Македонија
Заев на самитот ЕУ-Западен Балкан во Лондон
Претседателот на Владата на Република Македонија, Зоран Заев, и владина делегација, денеска и утре, учествуваат на самитот ЕУ-Западен Балкан (берлински процес), што овој пат се одржува во Лондон.
Централните настани на ова издание на самитот ЕУ-Западен Балкан започнуваат утре со приемот на премиерката на Обединетото Кралство на Велика Британија и Северна Ирска, Тереза Меј, за шефовите на делегациите на земјите членки на берлинскиот процес и на земјите членки на ЕУ присутни на самитот, како и за претставниците на Европската комисија.
Премиерот Заев во текот на првиот работен ден ќе присуствува и на работниот ручек за шефовите на делегациите и на директорите на Европската инвестициона банка, на Европската банка за обнова и развој, на претставниците на Регионалниот совет за соработка на земјите од Западен Балкан, како и на претставниците на Регионалната канцеларија за соработка меѓу младите.
Темата на работната сесија на ручекот, под раковдство на премиерката Тереза Меј, е економијата и регионалната соработка, со воведно излагање на еврокомесарот за соседска политика и за проширување на ЕУ, Јоханес Хан.
Заев е поканет да се обрати на панелот на тема „Надворешна политика, билатерални прашања и наследство од минатото“, со кој ќе претседава британскиот министер за надворешни работи, Борис Џонсон.
Премиерот Заев ќе учествува и во работата на пленарната сесија водена од британската премиерка Тереза Меј на која ќе бидат презентирани плановите за самитот во Варшава во 2019 година. На оваа пленарна сесија пред присутните ќе се обратат полскиот премиер Матеуш Моравјецки, како и канцеларката на СР Германија, Ангела Меркел, и еврокомесарот Јоханес Хан, кои ќе говорат на темата „Иднината на берлинскиот процес“.
За време на самитот планирана е и средба со високата претставничка за безбедност и надворешна политика на ЕУ, Федерика Могерини.
Официјалната програма на самитот завршува со прием за сите делегации во палатата „Сент Џејмс“, кој ќе го приреди принцот Чарлс.
На маргините на самитот премиерот Заев ќе оствари средба со директорот на Службата за национална безбедност, Роберт Чатертон Диксон, како и со членови на охридската група, во чија организација е и работниот појадок со 16 политичари, воени претставници и новинари од Обединетото Кралство.
Заев од Лондон со специјален лет заминува за Брисел, каде што ќе учествува на самитот на шефови на држави и влади на НАТО.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Седумгодишно дете и уште три лице се изгубија на патот од Кожле кон Велес
Четири лица планинарејќи го згрешиле патот и залутале на стрмно опасно место за понатамошно нивно движење. Меѓу лицата има едно малолетно седумгодишно дете. Тие залутале на патот од село Кожле кон Велес, месност Манастирски Мост.
Од ЦУК информираат дека тимови се на лице место за да ги извлечат изгубените лица од опасниот стрмен предел меѓу Кожле и Велес.
Македонија
Без име на државава Сиљановска Давкова положи венец на спомен плочата на Св. Кирил и Методиј
Претседателката на државата, Гордана Сиљановска – Давкова вчера на своето прво меѓународно учество на одбележувањето на ликот и делото на словенските просветители, светите браќа Кирил и Методиј, постави венец, но бидејќи не го признава уставното име Северна Македонија, на венецот нема име на држава, туку пишува „Претеседател Гордана Сиљановска – Давкова“.
Откако стапи на должноста, Давкова избегнува да го каже името на државата, а освен уставното име таа не го изговара ниту името Република Македонија.
Претседателката Сиљановска Давкова ја посети и базиликата „Санта Марија Маџоре“, каде положи венец на спомен – плочата на македонски јазик во чест на делото на Светите браќа Кирил и Методиј, соопштија од кабинетот на претседателката.
Македонија
Смрдеа затвори дел од салите за операции во комплексот клиники „Мајка Тереза“
Претставник на Министерството за здравство бил сослушан во скопското Обивнителство, а по него според неофицијални информации следуваат директорите на хирушките клиники. По собраните искази и докази обвинител ќе процени дали постои основа да поведе постапка и против кого во врска со информациите дека само во три сали во комплексот клиники „Мајка Тереза„ во моментов се извршуваат исклучително итни операции. Останатите сали веќе 7-ми ден се затворени, поради ширеење на непријатна миризба.
Вработените и натаму не знаат кога салите ќе се вратат во функција, а од Министреството за здравство одговор нема.
Пацинетите кои не се третираат како итни слуачи се препраќаат во другите здравствени установи.
Од ВМРО ДПМНЕ денеска на прес конференција обвинија дека не работат ниту лифтовите на клиниката за трауматологија, па велат, пациенти со скршеници, но и оние што одат на контрола или во посета, или треба да одат по скали или да се туркаат со оние лифтови кон операционите сали. И за овие обивнувања се обративме до министерството за здравство но одговор нема.
„Цела недела 4 лифта не работат, ниту двата мали кај влезот, ниту двата кај трауматологија, па пациенти со скршеници, но и оние што одат на контрола или во посета, или треба да одат по скали или да се туркаат со оние лифтови кон операционите сали. Цела недела, од минатата сабота трае проблемот со системот односно цевководот за кислород до операциски сали, цела недела нема испитување што е, што мириса, дали е загадено, дали навистина има јаглерод диоксид“, изјави Наум Стоилковски ВМРО ДПМНЕ.