Македонија
(Видео) Вељановски: Работната група за ревизија на Музејот на македонската борба е некомпетентна да оценува историска поставка
Сведоци сме на најбескрупулозната идеолошко-политичка пресметка со науката и современата научна мисла во 27 годишната историја на Република Македонија, рече денеска претседателот на Комисија за култура на ВМРО-ДПМНЕ, Роберт Вељановски, обраќајќи се пред Музејот на македонската борба за државност и самостојност.
Како што посочи тој, структурите на СДСМ, обидувајќи се по секоја цена да ги оправдаат безумните капитулантски политики на нивната Влада, имале крајно смешен и очајно неуспешен обид за манипулација со фактите за постоењето на, според него, еден од најуспешните музеи во Република Македонија, Музејот на македонската борба.
Вељановски кажа дека ВМРО-ДПМНЕ најостро се спротивставува на ненаучното, паушално и дилетантско толкување на македонското културно историско наследство.
„ВМРО-ДПМНЕ одговорно тврди дека составот на работната група е тотално некомпетентен да оценува историска поставка. Имено, споменатата група се состои од членови кои се археолози, конзерватори, етнолози, галеристи и само еден историчар со недоволни референци за оценување на историска поставка за 19 и 20 век. Заеднички именител на членовите на групата е дека, безмалку сите, биле активисти на шарената револуција. За разлика од нив, историската поставка во Музејот на македонската борба е создадена од 4 еминентни универзитетски професори, историчари, специјалисти за 19 и 20 век. Истата поставка, по нејзиното конципирање е потврдена и од поголема група универзитетски професори од Универзитетот ‘Св. Кирил и Методиј’, како и Македонската академија на науките и уметностите и Институтот за национална историја. Оваа историска поставка е резултат на 75 годишни проучувања на македонската историја и наука. Највредните, автентични музејски предмети кои се наоѓаат во поставката на Музејот на македонската борба се донација од граѓани на Република Македонија и наши иселеници од дијаспората, кои своето семејно наследство му го довериле на Музејот. Каква порака Групата за ревизија им испраќа на овие и на сите идни донатори на артефакти“, јавно запраша Вељановски во своето обраќање.
Додаде и дека поставката на Музејот на македонската борба е модерна, научно поткрепена и мултимедијална презентација на историјата на македонскиот народ и сите заедници кои живеат во Република Македонија.
„Ваквиот тип на музејски презентации е хит во последните години во Европа, а восочните фигури стануваат речиси неизбежна алка во презентацијата. Таков е примерот со најновите три музеи во Република Хрватска. Поставката на Музејот на македонската борба беше препознаена од најеминентни европски музеолози и стручњаци од Европската Музејска Академија, кои на музејот му доделија Специјална награда за достигањата и ентузијазмот во зачувувањето на локалната историја и култура, во Бурса во 2013 година“, рече претседателот на Комисија за култура на ВМРО-ДПМНЕ.
Вељановски нагласи дека бројката од 250.000 посетители од над 120 земји од светот и преку 20.000 потписи во книгите за впечатоци го потврдуваат квалитетот на поставката. Исто така посочи дека за објектот на Музејот на македонската борба не се води никаква судска постапка, туку постапка се води за подземната гаража.
На крајот, Вељановски го соопшти ставот на неговата партија, според кој, во блиска иднина постапките на членовите на работната група за ревизија на Музејска дејност и нивните наредбодавци ќе бидат предмет на ревизија и истрага, а секоја незаконитост ќе биде кривично процесирање согласно степенот на уништувањето на материјалните и нематеријалните културни добра на Република Македонија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сиљановска Давкова – Ангеловска-Бежоска: во фокусот тековната работа на Народната банка и зачувување на макроекономската стабилност
Претседателката Гордана Сиљановска Давкова денеска ја прими Анита Ангеловска-Бежоска, гувернерка на Народната банка на Република Северна Македонија.
На средбата, прва по нејзиното стапување на функцијата, Сиљановска Давкова беше информирана за тековната работа на Народната банка и остварувањето на предвидените цели, насочени кон постигнување и одржување на ценовната стабилност и кон одржување на стабилен, конкурентен и пазарно ориентиран финансиски систем.
На средбата гувернерката Ангеловска-Бежоска ги претстави и стратегиските цели насочени кон унапредување на спроведување на монетарната политика, стабилноста на банкарскиот систем, непреченото функционирање на платните системи, управувањето со девизните резерви, а во функција на обезбедување на услови за ефикасни, иновативни и сигурни финансиски услуги.
Претседателката ги поздрави напорите на Народната банка за зачување на макроекономската стабилност на државата, во услови на геополитички и геоекономски ризици.
Гувернерката упати честитки до претседателката Сиљановска Давкова по повод стапувањето на функцијата и ѝ посака успех во работата.
Македонија
(Видео) Мециновиќ: ДПМНЕ поставува измеќар на СДС, за претседател на Собранието
Предлогот на новото мнозинство за избор на Африм Гаши за собраниски спикер не е ништо друго освен крунисување на партиите кои соработуваа во криминалната Влада на СДС, од страна на ДПМНЕ.
„Имаме јасен приказ дека силно ДПМНЕ најмногу значи силна Алтернатива. Зошто значи силна Алтернатива? – Токму оваа партија која беше измеќар на СДС, токму СДС ја избрка од својата Влада за да влезе Алијанса. Токму една ваква партија сега ДПМНЕ сака да ја круниса“ – истакна пратеникот Амар Мeциновиќ во неговото обраќање пред пратениците.
Според него, праксата на политички камелеонизам и шетање од коалиција во коалиција не е ништо ново на непренципиелната политика која ја водат политичките субјекти.
„Ова е само уште една потврда за водењето на лукративни политики, каде државните и националните интереси не се никаков предмет на интерес кај домашната политичка елита“, додава пратеникот на Левица.
Македонија
(Видео) Џафери најави дека останува да ја извршува премиерската функција до изборот на новата Влада: Нема да учествувам во работата на Собранието
Претседателот на Владата на Република Северна Македонија, Талат Џафери, кој е избран и за пратеник во Собранието на Република Северна Македонија, на Конститутивната седница на новиот парламентарен состав, најави дека ќе ја извршува функцијата премиер до изборот на новата Влада, и до тогаш нема да учествува во работата и одлуките на Собранието.
Џафери, се повика на Уставот, законите и досегашните пракси.
„Ја известувам јавноста да ги извести соодветните институции официјално дека како премиер и како владин состав, врз основа на заклучокот на овој владин состав, ќе продолжам да ги вршам должностите и обврските што извираат од функцијата премиер на земјата до изборот на идната Влада од овој владин состав, и нема да учествувам во работата на Собранието и со тоа, врз основа на Законот за спречување или превенција на корупција и заради спречување на корупција и конфликт на интереси, затоа што не може во исто време да носам две должности, две функции, и поради оваа причина, до изборот на идната Влада, нема да учествувам во работата на Собранието и во одлучувањето во Собранието, за да ги исполнам законските одредби на Законот за спречување на корупција и конфликт на интерес. Ова е за да се информираат сите, за да се надминат сите дилеми во однос на прашањето на понатамошното функционирање на институциите“.