Забава
Арнаудоски: Проектот NUMB се подготува со огромна почит кон култните Pink Floyd

Екипа од 11 музичари веќе полни 6 месеци се зафати со сериозен проект да даде нов поглед кон творештвото на една од најголемите и најзначајните групи воопшто во историјата на музиката, култните Pink Floyd.
Човекот од кој потекна основната идеја, гитаристот Анатолиј Арнаудоски вели дека полни 15 години во него зреела желбата да го оствари овој проект. „Самата идеја трае повеќе од 15 години, а меѓу сите музичари, мислам дека глобално во цел свет постои едно култно обожување, не само кон самата музика на Pink Floyd, туку кон техничкиот дел, односно свирењето. Беше предизвик и долго време ни требаше да се одлучиме на овој чекор, бидејќи сега самото време и самата технологија ни овозможува технички да се изведат повеќе аспекти, како визуелниот, така и аудио аспектот. Можеби најголем проблем беше да се најдат музичари ентузијасти, кои сето тоа ќе го прават од срце. Ние музичарите се познаваме и гледано од оваа дистанца мислам дека ги најдов вистинските луѓе за овој проект. Со пробите започнавме од Нова година и отприлика некаде до месец февруари јас знаев дека ги најдов вистинските луѓе за овој проект“, вели Арнаудоски.
Според него, музиката на Pink Floyd е безвренска и фасцинантна. „Ако се ставиме во улога на Roger Waters кога го подготвувал албумот „The Wall“, целиот овој притисок кој сите го чувствуваме од социјален, па и од сите други аспекти, како е тоа претставено на самиот албум? Нели, она мало розево човече кога на крај сите цигли паѓаат, тој станува нов хуманоид. Така да после се` она што ни се случува изминативе години, ние ова го доживуваме како некој врв, како една наша сатисфакција, со огромна почит кон неповторливите Pink Floyd“, истакнува Арнаудоски и додава дека NUMB – Tribute to Pink Floyd не е проект кој ќе живее само во нашите граници и дека интенцијата е тој да заживее и надвор од нив.
Зад проектот стои екипа од 11 музичари, кои се веќе добро познати во јавноста. Во проектот Арнаудоски свири гитара, а во екипата се и: Димитри Алчев (гитара и вокал), Ѓорѓи Калајџиевски (тапани), Владимир Кречоски (бас гитара), Никола Јосифоски (синтисајзери), Ангелко Јовчески (перкусии), Горан Папазоски (саксофон), Ѓоко Танески (вокал) и Ана Костадиновска, Сара Николовска и Весна Илиќ Павловска како пратечки вокали. Премиерата е закажана за 26-ти јули на сцената „Долни сарај“ во Охрид. Билетите се во продажба преку продажната мрежа на Купи карти за се` и во сите „Тамаро“ маркети во Охрид и Струга.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Незгодниот момент на Кијану Ривс на доделувањето на наградите „Тони“ стана хит

Непријатниот момент на Кијану Ривс (60) стана вирален откако бродвејската ѕвезда за време на својот настап на доделувањето на наградите Тони во 2025 година скокна на столот на актерот. Ривс без да се сомнева седеше во Radio City Music Hall во Њујорк додека Џонатан Гроф изведуваше енергична верзија на „Mack The Knife“ од мјузиклот „Just In Time“.
Гроф, кој глумеше со Ривс во филмот „The Matrix Resurrections“ од 2021 година, потоа скокна на столот на Ривс, со нозете од двете страни на лицето, и продолжи да пее. Изненадениот Ривс врескаше и го погледна Гроф, кој буквално беше над неговата глава, а потоа го зграпчи за градите и скокна од столот.
@tv_line Jonathan Groff gets up close and personal with Keanu Reeves at the #TonyAwards #keanureeves #jonathangroff #tonys #2025 #cbs ♬ original sound – TVLine
Воодушевените обожаватели ги преплавија социјалните мрежи со коментари, а еден напиша: „Џонатан Гроф се искачи на Кијану Ривс среде публиката и го јаваше за време на неговиот настап на Тони“.
Други коментираа: „Кијану Ривс веќе го освои Тони со овој момент“, „Џонатан Гроф одлучи да ја искористи својата шанса со Кијану Ривс и јас го почитувам тоа“, „Флертувањето на Џонатан Гроф со Ривс беше неочекувано, но јас сум возбуден“.
Забава
(Фото) Џорџ Клуни ја врати својата природна боја на косата: „Изгледав како дилер на дрога“

Џорџ Клуни ги привлече погледите на црвениот тепих на 78-мото доделување на наградите „Тони“ во својот препознатлив стил – со својата природна, седа коса што реши да ја врати по долго време.
Познатиот актер ја доби својата прва номинација за наградата „Тони“ оваа година, благодарение на улогата во бродвејската претстава Good Night, and Good Luck.
Претходно тој ја обои косата во темна боја за да личи на новинарот Едвард Р. Мароу што го играше, но по завршувањето на претставата, реши да се врати на својата природна боја – што особено ја израдува неговата сопруга Амал.
„Мојата сопруга беше најсреќната личност кога се вратив дома и сè ишишав“, рече 64-годишниот Клуни на црвениот тепих.
„Изгледав како дилер на дрога со таа лоша црна боја за коса“, додаде тој.
Забава
Софија Вергара со заводлива фотографија ги воодушеви обожавателите: „Пристигна летото“

Софија Вергара (52) објави заводлива фотографија од себе како се сонча покрај базен на Инстаграм. Таа на шпански во описот напиша „Летото е тука“.
Нејзината објава привлече илјадници обожаватели кои лајкнаа и коментираа, вклучувајќи ја и колешката судијка на „Америка има талент“, Хајди Клум.
„Дојди… и јас го правам истото. Се сончам“, коментираше Клум, на задоволство на нејзините бројни обожаватели.
Софија неодамна беше во центарот на вниманието на медиумите поради нејзината наводна врска со возачот на Формула 1, Луис Хамилтон. Иако беа видени заедно неколку пати, нивната романса, според странските медиуми, не траела долго. Се вели дека Луис го изгубил интересот, а актерката наводно после тоа се чувствувала „напуштено“.