Македонија
(Видео) Спасовски: Никој нека не се надева на амнестија
Сакам уште еднаш да истакнам за оние коишто деновиве заговараат некакви амнестии. Апсолутно не се боревме за амнестија на криминалот на никого, ние сакаме да има правда за сите, сакаме во едни транспарентни постапки секој да одговара за стореното, изјави министерот за внатрешни работи и потпретседател на СДСМ, Оливер Спасовски.
Така што, додаде тој, и од овде од Гостивар, упатувам порака дека амнестија нема да има за никого.
„Никој нека не се надева на амнестија, секој нека се соочи со правдата за она што го направил, заради тоа што и тоа е европска вредност. Правда мора да има за сите, и да чекориме цврсто и храбро заеднички, без разлика на национална и на верска припадност во Република Македонија да исчекориме во тој европски пат“, рече Спасовски.
Тој рече дека после многу години тапкање во место, сега е период во којшто граѓаните ја имаат историската шанса да помогнат на Македонија.
Сите граѓани, додаде Спасовски, треба да се приклучиме заедно во оваа битка за остварување на националните интереси, а тоа е, како што рече, членството во Европската Унија и НАТО.
„Од тој аспект сметам дека најголема одговорност треба да имаат политичарите. Најголема одговорност треба да бидат оние коишто се највисоки позиции и од тој аспект го повикувам Иванов да го потпише Законот за ратификација на меѓународниот договор, да и помогне на Република Македонија да исчекори напред и да покаже дека е за иднина на оваа држава и за иднина на нашите генерации“, рече Спасовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Вејце ниту се простува, ниту се заборава“ – Македонците паметат! Горат социјалните мрежи на годишнината од крвавиот масакр
Социјалните мрежи се преплавени со објави по повод 23-годишнината од масакрот кај Вејце, откако од заседа и ѕверски биле убиени, а потоа масакрирани и живи запалени осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осуммина убиени, имало и шестмина повредени. При нападот, од колоната успеало да се извлече последното возило и да јави за невидениот масакр.
Ова се само дел од објавите на ФБ.
Македонија
23 години од масакрот кај Вејце кога беа ѕверски убиени, а потоа запалени 8 македонски херои: Стојанче Ангелов положи цвеќе и запали свеќи
Денеска се одбележуваат 23 години од масакрот кај Вејце — најкрвав и најбрутален масакр во поновата историја на Македонија.
Масакрот се случи на денешен ден, 28 април 2001 година, во 17:45 часот откако од заседа и ѕверски биле убиени, а потоа масакрирани и живи запалени осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осуммина убиени, имало и шестмина повредени. При нападот, од колоната успеало да се извлече последното возило и да јави за невидениот масакр.
Иако нападнати од заседа, војниците и полицајците давале получасовен отпор, бранејќи го суверенитетот и територијалниот интегритет на Македонија!
Делегација на Достоинство утрово положи букет свежо цвеќе и запали осум свеќи во чест и помен на осумтемина загинати бранители убиени во крвавата заседа кај с.Вејце. Фотографии објави генералот Стојанче Ангелов.
Македонија
Остануваат уште 9 дена изборна кампања: партиските агенди и денеска набиени
Уште 9 дена изборна кампања. И денеска лидерите на партиите, заедно со носителите на листи, како и кандидатите за претседател, ќе ги презентираат своите изборни програми.
Кандидатот за претседател поддржан од СДСМ, Стево Пендаровски, денеска ќе оствари средба со жителите на село Велебрдо и со жителите на општина Маврово.
Гордана Силјановска Давкова, исто така, ќе има средби со граѓани, додека коалицијата што ја поддржува предводена од ВМРО-ДПМНЕ ќе ја презентира програмата за парламентарните избори пред граѓаните во Могила, Ресен, Демир Хисар и Битола.
Претседателот на Движењето ЗНАМ – За наша Македонија, Максим Димитриевски, ќе оствари средби со граѓаните на Крушево, Кичево, Струга и Охрид.
Во Штип на народен собир ќе се обрати претседателот на Левица, Димитар Апасиев.
Првиот човек на ДУИ, Али Ахмети, ќе се сретне со граѓаните на Струга и Дебар, а претседателот на Демократското движење, Изет Меџити, дел од Коалицијата „Вреди“ во рамките на изборните активности ќе даде изјава за медиумите во 12 часот во близина на „Веро“ во Чаир.