Свет
ЕУ и Нов Зеланд склучуваат нов договор за трговија
ЕУ и Нов Зеланд започнаа нови преговори за поопширен и поамбициозен договор за трговија, соопшти Европската комисија.
„Преговорите имаат цел да ги поместат границите за размена на стоки и услуги, како и да развијат нови правила кои ќе ја олеснат размената и ќе ја направат поодржливи,“ соопшти Комисијата.
На средбата присуствуваа Комесарката за трговија, Сесилија Малмстром и Министерот за трговија на Нов Зеланд, Давид Паркер.
„Денес бележиме важна пресвртница во односите ЕУ-Нов Зеланд. Заедно можеме да склучиме договор од кој и двете страни, како и граѓаните, ќе имаат придобивка,“ изјави Малмстром во соопштението.
Таа додаде дека договорот е одлична можност да се постават построги правила според кои ќе се формира глобализацијата и ќе ја олеснува трговијата.
Во соопштението се вели дека првите формални средби за преговори помеѓу гореспоменатите страни ќе се одржат во Брисел од 16 – 20 јули.
Според Комисијата, ЕУ е третиот најголем партнер за трговија на Нов Зеланд, а со договорот трговијата ќе се зголеми за најмалку 50 отсто.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.