Македонија
Вулин: Заев мора да знае дека нема Косово и Србија, туку само Србија

Премиерот Зоран Заев денеска во Брисел, по добивање на поканата за членство во НАТО, рече дека сите треба да го следат македонскиот пример и рече оти очекува ова да ги охрабри Србија и Косово да го продолжат дијалогот. Српскиот министер за одбрана, Александар Вулин, одговорил дека Заев мора да знае дека не постојат Косово и Србија, туку само Србија.
„Заев мора да знае дека не постојат Косово и Србија, туку само Србија и територија под привремена управа на Обединетите нации во склад со резолуцијата 1244“, рекол Вулин, пренесуваат српските медиуми.
Тој додал дека Македонија и Србија немаат исти цели.
„Ние сакаме слобода и самостојност и независност сами да одлучуваме за себе. Србија, додека ја води Александар Вучиќ, ќе биде воено неутрална и слободна, па макар и да биде последна земја која не е член на НАТО“, рекол Вулин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Ѓорѓиевски и Тошковски на пешачење во Градски парк: секој чекор е здравје

Градскиот парк денеска беше изборот на градоначалникот на Кисела Вода и кандидат за градоначалник на Скопје, Орце Ѓорѓиевски, и министерот за внатрешни работи, Панче Тошковски. Двајцата утрото го започнаа со пешачење низ алеите на паркот, во спортска опрема и ведро расположение.
„Најубаво е денот да започне со утринско пешачење низ Градскиот парк, свеж воздух, мир и позитивна енергија. Секој чекор е здравје, секој здив е нова сила. Започни го денот со природа, а денот ќе ти врати со радост“, напиша Ѓорѓиевски во својата објава на социјалните мрежи.
Македонија
За влез и излез од државава на граничните премини се чека до 15 минути

Сообраќајот на државните патишта се одвива непречено, по суви коловози.
Интензитетот на сообраќајот на патиштата надвор од градските средини е зголемен. Поради летните одмори, се бележи зголемена фреквенција на возила, на ГП Табановце времето на чекање за влез и излез е околу 10-15 минути.
На останатите гранични премини од македонска страна нема подолги задржувања при влез или излез од државата.
Македонија
Свежо утро, а преку ден до 33 степени

Времето денеска ќе биде сончево со мала до умерена локална облачност. Ќе дува слаб до умерен, а вдолж Повардарието повремено засилен северен ветер.
Минималната температура ќе биде во интервал од 9 до 19, а максималната ќе достигне од 25 до 33 степени.
Во Скопје, сончево со умерена облачност. Ќе дува слаб до умерен северен ветер. Минималната температура ќе се спушти до 16, а максималната ќе достигне до 30 степени.
До средината на следната седмица ќе преовладува претежно стабилно време со дневни температури малку под просекот за овој период од годината. Потоа времето ќе биде сончево и потопло со пораст на дневната температура.