Македонија
Нема услови за референдум и фер избори, велат од ГДУ
Од Граѓанско демократска унија сметаат дека нема функционална Државна изборна комисија, ниту пак прочистен Избирачки список, како ни волја за професионализација на највисокото изборно тело, а, како што велат, се најавува реферндум за името, како и предвремени парламентарни избори.
„Нема кој да го прочисти избирачкиот список кој е клучен во овие процеси. И најтрагично е што „големите лидери“ воопшто не го споменуваат ова прашање. Дали намерно се тактизира и молчи за ова, за да може после да се оспорува евентуалниот референдум? Или изборните резултати? Во Македонија со Избирачкиот список се прават експерименти само пред избори. Ако внимателно ги читаме Извештаите од ОБСЕ/ОДИХР, Македонија во изминативе години на плурализам, изборите биле далеку од фер и демократски, ама после избори ова се занемарува. Како и вообичаено лидерите на парламентарните партии не се заинтересирани за професионализација на ДИК и ослободување од политички влијанија“ се наведува во соопштението на ГДУ.
Целокупниот просец на изборни реформи во државава оди бавно, велат од ГДУ, ништо не е транспарентно и немаме никаква гаранција за фер, демократски и слободен избор.
„Мора да се реши хаосот со Избирачкиот список, во спротивно не можеме ништо да спроведеме без манипулации и оспорувања, под итно мора да се најде решение за црните дупки во Изборниот законик и да се поработи на поголемо едуцирање на изборните комисии и гласачкото тело. И за да ја вратиме демократија мора да го напуштиме моделот со шест изборни единици и да го воведеме моделот Македонија да биде една изборна единица со отворени листи“ се додава во соопштението.
Од таму порачуваат дека сите овие прашања никако не смеат да бидат во функција на меѓупартиски договарања и надмудрување! Според ГДУ, јавноста мора да биде коректор и контролор на овие важни процеси со цел да се спречи понатамошно партизирање на институциите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„За избор на Владата нема двојно гласање (Бадентер), тоа не е предвидено ниту со Уставот, ниту со било каков договор или закон“, вели Демократскиот сојуз
Демократскиот сојуз ги потсетува партиите, посебно ДУИ, но и сите граѓани, дека соглано член 99 од Уставот на Република Македонија, мандат за состав на Влада добива кандидатот на партијата/ партиите кои имат мнозинство (најмалку 61 пратеник).
„Владата ја избира Парламентот со мнозинство гласови од 120-те пратеници. Мнозинство се 61 пратеник. За избор на Владата нема двојно гласање (Бадентер), тоа не е предвидено ниту со Уставот, ниту со било каков договор или закон, ниту пак има таква пракса. Се работи за класична манипулација или непознавање на политичкиот систем и Уставните решенија за избор на Влада“, велат од Демократскиот сојуз.
„Сосема е извесно дека по 20 години на власт, недопирливите од ДУИ, ќе бидат испратени во долгогодишна опозиција и за грабежот што го направија и разнебитување на институциите и државата во целина ќе одговараат.
Наводната проевропска партија „ги отвори вратите на ЕУ“, при што за време на нивното владеење над 800 илјади граѓани од Македонија се иселија во земјите на ЕУ, меѓу нив и над 200 илјади Албанци.
Сите партии се изјаснија дека по изборите нема да коалицираат со ДУИ. Тоа е јасно за сите граѓани, затоа ќе гласаат за промени, а на ДУИ во опозиција ќе им се приклучи и СДСМ“, се додава во соопштението на Демократскиот сојуз.
Скопје
100 санкционирани возачи во Скопје
Секторот за внатрешни работи Скопје во текот на вчерашниот ден продолжи со контролите во областа на сообраќајот.
„На територија на град Скопје изречени се вкупно 100 мерки, меѓу кои за возење без возачка дозвола 14 санкции, 12 мерки за користење мобилен телефон при возење, пет санкции за некористење сигурносен појас…“, велат од МВР.
Од таму додаваат дека сообраќајните контроли продолжуваат и во наредните денови.
Македонија
„Доколку ДПМНЕ добие преголема моќ ќе се стави крај на европските перспективи, независните медиуми и независното судство“, вели СДСМ
„Потребен е силен СДСМ во Собранието, да не се дозволи повторно инсталација на режим од страна на ДПМНЕ и играње со иднината, стабилноста и безбедноста на државата“, вели СДСМ.
„Доколку десничарска партија како ДПМНЕ добие преголема моќ, извесно е дека ќе се стави крај на европските перспективи, независните медиуми и независното судство.
Тоа ќе значи враќање назад повеќе од 20 години.
Поддршка за СДСМ и обединување на сите прогресивни сили во земјата е единствениот начин да се спречи повторно режим“, соопшти СДСМ.