Македонија
(Видео) Никовски: Го жртвуваме националниот идентитет, а не добивме ништо
Датумот за преговори за членство во ЕУ е чиста лага, Брисел одлучи да го разгледа повторно нашето прашање во јуни следната година и евентуално да ни даде датум за преговори доколку се исполнат одредени услови кои ги постави, вели за „Макфакс поранешниот амбасадор, Ристо Никовски кој е познат по своите ставови и согледувања за спорот и зачувувањето на името на Македонија.
„Клучот на проблемот е во фактот дека ова е нова потврда дека Македонија и другите кандидати освен Црна Гора немаат теоретски шанси да влезат во ЕУ пред 2033 година. Македонија утре да ги започне преговорите ќе и требаат најмалку 14 или 15 години да ги заврши и тоа доколку се оди идеално, а да бидеме јасни, на патот кон Брисел на разгледување на тие 33 поглавја, Македонија ќе има тешки сопки, пречки од Бугарија, Грција и други земји за да на крајот да ги затвори сите поглавја и влезе во Унијата“, вели Никовски.
Според него, договорот со Грција за промена на името е класична капитулација бидејќи, како што вели, Македонците со тој договор се откажуваат сами од себе, а не добиваат ништо за возврат од Брисел.
„Македонија уште утре да беше примена во Унијата и тоа подоцна да ги преговара тие поглавја не може да биде компензација на тоа што го направи Македонија. Државата е на почеток со тие европски интеграции, ова покажува дека беа дадени непотребни, тешки жртви, го жртвувавме националниот идентитет, и не добивме ништо, не само од Брисел туку и од Грција“, вели Никовски додавајќи дека Македонија прифатила неприфатливи услови, капитулирала со двата договори и дури сега почнуваат танталовите маки бидејќи договорите според него, ништо не решиле.
„Со Бугарија и Грција не е постигнат договор, Ние со Бугарија прифативме дека немаме сопствена историја, туку заедничка. Бугарија цело време реафирмира дека не можеме да влеземе во Унијата со македонизмот, односно игнорирањето на нашиот јазик не мора да го прави Грција, ќе го прави Бугарија. Тие веќе во Софија објавија дека јазикот на ПЈРМ не постои, тоа ќе го направат и во Брисел. Тоа исто така може да го направи и Грција, не во нивно име туку некоја друга држава наместо нив“, рече Никовски.
Македонскиот дипломат тврди дека мали се шансите договорот со Грција да биде спроведен односно никој друг освен актуелната власт нема да прифати таков договор во кој Македонците се откажуваат од државјанството кое со договорот станува двојно.
„Многу тешко дека ќе спроведе договорот, оваа приказна ќе заврши успешно за нас, кога велам успешно мислам на тоа дека договорот нема да помине. Ние се откажавме и од државјанството кое сега е двојно, македонско ќе се избрише, не може македонско државјанство да излезе од Северна Македонија. Нашите маки дури следуваат и ова ќе биде ужас до крај“, вели Никовски.
Виктор Јованов
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Левица: Бранителите и нивните семејства се заборавени, а терористите на УЧК се амнестирани и во институциите
Левица во Битола оддаде почит на загинатите бранители во Вејце.
„На денешен ден пред 23 години се случи најкрвав и најбрутален масакр во поновата историја на Македонија. Од заседа масакрирани, а потоа живи запалени и ѕверски биле убиени осуммина специјалци и полицајци припадници на специјалните единици „Волци“ и на „Посебната единица на СВР Битола“. Во нивна чест, денес во Битола беше посетен Споменикот на Бранителите, од Генералниот секретар и Носител во ИЕ5 Јована Мојсоска, Советникот Горан Велевски и Секретарот на ЛО Битола Бранислава Стојановиќ. Положено беше свежо цвеќе и беше оддадена почит на загинатите“, велат од Левица.
Членови на ЛО Битола го посетија и родното место на загинатиот бранител Илче Стојановски, Породин. Положија свежо цвеќе на спомен обележјето на загинатите од Вејце и присуствуваа на настанот оджржан во чест на Бранителот Илче Стојановски.
„И после 23 години, бранителите и нивните семејства се заборавени, а терористите на УЧК се амнестирани и во институциите. Воени злосторства не застаруваат и правда за македонските херои кои го положија животот за Македонија мора да има“, пишуваат од партијата.
Македонија
(Видео) Лукаревска: СДСМ е одговорна партија, ние не манипулираме
“Прогресивните граѓани знаат дека со СДСМ има слобода, има демократија и сигурна иднина, и токму тие граѓани се и наши најдобронамерни критичари, затоа што се демократи и затоа што имаат изградено граѓанска свест, за да биде подобро. Но во суштина тоа сме НИЕ, истите тие, што ја сакаме државата слободна, демократска, отворена, модерна, развиена. Исти вредности споделуваме, тие вредности секогаш не обединувале, и кога било најтешко и кога е најважно. Да не го потцениме моментот, сега е најважно. Важно е на 8 мај да покажеме дека сме обединети и дека заедно и подобро ќе продолжиме да работиме”, рече Сања Лукаревска, носителка во третата изборна единица.
СДСМ е одговорна партија. Ние не манипулираме, не продаваме бесперспективни илузии кои ја разградуваат државата од внатре, и и ја ослабуваат позицијата надвор. Тоа нема да го дозволиме и затоа ја бараме вашата поддршка на 8 мај, рече Лукаревска.
“Да не дозволиме она што го изградивме заедно, да се урне за само еден ден, да се вратиме назад – на поделбите на наши и ваши, на привилегирани и на казнети, на поттикнати внатрешни конфликти, а всушност сите изманипулирани, зашто тој концепт не нуди иднина. Се е јасно, се е веќе видено и чуено и тоа ни дава уште поголема верба дека сме на исправниот пат. И затоа не се откажуваме, веруваме во социјалдемократските вредности, веруваме во погресивните граѓани и веруваме дека на 8 мај можеме да продолжиме заедно”.
Македонија
(Графика) Лани во Македонија се случиле 108 несреќи при работа, а од нив 15 завршиле со фатални последици
Лани во Македонија се случиле 108 несреќи при работа, а од нив 15 завршиле со фатални последици, покажува најновиот извештај на Македонското здружение за заштита при работа.
„Во 2023 година успеавме да забележиме јавно објавени во електронските и печатените медиуми, како и искомуницирани до нас како Македонско здружение за заштита при работа вкупно 93 несреќи при работа. Би сакале да потенцираме дека оваа бројка е конзервативна и во голема мера не го отсликува вистинскиот број на потешки несреќи на работното место. Следбено на оваа бројка на загинати вработени, стапката на смртни случаи при работа во Македонија изнесува 2,16 односно на секои 100.000 вработени, 2 вработени гинат на работното место во 2023 година. Кога пак како параметар ќе се земат повредите при работа, тогаш стапката на повреди при работа за 2023 година изнесува 13,42, што покажува дека на секои 100.000 вработени, потешко се повредуваат околу 13 до 14 вработени“, пишува во извештајот.
Во однос на градот во кој се случила несреќата, Скопје е град со најголем број на несреќи. По Скопје следат Битола и Прилеп.
Според извештајот, во 2023 година најмногу несреќи има во Преработувачката индустрија 29, по што следи Градежништвото и Јавна управа и одбрана 22. Најголем број на несреќи кои резултирале во смрт има во дејностите на градежништвото 7, дејностите на домаќинства како работодавачи 3 и преработувачка индустрија и рударство по 2.
„Дејностите на домаќинства како работодавачи во голем дел ги опфаќаат земјоделските работи на своите имоти. Доколку овие лица се
регистрирани како земјоделци, тогаш голем дел од повредите би се припишале на дејноста земјоделство. Најголемиот број на несреќи во оваа дејност се случиле со земјоделска машина – трактор, при вршење на земјоделски работи, транспорт или при учество во сообраќај“, се вели во извештајот на Македонското здружение за заштита при работа.
При оваа анализа утврдено е дека најголем број смртни случаи имало во петок 7, по 2 понеделник, четврток и сабота. Исто така најголем број на повреди имало во петок, додека во другите денови од неделата бројката се движи понеѓу 11 и 14 повредени.
Според резултатите, најмногу несреќи се случиле во месец април – вкупно 18. Бројот на смртни случаи, е најголем во месец септември – 3.