Свет
Турција издаде нови налози за апсење на припадници на војската
Турција издаде налози за апсење на 68 припадници на војската кои се осомничени за поврзаност со организацијата на исламскиот проповедник Фетула Ѓулен кого Анкара го обвинува дека стои зад пропаднатиот обид за државен удар. Станува збор за припадници се од копнените сили на турската војска, а меѓу нив 19 се активни војници.
Полицијата во 19 провинции започнала операции за нивно приведување и досега уапсила 19 осомничени. Турските власти тврдат дека позади неуспешниот пуч од јули 2016 година, кога загинале 251 лице, а околу 2.200 биле повредени, стои организацијата на Фетула Ѓулен, кој живее во САД и ги негира обвиненијата. Анкара таа група ја нарекува ФЕТО (Терористичка организација на Фетула). Поради наводните врски со ѓуленистите, во Турција од тогаш се уапсени повеќе од 50.000 луѓе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Моментот кога огромен број ракети се појавија над Тел Авив и Ерусалим
Иран вчера попладне лансираше стотици ракети кон Израел. Според Израел, биле истрелани речиси 200 ракети. Ракетите се појавија над Израел нешто по 18 часот.
Сирените се огласија низ Израел.
Израелските одбранбени сили (ИДФ) ги повикаа Израелците „да останат внимателни и прецизно да ги следат упатствата на Командата за цивилна заштита“.
📹 اصابت موشکی که برخی منابع ادعا کردند موشک هایپرسونیک فتاح ۱ است#اسرائیل_سقطت pic.twitter.com/uzUx9fSJ1C
— خبرگزاری تسنیم 🇮🇷 (@Tasnimnews_Fa) October 1, 2024
„Веднаш штом ќе ја слушнете сирената, мора да влезете во заштитеното подрачје и да останете таму до понатамошно известување“, велат тие.
Засега не се знае колку ракети се пресретнати, а колку успеале да ја поминат противвоздушната одбрана. Не се знае колкава е штетата и дали има жртви.
Погледнете ја снимката од моментите кога ракетите се појавија над Тел Авив.
Iran missiles hit Tel Aviv. They must be ballistic missiles as they took minutes to get from Iran to Israel. They have also breached Israeli air defence. pic.twitter.com/WuEB5Bga4j
— Peter Flint (@ShodanSuper) October 1, 2024
Свет
Нетанјаху: Иран направи голема грешка, ќе плати
Израелскиот премиер Бенјамин Нетанјаху рече дека Иран ќе се соочи со последици за неговиот напад ноќеска.
„Иран направи голема грешка вечерва – и тие ќе платат за тоа“, рече Нетанјаху за иранскиот напад, кој истрела околу 200 ракети врз Израел. „Во ракетниот напад, постои и намерна и смртоносна рака зад тој напад – тој доаѓа од Техеран“, додаде тој.
Рече дека „нападот не успеа“, и покрај тврдењата од Техеран дека околу 90 отсто од ракетите ги погодиле нивните цели.
Извештаите од теренот и информациите од САД сугерираат дека огромното мнозинство на проектили биле успешно пресретнати, а Израел допрва треба да пријави каква било штета, повредени или смртни случаи.
Израелските власти веќе ветија „болен одговор“ на својот непријател, при што главниот портпарол на ИДФ рече дека одговорот ќе дојде на начин и во време по нивен избор.
Портпаролот на израелската војска Даниел Хагари изјави дека израелските воздухопловни сили „ќе нападнат силно на Блискиот Исток“.
Свет
Прослава на улиците на Техеран поради нападот врз Израел
Стотици Иранци излегоа на улиците на Техеран за да го прослават нападот во кој беа истрелани речиси 200 проектили кон Израел.