Македонија
Министерска средба во Белград за дигитална трансформација на образовниот систем во Западен Балкан
„Maкедонија успешно започна со реализација на проектот British Council „Училишта зa 21 век” со воведување во наставата на Mикро бит, џебен компјутер кој се користи за учење на програмирање и кодирање од најраната возраст“, изјави Гордана Јанакиевска од скопскиот Образовен институт.
Таа на регионалната конференција за дигитална трансформација на образовниот систем на Западниот Балкан во Белград, организирана од страна на British Council, рече дека првите сериозни чекори за дигитализација на наставата во Македонија се онлајн курсевите кои наставниците забрзано ги посетуваат, со цел исчезнување на дигиталниот јаз меѓу нив и нивните ученици. Претставниците на Министерството за образование од регионот денес ги усогласија препораките за дигиталната трансформација на образовниот систем како дел од стратегијата за унапредување на образованието на Западниот Балкан во идниот период.
Заклучоците за надминување на дигиталниот јаз во образовниот систем во регионот ќе бидат претставени на 10 jули на Самитот за Западен Балкан во Лондон, во рамките на Берлинскиот процес, инициран од Ангела Меркел со цел да ја подобри соработката меѓу земјите од Западен Балкан и подобра подготовка за полноправно членство во ЕУ.
Eвропската Комисија проценува дека во блиска иднина 90% од работите ќе бараат дигитални вештини, a во моментов 47% од населението на Европската Унија нема соодветни знаења во оваа област. Статистиката е уште полоша во земјите од регионот. Дигитализацијата на образовниот систем подразбирa воведување на дигитални вештини со алгоритамско размислување и кодирање, развој на дигитални вештини на наставниот кадар, обезбедување пристап до образовните ресурси за дигиталните вештини, развивање на програми за континуиран професионален развој на предавачи, ангажирање на работодавачи во врска со образовниот систем.
Стратешкиот пристап кон развојот на дигиталните вештини на младите луѓе може да го поддржи развојот на производите и услугите кои ѝ се неопходни на економијата, да обезбеди можност за вработување, да го намали одливот на мозоци. „Велика Британија пред само неколку години ја откри лошата дигитална писменост кај поголемиот дел од населението и 2016. година во наставата на сите основни училишта го воведе џебниот компјутер Microbit кој се користи за многу предмети во училиштата, им помага на наставниците да им пристапат на децата на современ начин и да станат поактивни. За само две години употреба на Microbit во училиштата се постигнаа одлични резултати кога се работи за дигиталната писменост”, рече Клер Сирс од Британскиот совет, кој донираше Microbit уреди во 60 училишта на Западниот Балкан како дел од пилот проекот.
Таа додаде дека во моментов се подготвува воведување на овој џебен компјутер во уште 90 основни училишта во регионот и дека долгорочна мисија на British Council е џебниот компјутер да се вклучи во сите училишта на Западниот Балкан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Се оддалечуваме од Европа поради политиките на власта, му рекол Филипче на известувачот Томас Вајц
Претседателот на СДСМ, Венко Филипче, денеска одржал состанок со постојаниот известувач на Европскиот парламент за Северна Македонија, Томас Вајц. На состанокот, како што информираа од партијата, станало збор за актуелната политичка состојба и за евроинтеграцискиот процес на државата.
Филипче изразил благодарност за ангажманот на ивестувачот на ЕП, Вајц, во следењето на процесот, како и за поддршката на Европската Унија и Европскиот Парламент за европската перспектива на нашата држава.
„На средбата, Филипче посочи дека статусот во кој се наоѓа евроинтеграцискиот процес на Македонија е сериозно загрижувачки, реформската агенда е закочена, реформите не се спроведуваат, а власта не покажува волја за продолжување на европскиот пат. Тој додаде дека наместо напредок кон европскиот пат, државата поради политиките на власта се соочува со стагнација, блокирани реформи и политики кои ја оддалечуваат државата од европските стандарди“, велат од СДСМ.
Филипче нагласил и дека европската интеграција за Македонија значи процес што го зајакнува владеењето на правото, гради функционални институции и обезбедува подобар живот за граѓаните, а Македонија заслужува да се движи напред, а не да губи време и да остане изолирана.
Воедно, Филипче порачал дека СДСМ останува цврсто посветена на европските вредности и реформи, бидејќи иднината на Македонија во Европската Унија, тоа е клучот за подобра, праведна, просперитетна и напредна држава, за подобра иднина за сите граѓани.
Македонија
За возачка дозвола доволно е завршено основно образование, рече Јаневска по протестите
Министерката за образование и наука Весна Јаневска изјави дека за полагање возачки испит е потребно најмалку завршено основно образование, нагласувајќи дека државата обезбедува можности.
„Образованието е бесплатно и за оние што ја надминале возраста, така што до 29 години тие преку Центарот за образование добиваат едукација. Сме имале и проекти со наши странски партнери преку кои Ромите што биле заинтересирани да го дополнат своето образование добиле некаква едукација соодветна на барањата на пазарот на трудот, нивните лични потреби итн“ рече Јаневска одговарајќи на новинарско прашање. Додаде и дека Министерството финансира околу 40 ромски медијатори со цел зголемување на опфатот и редовното присуство на ромските деца во училиштата.
Изјавата доаѓа по протестите на граѓани кои побараа ослободување од обврската за полагање возачки испит бидејќи немаат неопходен степен на образование, а автомобилите им се неопходни.
Македонија
Дожд и облаци утре, постудено на почетокот на следната седмица
Времето утре ќе биде променливо облачно. Во западните делови ќе има врнежи од дожд, а попладне услови за дожд ќе има и во источните делови. Ќе дува слаб до умерен ветер од јужен правец. Минималната температура ќе биде во интервал од 2 до 6, а максималната ќе достигне од 8 до 14 степени.
Во Скопје, облачно со услови за повремени врнежи од дожд. Ќе дува слаб ветер со променлив правец. Минималната температура ќе се спушти до 4, а максималната ќе достигне до 11 степени, најавува УХМР.
Утре ќе се задржи променливо облачно време наместа со повремен слаб дожд освен во западните делови каде што ќе биде облачно со врнежи од дожд кои ќе бидат со пообилен интензитет (над 15 l/m²). Ќе дува умерен, повремено засилен ветер. Нови врнежи ќе има во недела и почетокот на следната седмица кога ќе настапи заладување со повремени врнежи од дожд, а на планините и во некои од повисоките места од снег.

