораа привремено да искористи пари од мисијата за авио билет, кои секако деновиве ги надомести од свои приватни средства.
Што повеќе да се каже?
Не е никаков проблем амбасадорот да се повлече од функцијата кога не е „погоден“ на идеологијата на новите власти. И тоа е спремен да го направи. Амбасадорот, потврдува мисијата, моментално е на боледување по кое ќе се повлече од функцијата, за што МНР нема потреба да измеќарува.
Но начинот кој МНР го бира за таа операција на отстранување на амбасадорот, со конструкција на валканици во финаското работење наспроти толку претходни и сегашни деманти е срамен, заслужува секаква осуда и покажува неприфатливо ниво на комуникација во јавноста.
Најпосле, мисијата го повикува МНР кој има инструменти, да испрати ревизија во мисијата која ќе ја утврди состојбата во целокупното работење на истата.
На крајот посебна трагедија во МНР е фактот што со ниту еде единствен збор не посочија на резултатите на Мисијата на Северна Македонија во ОН овие двеипол години. Во извештаите ги имаа сите факти, проекти и настапи. Исклучително значајни резултати. Но, за тоа во некои подобри времиња“, се нагласува во реакцијата на Фрчкоски.
Македонија
Регистриран земјотрес во Охрид
![](https://makfax.com.mk/wp-content/uploads/2023/08/zemjotres2.jpg)
Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот факултет во Скопје, синоќа, (7.07.2024 година) во 22 часот и 52 минути, регистрираше земјотрес чиj епицентар припаѓа на епицентралното подрачје Охрид, 120 километри југозападно од Скопје, со Рихтерова локална магнитуда ML3.2.
Според досегашните податоци со кои располага опсерваторијата, земјотресот е почувствуван од населението во градот Охрид и околината, со интензитет од IV степени според Европската макросеизмичка скала, како и во пограничните делови со територијата на Р. Албанија.