Македонија
СДСМ: Екоавтобусите во Скопје се нов чекор за заштита на животната средина
Градските власти предводени од СДСМ и градоначалникот Петре Шилегов продолжуваат да работат во интерес на граѓаните и заштитата на животната средина во главниот град. Почетокот на процесот за набавка на нови четириесеттина еколошки автобуси на гас е нов чекор за намалување на загадувањето на воздухот, на животната средина, зголемување на ефикасноста и осовременување на градскиот превоз, соопшти СДСМ.
Според партијата, новите екоавтобуси ќе ги заменат старите дизел-автобуси, кои трошеа речиси двојно повеќе гориво, а најголемата предност е тоа што емитуваат значително помалку ЦО2 со што речиси воопшто не го загадуваат воздухот.
„Истовремено, со ова градските власти го решаваат и проблемот на високи трошоци за одржување на старите и расипливи автобуси на ЈСП, со оглед на тоа дека автобусите што беа набавени пред 7 години често се расипуваа, а голем дел од нив немаа овластен застапник за нивна сервисна и техничка поддршка. Во трансформацијата на јавниот превоз ќе бидат вклучени и приватните превозници, а предвидени се субвенции за набавка на нови еколошки автобуси, како и за адаптација на истите на еколошки гас, што е дополнителна мерка за намалување на загаденоста. Решавањето на проблемот со јавниот превоз и намалувањето на загаденоста е еден од приоритетите на градоначалникот на Скопје, но и на СДСМ како политичка опција“, се додава во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ВМРО-ДПМНЕ: СДС се виновни за раздвојувањето на Албанија од Македонија
СДС се виновни за раздвојувањето на Албанија од Македонија, државата 7 години ја потонаа во криминал. СДС ликуваат на тоа што Македонија е заглавена. СДС напорно работеа првин да бидеме ставенј во исто кош со Албанија, а потоа и Албанија да не претрка, велат од ВМРО-ДПМНЕ.
„СДС свесно работат Македонија да биде заглавена почнувајќи од договорите потпишани од Заев, завршувајќи со криминалот и корупцијата кои царуваа 7 години со СДС. 2% доверба во судството, девастирано здравство и образование, СДС систематски ја разгради државата. Радоста на СДС нема да трае, Македонија оди напред, со ВМРО-ДПМНЕ следува економска трансформација, владеење на право и просперитет“, пишуваат од партијата.
Македонија
Времето денеска ќе биде облачно со врнежи од дожд, грмежи и силен северен ветер
Заладувањето пристигна и во Македонија.
Управата за хидрометеоролошки работи информира дека времето денеска ќе биде променливо облачно со повремени врнежи од дожд и локална појава на грмежи.
Наместа врнежите ќе бидат пообилни.
Ќе дува засилен, a долж Повардарието и во источните делови силен северен ветер (наместа над 70км/ч.)
Максималните дневни температури ќе се движат од 15 степени на повисоките места на западот на земјата, до 27 Целзиусови степени на крајниот југ.
Во Скопје, променливо облачно со повремени врнежи од дожд и услови за ретки грмежи. Ќе дува засилен ветер од северен правец. Температурата ќе достигне до 22 степени.
Македонија
Филипче: Бошњачката заедница е нераскинлив дел од нашето мултиетничко општество
Претседателот на Социјалдемократскиот сојуз на Македонија, Венко Филипче, вечерва присуствуваше на одбележување на Меѓународниот Ден на Бошњаците, во организација на Странката на демократска акција на Македонија (СДА).
Во обраќањето пред присутните, Филипче прача дека бошњачката заедница е нераскинлив дел од општеството и има значаен придонес во развојот и напредокот на Северна Македонија.
„Граѓаните Бошњаци по измените на Уставот од 2001 година, станаа дел од преамбулата и на нашиот Устав. Со нивната традиција, како составен и нераскинлив дел од нашето мултиетничко општество, имаат значаен придонес во развојот и напредокот на државата. Бошњачката заедница во Северна Македонија активно се вклучи во успешниот концепт „Едно општество за сите“, со кој Северна Македонија сега е пример во Ервопа и регионот за дијалог, меѓусебно разбирање и почитување“, рече Филипче.
Воедно, претседателот на СДСМ, Филипче ја потенцираше важноста на Странката на демократска акција на Македонија (СДА), која како коалициски партнер на СДСМ, изминативе години даде поддршка на развојните политиките во периодот на Владата на СДСМ.
„Во основното образование за учениците Бошњаци се врати редовната настава на босански јазик, Северна Македонија и Босна и Херцеговина потпишаа серија на билатерални договори во интерес на граѓаните,Скопје и Сараево станаа збратимени градови. Со својата прогресивна идеологија во изминатите години, СДА активно учествуваше во сите процеси кои ја придвижија државата напред, како што е членството во НАТО и започнувањето на преговорите со Европската Унија“, рече Филипче, додавајќи дека токму тоа и е разликата СДСМ и актуелната власт .
Филипче во своето обраќање нагласи дека СДСМ и СДА и во иднина ќе делуваат заеднички и ќе се залагаат за соживот,меѓусебна почит и интеграција на државата.
„ За жал деновиве сме сведоци на едни политики кои ја враќаат државата назад во изолација, нешто за што граѓаните не гласаа. И тоа не смееме да го дозволиме, не смееме да се откажеме од европскиот пат, од европска иднина за нашите граѓани. СДСМ и СДА и понатаму ќе продолжат да делуваат заеднички, ќе се залагаме за демократските вредности и инклузија на сите заедници, за интеграција, а не за изолација на државата“, порача претседателот на СДСМ, Венко Филипче.