Македонија
Пендаровски: Членството во ЕУ и НАТО е клучно за демократијата

Критериум за влез во НАТО веќе со години е решавањето на прашањето за името. Ако во писмото од грчкото МНР стои чиста формулација дека Македонија треба да добие покана, тоа ќе биде клучно за земјата да добие покана за членство во Алијансата, истакна Стево Пендаровски, национален координатор на Македонија за НАТО на трибината под наслов „Позитивните и негативните аспекти за членството на Македонија во НАТО“ во организација на Институтот за стратегија и развој (ИСД).
Образложувајќи ја потребата на Македонија за влез во НАТО и ЕУ, Пендаровски рече дека членството е клучно за демократијата со цел да можеме од нив да научиме како успешно да го организираме општеството.
Тој спомена дека во минатото НАТО имаше три мисии во Македонија. Првата беше по конфликтот кога се собираше оружјето, а потоа уште две кои овозможија реинтеграција на кризните региони и направија целокупниот амбиент во државата да се стабилизира.
„Ние мора да ги гледаме нашите стратешки интереси и нашиот влез во ЕУ и НАТО нема никакво лошо влијание за односот со Русија, Кина или која било друга земја. Не влегуваме во овие формации за да бидеме закана за некого, туку за да добиеме бенефити и да бидеме под тој чадор кој ќе го стабилизира ова парче земја, а истовремено и да отвори простор за нови инвестиции. Сите инвеститори кои доаѓаат во Македонија прашуваат кога ќе влеземе во ЕУ и НАТО, со оглед на тоа што сега сме држава со преодна форма“, рече Пендаровски.
Осврнувајќи се на договорот со Грција како услов за влез во НАТО тој спомена дека договорот има три фази кои ние во Македонија треба да ги поминеме успешно и една во Грција каде е потребно само на крај да биде направена ратификацијата на договорот во Парламентот.
„Ако една од фазите кои ние треба да ги спроведеме не ја поминеме успешно, алтернативата ќе биде во некое друго време да почнеме повторно со преговори. Но, во тој случај, убеден сум дека тоа ќе го прави некоја следна генерација“, смета Пендаровски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ДУИ: Институциите го деградираат користењето на албанскиот јазик на ниво пред усвојувањето на Законот за јазиците

„ДУИ изразува длабока загриженост поради систематското непочитување на албанскиот јазик на официјалните веб-страници на министерствата на Владата на Република Северна Македонија. Недостигот на содржини на албански јазик во Министерството за енергетика, Министерството за транспорт, Министерството за внатрешни работи и други институции претставува не само прекршување на Законот за употреба на јазиците, туку и намерно исклучување на албанците од пристапот до јавни информации“, велат од ДУИ.
„Во некои случаи, задржани се само старите двојазични формати од претходната влада, но суштинските содржини, документите и клучните информации се објавуваат исклучиво на македонски јазик.
Станува збор за опасен тренд што оди подалеку од техничка негрижа – ова е институционална политика која го ограничува практичното користење на албанскиот јазик и ги поткопува темелите на меѓуетничката еднаквост во државата.
Дополнително, овие појави се случуваат во време кога се прават обиди за доведување во прашање на клучните одредби од Законот за јазиците пред Уставниот суд.
Кога државните институции почнуваат да го игнорираат или релативизираат едно од најважните достигнувања на Охридскиот рамковен договор – службената употреба на албанскиот јазик – се испраќа опасна порака за иднината на државната кохезија и меѓуетничкиот соживот.
Во момент кога се случуваат овие сериозни процеси, албанските партнери во Владата се зафатени со внатрепартиски караници за претседател на ЛЕН, иако секој од нив со помалку од 1% поддршка од граѓаните, и молчат пред овој удар врз правата на албанските граѓани.
Со оваа тишина, тие не само што ја легитимираат оваа политика, туку стануваат дел од проблемот.
ДУИ им упатува повик на институциите да го почитуваат законот и Уставот, да го запрат јазичниот дискриминациски курс. Албанците нема да прифатат да бидат третирани како граѓани од втор ред. Јазичната еднаквост не е привилегија – таа е право“, соопшти ДУИ.
Македонија
На Табановце и Богородица времето на чекање за влез во државата е околу 1 час

Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е умерен. На граничните премини Табановце и Богородица времето на чекање за влез во државата изнесува околу 1 час. На останатите гранични премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Претпладне сончево, попладне наместа нестабилно со локален дожд и грмежи

Претпладне сончево со умерена облачност. Попладне наместа ќе биде нестабилно со локален дожд и грмежи. Ќе дува слаб до умерен ветер од југоисточен правец. Минималната температура ќе биде во интервал од 6 до 12, а максималната ќе достигне од 19 до 26 степени.
Во Скопје, сончево со умерена облачност и со слаб до умерен југоисточен ветер. Попладне во делови од котлината ќе има развој на нестабилна облачност со услови за пороен дожд и грмежи. Минималната температура ќе се спушти до 8, а максималната ќе достигне до 26 степени.
Времето во наредните денови
Од среда на повеќе места ќе биде нестабилно со повремени врнежи од дожд, локално поројни, проследени со грмежи. Дневната температура ќе биде во постепено благо опаѓање.