Македонија
Шилегов со граѓаните на општина Градско: Македонија има еден завет, перспективна иднина како полноправна членка на ЕУ и НАТО
![](https://makfax.com.mk/wp-content/uploads/2018/06/silegov.jpg)
Потпретседателот на СДСМ Петре Шилегов беше во посета на општина Градско на средби со граѓаните и поддржувачи на партијата. Во разговорите со граѓаните тој посочи дека Владата предводена од СДСМ во изминатата година остварила клучни мерки од програмата преку кои се обезбедуваат повеќе пари за граѓаните, повеќе странски инвестиции и нови работни места, и дека Македонија има само еден завет, а тоа е просперитетна иднина.
– Во оваа една година зад нас, Владата што ја предводи СДСМ се определи за реформи кои Македонија ја движат напред, обезбедуваат економски раст, инвестиции и повеќе пари кај граѓаните. Затоа растат платите и 90 илјади граѓани земаат повисока плата. Затоа имаме рекордни 235 милиони евра странски инвестции за три месеци.
После изгубени 11 години, Македонија нема време за губење. Македонија пред себе има само еден завет, а тоа е просперитетна иднина која обезбедува економски раст и полноправно членство во НАТО и ЕУ, истакна Шилегов.
Како партија предводник на Владата, додаде Шилегов, продолжуваме посветено да работиме на спроведување на реформите што од Македонија градат модерна европски развиена држава, земја партнер и пријател на демократскиот свет.
Раководството на СДСМ и во периодот што следува продолжува со посети на општини и населени места.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Фрчкоски со најава дека е подготвен да се повлече од амбасадорското место: МНР нема потреба да измеќарува
![](https://makfax.com.mk/wp-content/uploads/2017/07/Ljubomir-Danailov-Frckoski111.jpg)
Не е никаков проблем амбасадорот да се повлече од функцијата кога не е „погоден“ на идеологијата на новите власти. И тоа е спремен да го направи, се истакнува во реакцијата и демантот на амбасадорот Љубомир Данаилов Фрчкоски, на Постојана Мисија на Република Северна Македонија при ООН во Њујорк.
„Во медиумите низ Македонија деновиве се шират лаги за финансиското работење на Постојана мисија на Република Северна Македонија пеи ООН во Њујорк и за амбасадорот, професорот Љубомир Фрчкоски, со поднаслов „од извори на МНР“. Клучниот дел од тие лаги поранешниот министер, Бујар Османи, ги демантираше јавно нарекувајќи ги токму така „лаги“, а се однесуваа на добиените пари за сукцесија на објектот на поранешната СФРЈ во Њујорк.
Да потсетиме, конструкциите се однесуваа на тврдењата дека „амбасадорот со тогашниот Премиер прави матни зделки со тие пари и не ги внесува во буџетот каде законски припаѓаат“.
За тие тврдења кои сега, независно од аргументираниот демант од Бујар Османи, повторно се јавуваат, Мисијата ги објавува следните документи (јавни исправи) од Уплати на тие пари од сукцесијата во Буџетот во три наврати (Прилог 1,2,3) – со што целосно се демантираат тврдењата на МНР (да биде состојбата за службите таму потрагична, тие кои сега се нудат да “им учинат на новите власти“ овие документи на време ги имаат на увид и во поседство).
Службите во МНР не ѝ доставуваат на мисијата соодветни средства за лекарско осигурување на вработените во мисијата со што се крши законската обврска тоа безусловно да се обезбеди (на основа на погрешно направен тендер на вработена во мисијата која сега е во кабинетот на Министерот), а чие необезбедување повлекува кривична одговорност. Мисијата чува некои минимални средства на државната, своја сметка во случај МНР да не обезбеди средсва, а законската обврска принудува тие да ѝ се платат на здравствената компанија во САД. (Прилог 4 Состојба на банкарска сметка) И тоа е сè. И тоа е јасно и транспарентно“, се истакнува во напишаното од страна на Фрчкоски.
Во демантот се додава дека е срамна и мизерна забелешката на службите во МНР дека амбасадорот злоупотребил службена картичка за авионски карти кон Македонија.
„Амбасадорот имаше итна медицинска интервенција во Македонија и беше на погребот на својот починат брат – ненадејни настани кои го примораа привремено да искористи пари од мисијата за авио билет, кои секако деновиве ги надомести од свои приватни средства.
Што повеќе да се каже?
Не е никаков проблем амбасадорот да се повлече од функцијата кога не е „погоден“ на идеологијата на новите власти. И тоа е спремен да го направи. Амбасадорот, потврдува мисијата, моментално е на боледување по кое ќе се повлече од функцијата, за што МНР нема потреба да измеќарува.
Но начинот кој МНР го бира за таа операција на отстранување на амбасадорот, со конструкција на валканици во финаското работење наспроти толку претходни и сегашни деманти е срамен, заслужува секаква осуда и покажува неприфатливо ниво на комуникација во јавноста.
Најпосле, мисијата го повикува МНР кој има инструменти, да испрати ревизија во мисијата која ќе ја утврди состојбата во целокупното работење на истата.
На крајот посебна трагедија во МНР е фактот што со ниту еде единствен збор не посочија на резултатите на Мисијата на Северна Македонија во ОН овие двеипол години. Во извештаите ги имаа сите факти, проекти и настапи. Исклучително значајни резултати. Но, за тоа во некои подобри времиња“, се нагласува во реакцијата на Фрчкоски.
Македонија
Регистриран земјотрес во Охрид
![](https://makfax.com.mk/wp-content/uploads/2023/08/zemjotres2.jpg)
Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот факултет во Скопје, синоќа, (7.07.2024 година) во 22 часот и 52 минути, регистрираше земјотрес чиj епицентар припаѓа на епицентралното подрачје Охрид, 120 километри југозападно од Скопје, со Рихтерова локална магнитуда ML3.2.
Според досегашните податоци со кои располага опсерваторијата, земјотресот е почувствуван од населението во градот Охрид и околината, со интензитет од IV степени според Европската макросеизмичка скала, како и во пограничните делови со територијата на Р. Албанија.
Македонија
Сончево и многу топло со температури до 39 степен
![](https://makfax.com.mk/wp-content/uploads/2018/08/Fontani.jpg)
Времето денеска ќе биде сончево и многу топло со мала до умерена локална облачност. Ќе дува слаб до умерен ветер од северен правец. Минималната температура ќе биде во интервал од 13 до 21, а максималната ќе достигне од 33 до 39 степени. UV=9
Во Скопје сончево и многу топло со мала облачност. Ќе дува слаб до умерен ветер од северен правец. Минималната температура ќе се спушти до 19, а максималната ќе достигне до 39 степени.
Во наредните денови следува период на многу топло време со дневна температура која насекаде ќе биде над 30, а наместа ќе достигнува 40 степени. Во попладневните часови претежно во планинските подрачја ќе има изолирана појава на нестабилност со краткотраен дожд и ретки грмежи.