Македонија
(Видео) Костадинов: Целиот демократски свет го поздрави договорот со Грција
Од заробена и изолирана земја, денес Македонија е пример за решавање на отворени прашања во интерес на граѓаните. Почитувана држава – партнер и пријател со соседите и светот, изјави Костадин Костадинов, пратеник од СДСМ и коалицијата.
„Успесите и лидерството се проепознаени од целиот демократски свет. Германската влада вчера препорача отворање на преговорите со Македонија за полноправно членство во ЕУ. Холандскиот парламент веќе гласаше за преговори со Македонија. Северноатлантскиот совет прифати поканата за влез на земјава во НАТО да биде ставена на дневен ред на следниот самит на Алијансата. Европската комисија, Европскиот парламент, Стејт демартментот, НАТО, Обединетите нации, Австрија, Бугарија, Германија, Британија…се само дел од демократкиот свет којшто го поздрави лидерството на Македонија и Грција во решавањето на деценискиот спор“, рече Костадинов.
Тој потсети и дека британската премиерка Тереза Меј го честиташе постигнатиот договор и изрази надеж за придобивките, како за Македонија, така и за целиот регион. Исто така, додаде Костадинов и германската канцеларка, Ангела Меркел, го поздрави Договорот и најави силна поддршка.
„Ваквиот успех на меѓународен план, влијае и врз позитивните движења во економијата, раст на платите, повеќе пари кај граѓаните и повисок животен стандард“, истакна Костадинов.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Пронајдено лице што вчера се изгубило на Водно
Регионалниот Центар за управување со кризи – Скопје информира дека на бројот 112, вчера во 15:23 часот била добиена пријава за изгубено лице во Парк – шумата Водно.
Веднаш биле известени надлежните за нивна понатамошна постапка, по што лицето било пронајдено за околу еден час.
– Од полициската станица – Карпош во 16:34 часот во ЦУК, добиена е информација дека лице од Водно е на пат за градот, пишува во денешното соопштение на Центарот за управување со кризи.
Македонија
Почина таткото на Тоше Проески
Почина Никола Проески – татко на музичарот Тоше.
Веста за неговата смрт на социјалните мрежи ја објави Дора, неговата ќерка.
„Светол патот, татко мој“, напиша таа.
Музичарот Тоше Проески загина пред 16 години во сообраќајна несреќа во Хрватска. Неговите родители, по смртта на синот, не се појавуваа во јавноста.
Македонија
ВМРО-ДПМНЕ ветува изградба на магистрален гасовод од Свети Николе до Велес
За Свети Николе предвидуваме изградба на магистрален гасовод до Велес, реконструкција и проширување на патот до Пробиштип, реконструкција и проширување на градинката „Рахилка Гонева“ и нови 8 милиони евра за општината Свети Николе, изјави Драган Ковачки, носител на третата изборна единица од ВМРО-ДПМНЕ.
„Почитувани граѓани, за земјоделците од овој крај, вклучително и за сите земјоделци, предвидуваме 800 милиони евра коишто ќе бидат директна поддршка за земјоделците, за навремени субвенции, за чистење на водоснабдителните системи. Нашите земјоделци заслужуваат подобар живот. Нашите граѓани заслужуваат подобар живот“, рече Ковачки.
Повика на излезност на изборите на 8 мај.