Италијанската антисетаблишментска партија Лига го зацврсти своето место како лидер во креирање на италијанското јавно мислење, според националната политичка анкета објавена неделава на „Телеџорнале“.

За првпат во својата 27-годишна историја партијата порано позната како Северна лига се пресели на првото место надминувајќи го својот владејачки партнер, Движењето пет ѕвезди (M5S), и сега ужива во водството со 29,7 отсто од гласовите. Коалицијата сега владее со импресивни 59,1 отсто од гласовите на италијанскиот народ.

На парламентарите избори минатиот 4 март, М5С беше на врвот со 32 отсто од гласовите, а Лига освои само 17,6 отсто од гласачката маса, но партијата со седиште во Ломбардија, со цврст став за спречување на масовната имиграција, оттогаш континуирано се искачува во анкетите .

Некогаш доминантната Демократска партија (ПД) на Матео Ренци ужива во 18,8 отсто од гласовите додека партијата Силвио Берлускони, Форца Италија, падна на 8,4 отсто. Десничарската „Фратели Д’Италија“ падна на 3,8 отсто.

Како италијанскиот министер за внатрешни работи, лидерот на Лига, Матео Салвини, е во фокусот на италијанското јавно внимание, особено откако не му дозволи влез во Италија на НВО бродот со мигранти „Аквариус“. „Ајриш тајм“ неделава го прогласи Салвини за европски лидер најсличен со Трамп и тоа не го напиша тоа како комплимент, но Италијанците воопшто не го кријат својот восхит од политиките на Трамп кои резултираа со моќен економски раст , значајна дерегулација и посилно надворешно-политичко присуство низ целиот свет.

Салвини е министер за внатрешни работи и вицепремиер на Италија помалку од еден месец, но веќе ги надгради политиките за миграција и за азил, забележува „Тајмс“, факт што помогна да ја однесе Лига на позиција на национален лидер што сега ја ужива . И „Ројтерс“ во вторникот го прогласи Салвини за „европски Трамп“ поради односот кон миграцијата“. Агенцијата го цитираше и Стив Бенон, поранешен извршен директор на „Брејтбарт“, кој рече дека Трамп и Салвини се скроени од ист штоф.

„За миграцијата е подребна директна акција, без оглед колку е тоа непријатно, а Салвини им покажа на хипокритите во Брисел како се дејствува“, рече Бенон

Салвини и самиот се потруди да си ја потврди репутацијата и вчеравечер му порача синоќа на францускиот претседател, Емануел Макрон, дека ако мисли оти не постои мигрантска криза, да ја отвори вратата на својата куќа за мигранти. Салвини реагираше на изјавата на Макрон во Рим, каде се сретна со папата Франциско, дека не постои никаква мигрантска криза.

„Ако е така,“ рече Салвини, „Макрон треба да ја отвори вратата на својата куќа за 9 000 мигранти, колку што Франција вети дека ќе прими од Италија, во согласност со договорот на ЕУ.“

Одбивајќи да дозволи на приватни спасувачки бродови да пристигнат во Италија, Салвини ги предизвика партнерите од ЕУ да примат уште мигранти.

„Премногу е лесно да се фотографирате со папата, без почитување на договорот, а ги враќате жените и децата на граница. Француската ароганција веќе не е во мода во Италија,“ рече Салвини, алудирајќи на одбивањето на Франција да им дозволи на мигрантите да преминат граница со Италија.