Македонија
Најдоцна за пет години ќе се менуваат сите документи
Кога договорот со Грција за решавање на спорот за името ќе стапи во сила, новото име Република Северна Македонија ќе се користи во сите релевантни меѓународни, мултилатерални и регионални организации, институции и форуми вклучувајќи ги сите средби и коресподенција, во сите нивни билатерални односи со земјите членки на ОН.
Ќе има два транзициски периода за промена на документите – едниот ќе биде технички, а другиот политички. Техничкиот транзициски период ќе се донесува на сите официјални документи и материјали од јавната администрација на земјава за меѓународна употреба и на оние за внатрешна употреба што може да се употребуваат и надвор од државата. Важноста на ваквите документи и материјали ќе се обновува во согласност со името и термините наведени во договорот најдоцна во рок од пет години по стапувањето во сила на договорот.
Политичкиот транзициски период ќе се донесува на сите документи и материјали исклучиво за внатрешна употреба во земјата. Издавањето на ваквите документи и материјали што се опфатени со оваа категорија ќе почне при отворањето секое поглавје на релевантното поле во прегворите со ЕУ и ќе биде финализирано во рок од пет години оттогаш.
Во однос на кодовите – МК – МКД, тие остануваат меѓународно прифатени и препознатливи кодови. Регистарските таблички на возилата не се дел од меѓународната кодификација и поради тоа, тие ќе го следат духот на договорот што ќе се потпише со Грција – НМК.
Во врска со употребата на името Македонија во термините на комерцијалните имиња, логоа и имиња на марки, се наведува дека страните се согласуваат да ги поддржат и да ги охрабруваат своите деловни заедници да воспостават искрен, структурен и добронамерен дијалог, во чиј контест ќе се бараат и ќе се постигнуваат заемно прифатливи решенија на проблемите што произлегуваат од комерцијалните имиња, логоа и имиња на марки и сите ревевантни прашања на билатерално и меѓународно ниво. За имплементација на одредбите, ќе биде утврдена меѓународна група од експерти, составена од претставници на двете држави во контекст на ЕУ со соодветно учество на Обединетите нации и ИСО. Оваа група ќе биде формирана во 2019 година и ќе ја заврши својата работа во рок од три години. Ништо нема да влијае на сегашната комерцијална употреба сè додека не се постигне заемен договор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Посебен сообраќаен режим утре и задутре во Тетово поради предизборни митинзи
СВР Тетово информира дека поради одржување на митинзи на политичките партии во рамки на предизборната кампања во следните два дена (недела и понеделник) ќе има посебен сообраќаен режим во центарот на градот.
– Ќе се воведе посебен режим на сообраќајот и тоа по булевар „Илирија“од влезот на Тетово сè до плоштадот, односно кружниот тек со булевар „Илинденска”, при што нема да се дозволува паркирање на возилата низ булеварот. Исто така, за време на митинзите сообраќајот ќе биде пренасочен по другите улици, и тоа по улиците „ЈНА“, „Тодор Ципоски-Мерџан”, „Јане Сандански“ и улица „Никола Тесла“, се вели во соопштението на СВР Тетово.
Отттаму со апел возачите да бидат трпеливи и да ги почитуваат наредбите што ќе ги издаваат полициските службеници.
Македонија
Ковачевски: Имаме задача да не се откажеме од европскиот сон за подобра и просперитетна држава за идните генерации
„Нашата генерација има задача да не се откаже од европскиот сон на земјата и да направи сè за Македонија да стане рамноправна членка на Европската Унија“, порача претседателот на СДСМ, Димитар Ковачевски, на митингот на Коалицијата за европска иднина во Кичево.
Ковачевски истакна дека денеска кога чествуваме 121 година од смртта на македонскиот револуционер, идеолог и учител, Гоце Делчев, важно е да се потсетиме дека низ историјата нашиот народ не се откажувал дури ни пред најтешките предизвици. Порача дека 8 мај е нов историски крстопат, денот кога сите прогресивни и демократски сили во државата треба да одлучат државата одлучно да продолжи на патот кон Европската Унија.
„Само така ќе изградиме подобра и просперитетна држава за идните генерации. Држава со европски животен стандард, европски вредности, европски правила на игра“, рече Ковачевски.
Ако ВМРО ДПМНЕ и Силјановска се дограбат до власта, ќе стават рампа на патот на Македонија кон Брисел и ќе можеме да се збогуваме од ЕУ, истакна Ковачевски.
„Не смееме да ја повториме грешката од минатото и да дадеме преголема моќ во рацете на десничарска партија како ВМРО ДПМНЕ. Уште се свежи раните што ѝ ги нанесоа на државата за време на нивното 11-годишно владеење на Македонија. Сетете се на заробените медиуми, замолчените вработени во јавниот сектор, натепаните студенти во библиотеките и плоштадите. Сетете се на милионите потрошени за жални врби, лажен барок, евтин стиропор само за да се богатат поединци од ВМРО – ДПМНЕ“, истакна Ковачевски.
Лидерот на СДСМ пред граѓаните на Кичево најави повисоки плати и пензии, пакети за поддршка на учениците и студентите, одговорна социјална политика и одлучна борба против криминалот и корупцијата.
Македонија
Проданоски: Експресниот пат Градско-Прилеп ни од далеку не е готов, да ставиме крај на лагите на СДСМ на 8 мај
Тука сме на лице место за да ги разобличиме лагите кои што СДСМ се обидуваат да ги пласираат до јавноста, рече Дејан Проданоски, претседател на ОК на ВМРО-ДПМНЕ Прилеп.
– Овде во Дреновската клисура каде што сме на самиот старт на почетни градежни активности, а за кои што слушнавме дека во 90 % експресниот пат е завршен. Овие се истите лаги исто како оние на почетокот на нивниот мандат кога Фејсбук и Гугл чекаа на граница, истите лаги како фабриката за автомобили во Тетово. Но, македонските граѓани треба да видат и да знаат дека овде на ова место е сам старт на почеток на градежни активности, а не е видлив ниту крајот на она како што тие сакаат да го пласираат. Да не зборувам тука и за третата фаза од експресниот пат за која што има обезбедено средства и за која што можеше исто да биде завршена ако не беа платени пеналите кон компанијата на која што и се бараше рекет за да остане да го гради автопатот и се изгуби значително голем период од изградба на патот и барање на друга компанија, рече тој.
На лагите од СДСМ им нема крај, овие лаги мора да завршат, затоа на 8-ми мај ве повикувам сите да заокружите број 2 за да и ова автопатско решение биде завршено и биде ставено во функција на секој граѓанин на Република Македонија, додаде Проданоски.