Свет
Европските лидери упатија честитки за победата на Ердоган
Германската канцеларка Ангела Меркел упати честитки до претседателот Реџеп Таип Ердоган за неговата победа на последните претседателски избори во Турција и додаде дека Германија е подготвена да ги подобри врските со земјата.
Во честитката до Ердоган, Меркел истакна дека двете земји се соочуваат со слични предизвици поради конфликтите во регионот, информира агенцијата „Анадолија.“
„Насилството на Блискиот Исток, како и константниот прилив на бегалци, имаат значителни влијанија врз нашите земји. Турција презеде голема орговорност во таа насока,“ изјави канцеларката.
Меркел ја истакна и традицијата на пријателски односи помеѓу Анкара и Берлин и ја даде својата поддршка за стабилност и демократија во Турција.
„Се радувам на нашата понатамошна соработка и се надевам дека ќе ги продлабочиме односите помеѓу нашите земји,“ рече Меркел.
Претседателот Ердоган доби пофални зборови и од Германскиот претседател Франк Валтер Штајнмаер, кој додаде дека е можна средба на високи функционери со цел да се зајакнат билатералните односи.
Британската премиерка Тереза Меј исто така упати честитки до претседателот Реџеп Таип Ердоган за победата на изборите.
Во телефонски разговор, Меј му честиташе на Ердоган и додаде дека очекува зајакнување на билатералните односи помеѓу Турција и Обединетото Кралство, информираат од кабинетот на турскиот претседател.
Ердоган и Меј договорија средба за време на НАТО самитот во Брисел во јули.
Грчкиот премиер Алексис Ципрас исто така му ја честиташе победата на претседателот Ердоган преку телефонски разговор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија нема сила повторно да го нападне Киев, изјави Зеленски за АФП
Претседателот на Украина, Володимир Зеленски во интервју за Агенцијата Франс прес (АФП) изјави дека не верува оти Русија има сила повторно да го нападне Киев.
Тие немаат сила за голема офанзива против главниот град, како што имаа на почетокот на инвазијата, посочи Зеленски додавајќи оти главни цели на Кремљ се Харков и Донбас.
Тој ги обвини западните земји што му забраниле да ја нападне Русија со нивното оружје.
„Русите можат да не нападнат на наша територија, тоа е најголемата предност што ја има Русија, но ние не можеме да направиме ништо со западното оружје на нивните вооружени системи лоцирани на руска територија. Немаме право“, вели Зеленски.
Според него, Западот се плаши и од руски и од украински пораз и оваа ситуација ја нарече апсурдна.
„Ние сме во апсурдна ситуација кога Западот се плаши дека Русија ќе ја изгуби војната. А во исто време тие не сакаат Украина да ја изгуби. Затоа што конечната победа на Украина ќе доведе до пораз на Русија и конечна победата на Русија ќе доведе до пораз на Украина“, истакна Зеленски.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.
Свет
Убиени тројца странски туристи и еден Авганистанец
Вчера од вооружени лица во централен Авганистан се убиени тројца странски туристи и еден Авганистанец, а четворица странски државјани и тројца Авганистанци се ранети, соопшти талибанското Министерство за внатрешни работи.
Според светските агенции не е позната националноста на туристите, ниту кој го извршил нападот за кој што се уапсени четири лица.