Македонија
Македонското еколошко друштво преку подружница во Ресен ќе се грижи за биодиверзитетот во Преспа
Македонското еколошко друштво (МЕД) својата работа ќе ја прошири во преспанскиот регион отворајќи ја првата подружница во Ресен.
„Отворањето на подружницата во Преспа претставува важен исчекор за нас имајќи на ум дека ние сме активна членка и основач на прекуграничната мрежа „Преспа нет“, која се формира во 2013 година и од тогаш досега спроведува акции за заштита на Преспанскиот Регион во Македонија, Албанија и во Грција“, се информира во соопштението на друштвото основано во далечната 1972 година.
Оттаму додаваат дека Преспанското Езеро и Преспанскиот Регион се жариште на биолошка разновидност, што потребно е да се заштитат за следните генерации.
„Се надевам дека со отворањето на оваа канцеларија нашата работа и посветеност за зачувување и истражување на Преспа ќе се интензивира и ќе наиде на добра соработка и од сите важни фактори во регионот и на национално ниво“, изјави извршната директорка на МЕД, Робертина Брајаноска.
МЕД во Преспа започна да спроведува мониторинг на крупни цицачи, мониторинг на растенија и водни живеалишта на прекугранично ниво во рамките на проектот „Прекугранична заштита на регионот Преспа преку заеднички партнерски акции на ‘Преспа нет’“, финансиран од Фондот за природа за регионот Преспа – Охрид (ПОНТ) и Фондацијата „Јенсен“.
„Заштитата на природата во Преспанскиот Регион е наш приоритет и како финансиери сакаме да бидеме присутни долгорочно поддржувајќи ја работата на локалните невладини организации, заштитените подрачја во трите земји, како и локалното население преку активности поврзани со екотуризам и одржливо користење на природните ресурси“, изјави извршната директорка на Фондот за природа за регионот Преспа – Охрид (ПОНТ), Мирјам де Конинг.
Во изминатите години, освен мониторинг и заштита на биодиверзитетот во Преспа, МЕД развива и едукативни програми со училиштата во регионот, а остварува и постојана соработка со управите на националните паркови Галичица и Пелистер и Општина Ресен како управител на паркот на природа „Езерани“ и споменикот на природа „Преспанско Езеро“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Во живо) Прес-конференција на портпаролката на СДСМ, Богданка Кузеска
Портпаролката на СДСМ, Богданка Кузеска одржува прес-конференција во седиштето на партијата.
Македонија
Меџити гласаше и упати порака до граѓаните: Не заборавајте дека секој глас е важен
Претседателот на Демократското движење и носител на листата на пратениците од коалицијата ВЛЕН во ИЕ 1, Изет Меџити го оствари правото на глас.
„Почитувани граѓани, денес е важен ден за нашата демократија. Ве молам учествувајте на изборите и изразете го својот глас за иднината на нашата земја. Ова е должност кон себе и кон другите. На овој прекрасен и демократски ден, не заборавајте дека секој глас е важен“, рече Меџити.
Македонија
Силјановска-Давкова: Како одговорна граѓанка со својот глас ги удостоив и парламентарните и претседателските избори
Како одговорна граѓанка, со својот глас ги удостоив парламентарните и претседателските избори, информира Гордана Силјановска-Давкова, кандидатка за претседател на државата, по гласањето за парламентарни и претседателски избори.
Во Македонија утрово започна вториот круг од претседателските и парламентарните избори.
Избирачките места беа отворени во седум часот, а беа затворени во 19 часот.
Во вториот круг од претседателските избори граѓаните одлучуваа меѓу Гордана Силјановска-Давкова и актуелниот претседател Стeвo Пандеровски.
На парламентарните избори, граѓаните избираат помеѓу 17-те изборни листи.